Genesi 14:22 - Bhibhiliya Nya Guage

²² Abrama a di hakha, khuye: Nyi ngu sambanya na nyi gu khusedza mandza yangu ga Pfhumu Nungungulu a khusegidego ngudzu, muvangi nya ndzadzi ni mafu,

Genesi 14:22 Iomraidhean Croise

Genesi 14:21

Khavbo avbo, mufumeli wa Sodhoma a di embela Abrama, khuye: “Eni nyi ninge basi vathu, gasi silo, khala naso uwe.”

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 21:33

Abrahama a di yala ngindru Bherisebha, a rana avbo Pfhumu Nungungulu nya Gupindruge.

Genesi 24:3

Nya gu vbweta gukheni u sambanye khu lina la Pfhumu Nungungulu wa ndzadzini ni Nungungulu wa mafuni, khuwe, gima khu na nga vbwetela gyanana gyangu, nyamayi vbakari ga vanyamahegyane nya lifumbu nya Vakhanani nyi vbanyago vbakari gwawe.

2 Samuweli 2:5

Khavbo avbo, Dhavhidhe a di rumela myango ga vathu va Jabhesi-Gileyadhi, a va embela, khuye: “Pfhumu Nungungulu, a na mi kategise kholu mu giridego wuwadi ga mune wanu Sawule, kholu mu mu dzingidego!

2 Dzipfhumu 5:16

Aholu uye a di mu hakha, khuye: “Nyi ngu sambanya khu Pfhumu Nungungulu a vbanyago, uye nyi mu thumelago, kheni kha nyi na hakha gilo.” A di mu gurumedza gukhuye a dzege, aholu uye a di bomba.

1 Dzikoronika 29:11

Wugulu, tshivba, wuzundzo, gupala ni wufumu, sa gu lumba Uwe, kholu satshavbo si guromo ndzadzini ni mafuni, sa gu lumba Uwe; wufumu khwago Uwe Pfhumu Nungungulu, U khusegidego ngudzu, U fumago silo satshavbo.

Dzindzimo 144:11

Nyi vbulugise tshivbani ya va nya mayigo, avo va gambago malipha khu kanani gwawe, gyandza gyawe gya nyamudye, gya gu sambanya malipha.

Dzindzimo 144:8

Magana yawe ma gu kodza gu ganela malipha basi, ambari va gu sambanya khu gukhusedza libogo lawe la nyamudye, va gu lipha basi.

Dzindzimo 24:1

Litigo la gu lumba Pfhumu Nungungulu, ni satshavbo si guromo ga ilo, mafu ni vatshavbo va vbanyago mafuni.

Dzindzimo 83:18

Va na dziti gukhavo khuwe basi u gu Pfhumu Nungungulu, khuwe basi u Khusegidego ngudzu vbatshani nya litigo latshavbo!

Ekisodha 6:8

“Nyi na mi yisani nyi ya mi bedza ga litigo lile nyi nga sambanyago gukheni nyi na ninga Abrahama, Isaki ni Jakobe. Nyi na mi ningani gasi li khale thomba yanu. Eni kheni Pfhumu Nungungulu.”

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Dhaniyeli 12:7

Mwama wule a nga bani na ambade dzingandzu nya seda na khade vbatshani nya mati nya tsongo, avbo a nga khusedzago mandza yaye ya nyamudye ni nyambade nyi di mupwa na gu sambanya khu wule a vbanyago kala gupindruga, khuye. “Si na dzega myaga miraru ni gipandre. Avbo va na gu vbedzago gu tshanisa ni gu mbembisa vathu nya guage, silo sesi satshavbo, si na tadzisega.

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Agewu 2:8

Parata ni ndralama sa gu lumba eni; a ngu ganela Pfhumu Nungungulu nya Tshivba Yatshavbo.

Dhewuteronome 10:14

Wona nya gukhuwe dzindzadzini gwatshavbo, ni mafuni ni satshavbo si guromo umo sa gu lumba Pfhumu Nungungulu wago.

Dhewuteronome 32:40

Nyi na khusedza mandza yangu nyi khedzisa ndzadzini, nyi ganela, kheni: Eni nyi ngu vbanya kala gupindruga!

Valamuli 11:35

Gikhati a mu wonego, a di pferula dzingandzu dzaye a ganela, khuye: “Yo! Mwanangu, nyi ngupwa wuvi nya wukhongolo khu kotani gwago, kholu nyi giride gisambanyo ga Pfhumu Nungungulu nyi si yeligo gumba gi landrisa.”