Genesi 15:18 - Bhibhiliya Nya Guage

¹⁸ Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

Genesi 15:18 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 13:15

Kholu litigo latshavbo u li wonago, nyi na gu ninga uwe ni sanana sago kala gupindruga.

Genesi 2:14

Lina nya owu nya wuraru gupwani Tigre, wa guvbindra khu phuvbo ga Khugadambo ga litigo la Asiriya; tsongo nya wu na gupwani Ewufrate.

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 26:4

Nyi na andrisa livelego lago kha nga dzinyeledzi dza ndzadzini, nyi na gu ninga mayigo yaya yatshavbo. Khavbo nya melego wago, ma na kategiswa mafumbu yatshavbo nya vathu va tigoni,

Genesi 28:4

A na gu kategise uwe gumogo ni livelego lago, kha nga gikategiso gya Abrahama, gasi u fela gu hodza thomba nya litigo u luvelago umo, eli Nungungulu a li ningidego Abrahama.”

Genesi 35:12

Nyi na gu ninga litigo nyi ningidego Abrahama ni Isaki; nyi na ninga gambe sanana sago, hwane gwago.”

Genesi 50:24

Josefa a di embela vandriyaye, khuye: “Eni nyi ngufa; aholu Nungungulu khu lisine a na mi holelani, a na mi dusani khu tigoni momu, a mi yisa ga litigo a sambanyidego gu ninga Abrahama, Isaki ni Jakobe.”

2 Samuweli 23:5

Wufumu wangu wu khalegide gwadi mbeli ga Nungungulu. Kholu uye giride ni eni gidzumeledzwano nya gupindruge, gidzumeledzwano gi tumbegidego gi dongisedwego gwadi. Uye a na nyi gira nyi dugelela ga satshavbo a nyi ninga satshavbo nyi si vbwetago.

2 Samuweli 8:3

Dhavhidhe a di sasela gambe Hadhadhezeri, mwamana wa Reyobhi, mufumeli wa Zobha, gikhati uye a nga bani a hongola aya tiyisa mufumo waye tsongoni ga Ewufrate.

1 Dzipfhumu 4:21

Solomoni a diri ni tshivba ga mifumo yatshavbo, gukhugela tsongoni wa Ewufrate, kala tigoni ga Vafilisitiya, kala ni vbinganoni wa Egipito. Mifumo yeyi yi dita luva ga Solomoni ni gu mu thumela matshigu yatshavbo nya guvbanye gwawe.

1 Dzipfhumu 5:1

Hiramo mufumeli wa Tiro, a di rumela sithumi saye ga Solomoni, kholu a dipwa gupwani Solomoni todzidwe a wumbedwa gu khala mufumeli wulangani ga babe waye Dhavhidhe, kholu Hiramo gikhati gyatshavbo a di gu golana ni Dhavhidhe.

1 Dzikoronika 16:16

ni gidzumeledzwano a giridego ni Abrahama ni gisambanyo a giridego ni Isaki;

1 Dzikoronika 5:9

va di vbahide navo khu phuvbo ga Khugadambo kala vbafuvbi ni giwulani, va vboha tsongoni wa Ewufrate, kholu mitshambi yawe yi andride ngudzu tigoni gwa Gileyadhi.

2 Dzikoronika 7:8

Buzo yoyu nya gu thangedwe khu Solomoni, ni vatshavbo va na Israyeli, wu vbedzide livbandre na mavili matshigu. Gu diri ni gidzemo nya gikhongolo ngudzu gi ngata tombana gukhugela nyangwani ga Hamati, kala tsongoni wa Egipito.

2 Dzikoronika 8:7

Gasi vathu vatshavbo va nga bani va tshade tigoni, avo nya Vahiti, Vaamori, Vaferezi, Vahevhi ni Vajebhusi, va nga bani va si lumbi va na Israyeli,

2 Dzikoronika 9:26

A di khozisa vafumeli vatshavbo, gukhugela tsongoni wa Ewufrate, kala tigoni ga Vafilisitiya, a bela kala vbinganoni nya litigo la Egipito.

Ezira 4:20

Jerusalema gambe, gu manegide vafumeli nya tshivba, va nga bani va gu khozisa mayigo yatshavbo ya khisikheyi nya tsongo wa Ewufrate, va nga bani va livbedwa khupo ni mihengo nya gikhaba.

Nehemiya 9:8

U mu wone nari ni monyo wu tumbegidego, U gira naye gidzumeledzwano, U mu tumbisa gu mu ninga livelego nya gutale tigoni ga Vakhanani, ga Vaperezi, ga Vajebhuzi ni ga Vagirigasi, U tiyiside magana yago, kholu uwe u lulamide.

Dzindzimo 105:11

Avbo a nga khuye: “Nyi na gu ninga litigo la Khanani, li na lumba uwe kala gupindruga.”

Ekisodha 13:11

Gikhati Pfhumu Nungungulu a na gu bedzago tigoni ga Vakhanani, kha nga a sambanyidego gwago ni ga vababe vago, gu gu ninga li khala lago,

Ekisodha 2:24

Nungungulu a dipwa gulila gwawe, a dundruga gidzumeledzwano a giridego ni Abrahama, Isaki ni Jakobe.

