Genesi 13:7 - Bhibhiliya Nya Guage

⁷ Gu di phela gu wuga siregera ga vahavisi va Abrama ni ava va Loti. Khu matshigu yoyo Vakhanani ni Vaperezi va di gu vbanya navo tigoni mule.

Genesi 13:7 Iomraidhean Croise

Genesi 10:19

Litigo lawe li di ladza gukhugela Sidhoni kha guhongola Gerari, vbafuvbi ni Gaza, kala Sodhoma ni Ghomora, Adhama, Seboyimi kala Lasa.

Genesi 12:6

Abrama a di li tsemakanya khu vbakari ni vbakari kala a vboha dhoropani gwa Sikemi, vbafuvbi ni simbo nya wukhongolo wa Moreya. Vakhanani va di gu vbanya tigoni mule.

Genesi 21:25

Abrahama a di kawuka Abhimeleki khu kotani nya nambo wu nga wandrwago khu tshivba khu sithumi sa Abhimeleki.

Genesi 26:20

aholu vahavisi va Gerari va di dwanisa avo va Isaki va gu va embela, khavo: “Mati yaya ma gu lumba ethu.” Isaki a di rana nambo wule, khuye: “Nambo nya Maregera,” kholu va nga vbweta gu mu wandrela nambo waye khu malipha.

Genesi 34:30

Khavbo avbo, Jakobe a di embela Simiyoni ni Levhi, khuye: “Mu nyi giride muthu nyamba tumbega, mu nyi sodzisa ga vathu va tigoni momu, Vakhanani ni Vaperezi, va na patana va nyi wugela, olu tengo nya vama nyi gu navo wu gu wudugwanana, va na nyi tshanisa va hegisa khu gu nyi mbembisa gumogo ni ngamo yangu yatshavbo.”

Genesi 46:34

Mu na mu hakhani, khenu: Sithumi sago vahavisi nya mitshambi, gukhugela wananani kala litshigu la muhuno. Vababe vathu navo va di thuma kharato. Khu magirelo yoyo mu na dzi kodzani guya vbanya tigoni ga Goseni, kholu Vagipiti va ngu nyenya vahavisi nya sirengo nya sidugwana.”

Nehemiya 5:9

Khu guralo va di havo kape! A hamugega ni moyo nya gu nyi hakhe. Nyi ganela gambe, kheni: “Khandri sadi iso mu girago, mu fanede gu ninga githawo ga Nungungulu wathu, gasi va nya mayigo, a gu valala vathu, va si hi giri givalo.

Ekisodha 2:17

Gu dita vahavisi va ta si tutumisa; khavbo avbo, Mosi a di khuga a si emela, a gu sedza tshambi.

Mavingu 20:3

A ngu zundzega muthu a si dzi bedzigo mayungani, aholu sipumbu sa gu dzi ningela ga ayo.

Marko 3:25

Ndranga yi dzi kabanisago yabune, ndranga yoyo kha yi na pindruga.

1 Vakorinto 3:3

kholu mu nga gu vbanya kha nga vathu va mafuni momu basi. Olu gu manegago wufu ni mayunga vbakari gwanu, ina kha gu yeyedzi gupwani mu nga gu vbanya nga vathu nya mafu, gani? Khandri mwa gu vbanya kha nga avo, gani?

Vagalatiya 5:20

gukhozela vanungungulu nya malipha, guphasela sithombe, sikwembu ni wutumbe, livengo, gudwanisana, wufu, likhulo, dzihanyi, guwandra, guwugelana khu mitsawa;

Vakolosi 4:5

Vbanyani khu guti ni mapimo vbakari nya vale va si khodwigo, mu londrola gwadi gikhati mu gu nagyo.

1 Vatesalonika 4:12

Khu guralo, mu na mana lisima ga vathu va vbavbandze, mu vbanya nyamba lemedzani muthu.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Jakobe 3:16

Kholu avba gu manegago lidiwo ni wugundreli, gu na manega pfilupfilu ni silo satshavbo nya guvivbe.

Jakobe 4:1

Ma guta khu hayi mayunga ni guhambana vbakari gwanu? Ma guta khu gunavela nya guvivbe gu dwanago gikhati gyatshavbo sivbangoni gwanu.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.