Genesi 13:18 - Bhibhiliya Nya Guage

¹⁸ Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 13:18 Iomraidhean Croise

Genesi 13:4

wulanga wule a nga vbahago avbo giluvelo nya guphele. Khavbo vbale a nga gira miphaso a gu rana lina la Pfhumu Nungungulu.

Genesi 14:13

Moyo nya vale va nga thavago, a di ya embela Abrama, Muhebheru a nga bani a vbanya misimboni nya yikhongolo ya Manire-Mambre, nongo wa Esikoli ni Aneri va nga bani va hungide pwanano ni Abrama.

Genesi 18:1

Pfhumu Nungungulu a di dzi wonegisa avbo ga Abrahama vbafuvbi ni miguhu ya Mambre, na khade mwanyani nya tshatsha waye, ni vbakari nya mihani.

Genesi 22:9

Na va vbohide wulanga wule va nga leletedwago khu Nungungulu, Abrahama a di gira giluvelo, a gu handzega avbo dzikhuni, a hunga mwanaye Isaki, a mu handzega vbadzikhunitunu vbatshani nya giluvelo.

Genesi 23:2

Fude nari tigoni ga Kiriyati-Araba, muhuno gu ranwago pwani Hebroni, tigoni ga Khanani. Abrahama a di gira gililo nya gulile Sara.

Genesi 26:25

Isaki a di vbaha giluvelo wulanga wule, a rana lina la Pfhumu Nungungulu; khu hwane a di vbaha tshatsha waye wulanga wule, sithumi saye si di pola nambo vbale.

Genesi 35:27

Jakobe a di vboha ga babe waye Isaki tigoni gwa Mambre ga Kiriyati-Aribha, a gu Hebroni, a gu iyo va luvedego iyo Abrahama ni Isaki.

Genesi 37:14

Israyeli a di mu embela, khuye: “Indra u ya wona vandriyago vomo kharini ni gu wona mitshambi, u nyi resela phindrulo.” A di mu rumela kharati gukhugela kovani wa Hebroni. Josefa a di phara ndzila a hongola Sikemi.

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

2 Samuweli 2:1

Khu hwane nya esi, Dhavhidhe a di wudzisa ga Pfhumu Nungungulu, khuye: “Ina nyi na gwela ga lidhoropa nya gukari la Judha, gani?” Pfhumu Nungungulu a di mu hakha, khuye: “Indra.” Dhavhidhe, khuye: “Nyiya hayi?” A di phindrudwa gupwani: “Hebroni.”

Dzindzimo 16:8

Gikhati gyatshavbo nya gu vega Pfhumu Nungungulu mbeli gwangu, khu guralo, uye khade nyamudye gwangu, gima kha nyi na thava gilo.

Mitengo 13:22

Va di gwela khu Negebhi va vboha Hebroni, avbo va nga bani va romo Ayimani, Sesayi ni Talimayi, livelego la Anaki. Lidhoropa la Hebroni khilo li nga phela gu vbahwa, livbandre na mivili myaga na li si gu vbahwi la Sowani ga Egipito.

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

Vahebheru 11:9

Khu gukhodwa a diya khala nga muwuyi ga litigo lile a nga tumbiswago khu Nungungulu. A di vbanya mitshatshani gumogo ni Isaki ni Jakobe, va nga hakhago gitumbiso gya gimwegyo.

Josuwa 14:13

Josuwa a di kategisa Kalebi, mwamana wa Jefoni, a mu ninga Hebroni kha nga thomba yaye.

Josuwa 15:13

Aholu Kalebi, mwamana wa Jefoni, a di ningwa thomba vbakari ga va na Judha, kha nga idzo Pfhumu Nungungulu a nga rumago khidzo Josuwa; a di mu ninga lidhoropa la Kiriyati-Aribha, mwendro Hebroni, Aribha yoyu a diri babe wa Anaki.