Genesi 15:1 - Bhibhiliya Nya Guage

¹ Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Genesi 15:1 Iomraidhean Croise

Genesi 15:2

Khavbo avbo, Abrama a di hakha, khuye: “Pfhumu Nungungulu wangu, ginani U na nyi ningago, olu nyi nafago nyambana sanana, Eliyezeri, givelegwa gya Dhamasiko khuye a na khalago mune ndranga yangu.”

Genesi 15:4

Pfhumu Nungungulu a di phindrula, khuye: “Khandruye oyu a na gu khalago muhodzi nya thomba yago. Aholu, gyanana gyago nya gu gi velege khigyo gi na gu khalago muhodzi nya thomba yago.”

Genesi 21:17

Nungungulu a di pwa khu ndzadzini gulila nya gyanana, ngilozi ya Nungungulu yi di rana Agari, khiyo: “Ginani u gu nagyo, Agari? U nga thavi, kholu Nungungulu pwide lito nya gyanana wulangani gi guromo avbo.

Genesi 22:1

Hwane nya gugirege satshavbo sesi, Nungungulu a di linga Abrahama. A di mu rana, khuye: “Abrahama!” Abrahama a di hakha, khuye: “Nyi womo avba.”

Genesi 22:20

Na si giregide satshavbo sesi, va dita tivisa Abrahama, khavo: “Milika nuye velegide livbandre na siraru sanana ni ndriyago Nahori.”

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 31:7

aholu uye a di nyi kanganyisa a gu vbindrugedzela likhumi dzinyondro hakhelo yangu; aholu Nungungulu kha dzumedzisa gukhuye a nyi kalavele.

2 Samuweli 22:3

Nungungulu wangu, giwindri gyangu nyi thavelago avbo; khuye gitshangu gyangu, tshivba nya guvbanyiswe gwangu; ni likhokhola langu li khusegidego Ama muvbanyisi wangu, u nyi vbanyiside, vbakari nya pfilupfilu.

2 Dzipfhumu 1:15

Ngilozi ya Pfhumu Nungungulu yi di embela Eliya, khiyo: “Relela ni mwama yoyu. U nga khali hwanga khuye!” Eliya a di khuga a relela gumogo naye kala ga mufumeli.

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

Dzindzimo 115:10

Enu va nyumbani ga Aroni, tumbani Pfhumu Nungungulu; kholu uye khuye muphasedzeli ni gitshangu gyanu.

Dzindzimo 119:114

Uwe u wuthavelo ni gitshangu gyangu, eni nya gu tumba magana yago.

Dzindzimo 142:5

Nyi di rana uwe Pfhumu Nungungulu, kheni: “Uwe khuwe wuthavelo wangu; khuwe thomba yangu tigoni nya vathu va vbanyago.

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Dzindzimo 3:3

Aholu, uwe Pfhumu Nungungulu, u gitshangu gyangu, khuwe wuzundzo wangu, khuwe u nyi khusedzago.

Dzindzimo 3:4

Nyi ngu khusa lito nyi rana Pfhumu Nungungulu, uye a ngu nyi hakha khu gigomoni gwaye nya gukatege.

Dzindzimo 5:12

Khu kharato, uwe Pfhumu Nungungulu, u ngu kategisa oyu a lulamidego u ngu mu vhikela maphuvbo yatshavbo khu gitshangu nya wuhigo wago.

Dzindzimo 58:11

Vatshavbo va na, khavo: “Bayi furi! Muthu nya gululame a ngu tshatshazedwa! Khu lisine, womo Nungungulu a lamulago litigo!”

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Dzindzimo 84:9

Uwe Nungungulu muvhikeli wathu, kategisa wule u mu hathidego gu khala mufumeli.

Dzindzimo 91:4

A na gu fenengedza a gu vhikela, u na mana gu sayisega vbavbatshi nya dzimbapi dzaye; gutumbega gwaye gitshangu gyago.

Ekisodha 14:13

Khavbo avbo, Mosi a di embela vathu, khuye: “Mu nga thavi; tiyani mu na wonani esi Pfhumu Nungungulu a na girago gasi gu mi vbanyisa muhuno; kholu Vagipiti mu va wonago muhuno olu, gima kha mu na nga va wona gambe kala gupindruga.

Mavingu 11:18

Muthu nyambasi wadi, a gu hakha tshatshazelo nya wudambane, Aholu uye a yalago gululama, a na mana tshatshazelo nya wadi.

Mavingu 30:5

Magana yatshavbo ya Nungungulu ma agide, gitshangu gya vatshavbo vale va Mu tumbago.

Isaya 35:4

Embelani avo va vbedego tshivba, khenu: “Tiyani, mu nga thavi! Kha mu mu woni oyu Nungungulu wanu, a tago guta mi phodzela, gasi gu bweledzela valala vanu, guvivba va mi giredego. Uye a nguta khu wurumba waye, gasi guta mi vbanyisa.”

