Genesi 14:3 - Bhibhiliya Nya Guage

³ Vafumeli vava nya guhegise, va di tshanganisa masotshwa yawe kovani gwa Sidimi, yi guromo umo Yiphwa nya Gufe.

Genesi 14:3 Iomraidhean Croise

Genesi 10:19

Litigo lawe li di ladza gukhugela Sidhoni kha guhongola Gerari, vbafuvbi ni Gaza, kala Sodhoma ni Ghomora, Adhama, Seboyimi kala Lasa.

Genesi 14:10

Kova watshavbo wa Sidimi wu di tade khu milambo nya maraga, vafumeli va Sodhoma ni Ghomora na va gu thava, va di ya thegela milamboni momo, vambe va di thavela sigomoni.

Genesi 14:4

Va dzumede gu fumedwa khu Kedhorilawomeri gipimo nya likhumi na mivili myaga, aholu khu mwaga nya likhumi na miraru, va di mu wugela.

Genesi 14:8

Aholu vafumeli va Sodhoma, Ghomora Adima, Seboyimi ni Bhela, olu gu ranwago pwani Sowari, va di duga gasi guya dwana kovani ga Sidimi

Genesi 19:24

Khavbo avbo, Pfhumu Nungungulu a di wisa madhoropani ga Sodhoma ni Ghomora, ndzadzi nya sulufa ni nilo nya gute khu ga Nungungulu.

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Mitengo 34:12

khavbo avbo, wu na relela wu landra tsongo wa Joridhani, wu ya hegisa ga Yiphwa nya Munyu. Eli li na bani liri litigo lanu gumogo ni mivbingano yaye khu maphuvbo yatshavbo.

Dhewuteronome 3:17

gumogo gambe ni Arabha ni Joridhani wu gu vbinganoni, gukhugela Kinereti kala phwani ga Arabha, yiphwa nya Munyu, khu vbavbatshi nya gigomo gya Pisiga, guya Khugadambo.

Josuwa 3:16

mati ma nga bani ma guta khu vbatshani ma di ema; ma wungedzelana ma khala gigomo ma gira kha nga libhulaho, ma anama kala vbafuvbi nya gitigwana ga talala wa Adhamu, gu khalago wubambe ga Saritani; ayo ma nga bani ma goga maya phwani ga Arabha, a gu Yiphwa nya Munyu, ma di pidwa yatshavbo. Khavbo avbo, vathu va di vbindra khu mbeli ga Jeriko.