Genesi 13:8 - Bhibhiliya Nya Guage

⁸ Khavbo avbo, Abrama a di embela Loti, khuye: “Khandri gwadi gu manega siregera ni guhambana vbakari gwathu mwendro ga vahavisi vathu, kholu hi va ndranga mweyo.

Genesi 13:8 Iomraidhean Croise

Genesi 13:9

U na ni litigo latshavbo mbeli gwago. U ngu dzi kodza gu hatha umo u gunago. Nya gu gu lomba gukheni hi hambanelane malanga. Wa gu hongola nyambade, eni nyi na hongola nyamudye, wa gu hatha nyamudye, eni nyi na hongola nyambade.”

Genesi 14:14

Abrama, na pwide gupwani mwanaye Loti modwe, a di somisa matshari sithumi saye nya gu si thembe, esi si velegedwego ndrangani gwaye, khu sayo nya mazana mararu ni likhumi na livbandre na vararu (308) vama, va gu bela ndzilani va tutumisa valala kala tigoni ga Dhani.

Genesi 45:24

Josefa a di vbangana vandriyaye, na va gu khuga; a di va embela, khuye: “Mu nga ganedzisani vbakari nya ndzila.”

Genesi 46:34

Mu na mu hakhani, khenu: Sithumi sago vahavisi nya mitshambi, gukhugela wananani kala litshigu la muhuno. Vababe vathu navo va di thuma kharato. Khu magirelo yoyo mu na dzi kodzani guya vbanya tigoni ga Goseni, kholu Vagipiti va ngu nyenya vahavisi nya sirengo nya sidugwana.”

Dzindzimo 133:1

Nga pwani gutshamba ni gutsakisa, valongo va gu vbanya dangamwedo khu gupwanana!

Ekisodha 2:13

Khu mindru gakone, a di duga gambe, aholu a diya mana Vahebheru vavili na va gu dwana. Mosi a di kawuka oyu a nga bani na ghohede kwawe, khuye: “Khu ginani u vetago ndriyago?”

Mavingu 15:1

Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.

Mavingu 15:18

Muthu nya gihafane a gu wusa mayunga, gasi uye nya gutimisele a gu avbula mayunga.

Mavingu 20:3

A ngu zundzega muthu a si dzi bedzigo mayungani, aholu sipumbu sa gu dzi ningela ga ayo.

Matewu 5:9

Va kategide vakhongoteli nya vathu, kholu va na ranwa sanana sa Nungungulu.

Mithumo 7:26

Khu mindru gakone a di hidzimela a wona vavili nya sanana sa na Israyeli na va gu dwana, a di zama gu va avbula, khuye: ‘Vathunu, enu mu va na ndruye ni ndruye! Khu ginani mu sanisanago khu gyanu?’

Varoma 12:10

Golanani khu lihaladzo nya wundruye, mu palisana khu gu ningana githawo.

Vafilipi 2:14

Girani silo satshavbo nyamba ngurangura mwendro gu ganedzisana,

1 Vatesalonika 4:9

Mahungu nya lihaladzo ga vandriyathu khu gukhodwa, kha gu vbwetegi gu ganela gambe khiso, kholu enu mu hevbudzidwe khu Nungungulu gu haladzanani.

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.

Vahebheru 13:1

Simamani mu haladzana khu gyanu kha nga va na ndruye ni ndruye.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Pedro 2:17

Vegani githawo ga vathu vatshavbo, haladzani vandriyanu nya gukhodwe, thavani Nungungulu mu vega githawo ga mufumeli.

1 Pedro 3:8

Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.

1 Pedro 4:8

Aholu ga silo satshavbo, haladzanani khu gyanu nyamba pfhadzedzela, kholu, lihaladzo li ngu dzi kodza gu tsetselela sighoho nya singi.

2 Pedro 1:7

githawo ga Nungungulu mu gi tadzisa khu gupwanana nya wundruye; gupwanana nya wundruye, mu gu tadzisa khu lihaladzo.

1 Johane 4:7

Sigodwa sangu, hi na haladzane khu gyathu, kholu, lihaladzo la guta khu ga Nungungulu. Oyu a haladzago khuye a gu gyanana gya Nungungulu, a ngu muti Nungungulu.

Valamuli 9:26

Gahali, mwamana wa Ebhedhi, a dita nuye ni vandriyaye dhoropani ga Sikemi; vavbanyi va dhoropani ga Sikemi va di mu tumba.