Genesi 14:5 - Bhibhiliya Nya Guage

⁵ Khu mwaga nya likhumi na mina, Kedhorilawomeri a dita gumogo ni vafumeli vale a nga bani a pwananide navo, va ta pala Varefayi wulanga wu ranwago gupwani Asiteroti-Karinayimi; va vbindra va ya khinyela Vazuzi, wulanga wu ranwago pwani Hami; khu vbale, va diya pala Vaemisi wulanga wu ranwago pwani Savhe-Kiriyatani;

Genesi 14:5 Iomraidhean Croise

Genesi 14:4

Va dzumede gu fumedwa khu Kedhorilawomeri gipimo nya likhumi na mivili myaga, aholu khu mwaga nya likhumi na miraru, va di mu wugela.

Genesi 15:20

la Vahiti, la Vaferezi, la Varefayime

2 Samuweli 23:13

Ga magumararu dzindruna, vararu nya avo va di vboha ga Dhavhidhe khu gikhati nya guvbwere, phagoni gwa Adhulamo; gidzemo nya Vafilistiya na gi zumbide kovani ga Refayimi.

2 Samuweli 5:18

Vafilistiya, va di ta mbambamela kovani wa Refayimi.

2 Samuweli 5:22

Vafilistiya va di engedza gambe va ta mbambamela kovani wa Refayimi.

1 Dzikoronika 11:15

Dzindrena dzitharu nya dzile nya magumararu, dzi di relela dziya ga Dhavhidhe, phagoni nya giwindri gya Adhulamo; libutho la Vafilisitiya, li di zumbide khu kovani wa Refayimi.

1 Dzikoronika 14:9

Aholu Vafilisitiya va dita mu randrela kovani wa Refayimi.

1 Dzikoronika 4:40

Va di ya mana wuhaviselo nya wadi nya gunone ni litigo li anamidego nya gurule ni gutenga, va ya khala umo, khu gale gu nga bani gu lumba livelego la Kami.

Dzindzimo 105:23

Khavbo Israyeli, a gu Jakobe, a nga relela tigoni ga Egipito, aya khala muluveli vbakari nya sanana sa Kami.

Dzindzimo 105:27

Va di wonegisa siliwugiso saye vbakari gwawe, va gira sisamadziso tigoni ga Kami.

Dzindzimo 106:22

Giride siliwugiso nya sikhongolo tigoni ga Kami, ni silo nya guthise Yiphwani nya Gufuvile.

Dzindzimo 78:51

Ga ndranga ni ndranga ya tigoni ga Egipito, a di songa gyanana nya matiwula, handro nya guphele nya tshivba yawe mitshatshani ya Kami.

Isaya 17:5

Gu na fanana ni muvbweri a vbwerago tirigu, a wungedzelago mahwatshu khu mandza yaye, fanana gambe ni wule a vbwerago tirigu kovani ga Refayimi.

Jeremiya 48:1

Khu mahungu ya Mowabhi, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Libango ga va na Nebhu, kholu lidhoropa lawe li khungumudwe.” Va na Kiriyatayimi, va padwe va modwa; likhokhola lawe li khungumudwe li thedwa dzitshoni.

Jeremiya 48:23

ga Kiriyatayimi, ni Bheti-Gamuli ni Bheti-Meyomi,

Mitengo 32:37

Va na Rubheni va di vbaha madhoropa ya Hesibhoni, Eleyali ni Kiriyatiyimi;

Dhewuteronome 1:4

hwane nya gu bani na songidwe Seyoni, mufumeli wa Vaamori, a nga bani a gu vbanya Hesibhoni, ni Ogi, mufumeli wa Bhasani, a nga bani a gu vbanya Asitaroti, tigoni ga Edhireyi.

Dhewuteronome 3:11

Kholu Ogi, mufumeli wa Bhasani, khuye enga a nga bani na tshade nya lihundzu nya sidandrangulu, Varefayini; lidawu laye a diri la simbi li nga bani liri ni pimo nya livbandre na mina mikono gulapha, guanama li diri ni mikono mina, mayelano khu pimo wu nga bani wu thumiswa gikhati gyogyo. Li nga romo kala na muhuno.

Dhewuteronome 3:13

Ilo li nga tshalago la Gileyadhi, gumogo ni Bhasani watshavbo, nya mufumo wa Ogi, nyi di ninga gipandre nya lihundzu la Manasi; gipandre gile gyatshavbo gya Arigobhi, Bhasani watshavbo, gu di ranwa gupwani; litigo la Varefayimi.

Dhewuteronome 3:20

kala Pfhumu Nungungulu kala Pfhumu Nungungulu a ninga vandriyanu guhefemula nya nga ogu a mi ningidego enu; kala avo navo va dzege litigo eli Pfhumu Nungungulu wanu, a na gu va ninga la khisikheyi nya tsongo wa Joridhani; khavbo moyo ni moyo a na bwelela ga thomba yaye nyi mu ningidego.

Dhewuteronome 3:22

Mu nga va thavi, kholu Pfhumu Nungungulu wanu, khuye a na mi dwanelago.

Josuwa 12:4

Va di dzega litigo la Ogi, mufumeli wa Bhasani oyu a nga vbulugago ga va na Refayimi, a vbahidego Asitaroti ni Edhireyi;

Josuwa 13:12

Mufumo watshavbo wa Ogi, tigoni ga Bhasani, a fumidego Asitaroti ni Edhireyi, a gu uye a tshadego ga vadandrangulu, avo Mosi a nga va khozisa ni gu va tutumisa.

Josuwa 13:19

Kiriyatayimi, Sibima, Zereti-Sahari gigomoni gya kovani;

Josuwa 13:31

ni gipandre gya Gileyadhi, Asitaroti ni Edhireyi, madhoropa ya mufumo wa Ogi, tigoni ga Bhasani, aya ma di ningedwa sanana sa Makiri, mwamana wa Manasi, gipandre gya sanana sa Makiri, gukhedza khu mapango yawe.

Josuwa 9:10

iso a giridego ga vafumeli nya Vaamori, va khisikheyi ga Joridhani, ga Siyoni, mufumeli wa Hesibhoni, ni ga Ogi, mufumeli wa Bhasani, va nga bani va vbanya Asitaroti.