Isaya 40:10

Wonani nya gukhenu Mune, Pfhumu Nungungulu, a nguta nari ni tshivba guta fuma khu gyandza gyaye; wonani, a nguta ni tshatshazelo waye, a guta ni vathu a va tshudzisidego; a va thangisa mbeli gwaye.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 43:1

Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 44:2

Pfhumu Nungungulu a nga gu girago, a gu wumbidego gukhugela ndrani ga mayi wago, uye a gu phasago, a ngu ganela kharati, khuye: “U nga thavi, uwe Jakobe, githumi gyangu, uwe Jesurumi nyi gu hathidego.

Isaya 44:8

Mu nga thavi, gambe mu nga vbeli tshivba; ina gukhugela gale kha nya mi embela mahungu yaya, kha nya mi tivisa, gani? Enu mu dzifakazi dzangu, womo mumbe Nungungulu vbavbandze ga Eni, gani? Gi mwalo gimbe Giwindri nyi gitigo.”

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Jeremiya 39:17

Khu guralo, Eni nyi na gu vbulugisa ga litshigu lile, khu na thegela mandzani ga vathu vale u va thavago; a ngu ganela Pfhumu Nungungulu.

Gililo 3:24

Hefemulo wangu, wu di khuwo: “Thomba yangu khu Pfhumu Nungungulu, khu guralo, nyi ngu vega iyo gwaye gutumba gwangu.” Tet

Ezekiyeli 1:1

Khu litshigu nya livbandre, nya ngima nya wu na, nya mwaga nya magumararu, eni nyi diri vbakari ga vale va vbagedwego, vbafuvbi ni tsongo wa Kebhari, gu di tulega ndzadzini, nyi di wona siwoniso khu ga Nungungulu.

Ezekiyeli 11:24

Khavbo avbo, Liphuvbo la Nungungulu li di nyi khusa, khu giwoniso li nyi yisa ga avo va nga bani va vbagedwe va yiswa Bhabhiloni. Khavbo avbo, gi di vbela giwoniso nyi nga bani nyi gi wona.

Ezekiyeli 3:4

Khu hwane a di nyi embela, khuye: “Mwamana wa muthu, olu indra ga va na Israyeli, u ya va embela magana yangu.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Mitengo 18:20

Pfhumu Nungungulu a di embela Aroni, khuye: “Uwe khu na mana thomba tigoni gwawe, ambari gu mana giavelo vbakari gwawe. Eni nyi na bani Nyiri thomba ni giavelo gyago vbakari ga va na Israyeli.

Mitengo 24:4

magana ya uye a yingisago mahungu ya Nungungulu, ya oyu a wonago Nungungulu nya Tshivba Yatshavbo, uye a dzi nogisago, aholu na ma tulegide maho yaye.

Matewu 28:5

Aholu ngilozi yi di khusa lito, yi embela vanyamayi vale, khiyo: “Mu nga thavi; nyi ngu dziti nya gukheni mwa gu vbweta Jesu a nga khokhothedwago.

Matewu 8:26

Jesu a di va embela, khuye: “Mwa gu thava ginani, vathu nya gukhodwe vbadugwana?” Na khugide, a di kawuka phuvbo ni mavimbi. Khavbo avbo, gu di manega malenga nya makhongolo.

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:30

Ngilozi yi di, khiyo: “Mariya, u nga thavi, kholu u manide wuhigo mahoni ga Nungungulu.

Luka 12:32

Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

1 Vakorinto 3:22

Gani Pawulo, gani Apolo, gani Khefasi, gani khu litigo, gani khu gufa, gani khu guvbanya, gani khesi hi gu naso, gani khiso si nga gutago; satshavbo khyanu,

Dhewuteronome 18:2

Khu guralo, kha va na nga mana thomba vbakari ga vandriyawe; Pfhumu Nungungulu khuye thomba yawe, kha nga a va embedego.

Dhewuteronome 31:6

Khalani vathu nya gutiye ni gutimisela, mu nga thavi ambari gu thuruga mbeli gwawe, kholu Pfhumu Nungungulu wanu, khuye a na gimbilago nanu; kha na mi diga ambari gu hambana nanu.”

Vahebheru 1:1

Gale Nungungulu ganede dzinyondro nya dzingi ga vababe vathu khu maganelelo nya guhambanelane khu magana ya vaprofeti.

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Rute 2:12

Pfhumu Nungungulu a na gu bweledzele mithumo yago, u hakha tshatshazelo nya yikhongolo khu ga Pfhumu Nungungulu wa Israyeli, Uye u dzudego vbavbatshi nya dzimbapi dzaye gasi guta mana wuthavelo.”

1 Samuweli 15:10

Khavbo avbo, ma dita magana ya Pfhumu Nungungulu ga Samuweli, a mu embela, khuye:

1 Samuweli 9:9

Matshiguni ya gale, tigoni ga Israyeli, wule aya wudzisago ga Nungungulu, a di gu olovela gu ganela, khuye: “Hongole hiya wonana ni mwama nya liwoni kholu vaprofeti va muhuno gale va di ranwa vama nya liwoni.”