Ekisodha 23:23

Kholu Ngilozi yangu yi na gimbila mbeli gwago yi na gu bedza tigoni ga Vaamori, ga Vahiti, ga Vaperezi, ga Vakhanani, ga Vahevhi ni ga Vajebhusi, nyi na va fuvisa vathu vava.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Ekisodha 32:13

Dundruga Abrahama, Isaki ni Jakobe, sithumi sago, u nga va sambanyelago khu Lina lago, khuwe: Livelego lanu li na tala li andra gu fanana ni dzinyeledzi dza ndzadzini, nyi na ninga sanana sanu litigo leli nyi nga mi embelani, li khala thomba yanu kala gupindruga.”

Ekisodha 34:11

Vegedza gwadi esi nyi gu rumago muhuno. Nyi na tutumisa mbeli gwago Vaamori, Vakhanani, Vahiti, Vaperezi, Vahevhi ni Vajebhuzi.

Ekisodha 34:24

Kholu eni nyi na tutumisa mayigo mbeli gwago, nyi na thawuludza litigo lago, wa gu simama guta guraru khu mwaga, u ta dzi wonegisa ga Pfhumu Nungungulu wago, mwalo muthu a na gu girela lidiwo litigo lanu.

Ekisodha 6:4

Gambe nyi giride nago gidzumeledzwano gyangu, gasi gu va ninga litigo la Khanani, litigo va nga vbanyago umo kha nga valuveli.

Ekisodha 6:8

“Nyi na mi yisani nyi ya mi bedza ga litigo lile nyi nga sambanyago gukheni nyi na ninga Abrahama, Isaki ni Jakobe. Nyi na mi ningani gasi li khale thomba yanu. Eni kheni Pfhumu Nungungulu.”

Isaya 27:12

Khu litshigu lolo, Pfhumu Nungungulu a na vbula mavbila yaye gukhugela tsongoni wa Ewufrate, kala tsongoni wa Egipito; Gasi enu va na Israyeli, mu na roledwa khu moyo ni moyo.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Jeremiya 32:22

Uwe u va ningide litigo leli khu gitumbiso ni gisambanyo u giridego ni vababe vawe; litigo li gogago mahwe ni wulombe.

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Levhi 26:42

eni neni nyi na dundruga gidzumeledzwano gyangu nyi giridego ni Jakobe, ni Isaki, ni Abrahama, nyi dundruga gambe ni litigo lawe.

Levhi 26:45

Khu kotani nya gu va haladze, nyi alakanyide gidzumeledzwano nyi giridego ni vababe vawe, ava nyi va dusidego khu tigoni ga Egipito, mbeli nya mayigo, gasi nyi khala Nungungulu wawe. Eni kheni Pfhumu Nungungulu.”

Mitengo 34:5

Khu Azimoni, vbingano wu na dzundruluga wu thonona gitsongwanani gya Egipito, wu ya hegisela phwani.

Mithumo 7:5

Nungungulu kha mu ninga ambari gipandre gidugwana nya mafu ya tigoni momu. Aholu a mu tumbiside gu mu ninga latshavbo litigo leli, uye ni sanana saye, ambari ulo a nga bani ari mwalo gyanana.

Dhewuteronome 11:24

Wulanga watshavbo mu na gandrago khu migondro yanu, wu na lumba enu, litigo lanu lina khugela giwulani kala Libhanoni, gukhugela tsongo wa Ewufrate, kala ga yiphwa ya Muhwadambo, wu na bani wuri vbingano wanu.

Dhewuteronome 12:20

Gikhati Pfhumu Nungungulu wago, a na anamisago litigo lago kha nga a gu embedego, u gola gu hodza nyama, u ganela, khuwe: Nyi na hodza nyama, khu guralo, kha nga gugola gwago, u na yi hodza.

Dhewuteronome 19:8

A gu tshukha Pfhumu Nungungulu wago, a andrisa mivbingano nya litigo lago, kha nga a sambanyidego ga vababe vago, a gu ninga litigo latshavbo a va tumbisidego,

Dhewuteronome 34:4

Pfhumu Nungungulu a di mu embela, khuye: “Eli khilo litigo nyi sambanyidego gu ninga Abrahama, ni Jakobe. Nyi na li ningela ga livelego laye. Uwe u li wone khu maho yago, aholu khu na nga ya bela umo.”

Dhewuteronome 7:1

Gikhati Pfhumu Nungungulu wago a na gu vbohisago ga litigo uyago umo gasi guya li fumela, avbo a na gu bani a tutumiside mbeli gwago, a va yisa hwindzo, vathu nya mafumbu nya gutale: Vahiti, Vagerazi, Vaamori, Vakhanani, Vaferezi, Vahevhi ni Vajebhuzi, livbandre na mavili mayigo ma gu na ni vathu nya vangi ni tshivba guvbindra uwe;

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

Josuwa 13:3

gukhugela Siyori, gu manegelago mbeli ga Egipito, kala vbinganoni ga Ekoroni khu phuvbo ga Wuronga, litigo li gupwani la gu lumba Vakhanani; litigo li gu ni livbandre manganagana nya Vafilisitiya va Gaza, va Asidhodhi, va Asikeloni, va Gati ni va Ekoroni;

Josuwa 15:4

wu vbindra khu Hezironi, wu gwela kala Adhari wu dzundrulugela Karaka; wu vbindra khu Azimoni, wu ya dugela gitsongwanani gya Egipito wu ya vbelela pwani; owu khuwo wu na gu bani wuri vbingano wanu, khu phuvbo ga Marandzi.

Gutuledwa 9:14

Lito li di embela ngilozi nya livbandre na mweyo yi nga bani yi pharide pundru, khilo: “Tshula dzingilozi dza dzina dzi hungidwego bambe nya tsongo khongolo wa Ewufrate.”