Genesi 15:13 - Bhibhiliya Nya Guage

¹³ Khavbo avbo, Pfhumu Nungungulu a di mu embela, khuye: “Khala nu gu dziti gukhuwe situgulwana nya livelego lago si na vbanya kha nga vawuyi tigoni nya valombo, li si gu lawe. Va na khoziswa va gu girwa dzikhumbi, va tshonigiswa gipimo nya mazana mana myaga.

Genesi 15:13 Iomraidhean Croise

Genesi 15:16

Ga melana nya wu na, situgulwana sago si na wuya gambe tigoni momu. Kholu Vaamori va si gu tadzisi pimo nya sihoso sawe va kodza gu hakha tsayiso wu va fanelago.”

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Genesi 47:4

Va di ganela gambe ga Faro, khavo: “Hi rurede tigoni momu, kholu gu ngu hamugega mwasi nya guhavise mitshambi ya sithumi sago, gambe ndzala yingi ngudzu tigoni ga Khanani. Olu hi ngu gu lomba u dzumedzisa sithumi sago guya vbaha tigoni ga Goseni.”

Dzindzimo 105:42

Kholu a di alakanya magana yaye nya gukatege, a nga sambanya ga Abrahama, gihathwa gyaye.

Ekisodha 1:11

Va di rumela dzighadhi gasi gu khevisela sanana sa Israyeli va si lemedza khu mithumo nya gulemele. Khu guralo, va na Israyeli va di vbahela Faro, madhoropa ya Pitomi ni Ramisesi, umo mufumeli wa Egipito a nga bani na gu vegedzela umo dzithomba nya dzimbewu dza mahangeni.

Ekisodha 1:13

Khavbo avbo, Vagipiti va di tshanisa va na Israyeli va va gira dzikhumbi.

Ekisodha 1:14

Va di va tshanisa khu mithumo nya gulemele ngudzu nya gubagelele libumba ni gu gira sitini, ni mithumo yatshavbo nya wulimi ni wugumbi watshavbo va nga va rwegago khu tshivba.

Ekisodha 2:24

Nungungulu a dipwa gulila gwawe, a dundruga gidzumeledzwano a giridego ni Abrahama, Isaki ni Jakobe.

Ekisodha 22:21

U nga vengeli muluveli a vbanyago vbafuvbi gwago mwendro gu mu tshanisa, kholu enu nenu mu diri valuveli tigoni ga Egipito.

Ekisodha 23:9

U nga tshanisi muluveli a vbanyago tigoni gwanu, uwe u ngu gu pima gwadi guvbanya ga muluveli tigoni ga vane, kholu uwe nuwe u khade muluveli tigoni ga Egipito.

Ekisodha 3:10

Olu delu, nyi na gu rumela ga Faro, gasi u ya dusa vathu vangu, va na Israyeli khu tigoni ga Egipito.”

Ekisodha 3:17

Khu guralo, Eni nyi ganede, kheni: Nyi na mi dusani khu wugumbini wa tigoni ga Egipito, nyi mi yisani tigoni ga Vakhanani, ga Vahiti, ga Vaamori, ga Vaferezi, ga Vahevhi ni Vajebhuzi, tigoni gu gogago mahwe ni wulombe.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Levhi 19:34

Muluveli a vbanyago vbakari gwanu, mu na mu phara kha nga wa na gyanu; mu na mu haladza gukhwatshi khu edzi mu dzi haladzago khidzo, kholu enu nenu, mu diri valuveli tigoni ga Egipito. Eni kheni pfhumu Nungungulu wanu.

Mitengo 20:15

Vababe vathu va relede tigoni ga Egipito, umo va nga ya vbanyago gikhati nya gulaphe ngudzu, aholu Vagipiti va hi tshaniside ethu gumogo ni vababe vathu.

Mithumo 7:17

Na giri vbafuvbi ni gu vboha gikhati Nungungulu a nga gi vegisago gasi gu tadzisega gitumbiso a nga girago ga Abrahama, vathu va di velegelana va gu tala tigoni ga Egipito.

Vagalatiya 3:17

Esi eni nyi vbwetago gu ganela khu esi: Nungungulu hungide gidzumeledzwano a wuya a tiyisa gu gi sayisa. Nayo wu vegidwego na gu vbindride mazana mana ni magumararu (430) myaga, kha wu dzi kodzi gu tshula gidzumeledzwano gi hungidwego khu gale, mwendro gu fuvisa gitumbiso.

Dhewuteronome 10:19

Khu guralo, golani valuveli, kholu, enu nenu mu diri valuveli tigoni ga Egipito.

Dhewuteronome 5:15

Dundruga gukhuwe uwe nuwe u diri khumbi tigoni ga Egipito, aholu Pfhumu Nungungulu wago, a gu duside khu mule khu gyandza nya tshivba ni libogo nya gulaphe; khigyo givangelo gi girago Pfhumu Nungungulu wago, a gu ninga nayo nya guvegise gu vegisa litshigu nya Sabhadho.