Genesi 12:5 - Bhibhiliya Nya Guage

⁵ A di dzega mwangadzi waye Sarayi ni Loti, gyanana gya ndriyaye, ni silo saye satshavbo a nga bani nari naso ni vathu va nga bani va mu thumela tigoni gwa Harani, va bela ndzilani vatshavbo va hongola tigoni gwa Khanani. Na va vbohide tigoni gwa Khanani,

Genesi 12:5 Iomraidhean Croise

Genesi 10:19

Litigo lawe li di ladza gukhugela Sidhoni kha guhongola Gerari, vbafuvbi ni Gaza, kala Sodhoma ni Ghomora, Adhama, Seboyimi kala Lasa.

Genesi 11:27

Longoloko nya sanana sa Tera khowu: Tera velegide Abrahama, Nahori ni Harani. Harani a di velega Loti.

Genesi 11:31

Khavbo avbo, Tera a di khuga khu Uri, a gu dzega mwanaye Abrahama gumogo ni gitugulwana gyaye Loti, gyanana gya Harani, ni ngadzamwane waye Sarayi, mwangadzi wa Abrahama, va gu hongola tigoni ga Khanani. Aholu na va vbohide dhoropani ga Harani, va di vbaha umo va gu khala.

Genesi 13:5

Loti a nga bani a gu gimbila gumogo ni Abrama a diri nuye ni mitshambi, dzimombe ni mitshatsha nya yingi.

Genesi 13:6

Khu guralo, gu di si dzumelegi gu khala dangamwedo kholu wulanga wu di khala wudugwanana, nyamba enela gu vega umo thomba ya muthu ni muthu.

Genesi 14:14

Abrama, na pwide gupwani mwanaye Loti modwe, a di somisa matshari sithumi saye nya gu si thembe, esi si velegedwego ndrangani gwaye, khu sayo nya mazana mararu ni likhumi na livbandre na vararu (308) vama, va gu bela ndzilani va tutumisa valala kala tigoni ga Dhani.

Genesi 14:21

Khavbo avbo, mufumeli wa Sodhoma a di embela Abrama, khuye: “Eni nyi ninge basi vathu, gasi silo, khala naso uwe.”

Genesi 28:10

Jakobe a di khuga khu Bherisebha a phara ndzila nya guye Harani.

Genesi 36:6

Esawu a di dzega vagadzi vaye, ni sanana saye nya vama ni esi nya vanyamayi ni vathu vatshavbo va ndrangani gwaye, mitshambi yaye, sirengo saye satshavbo ni silo saye satshavbo a nga thumago tigoni gwa Khanani, a hongola ga limbe litigo, a hambana ni ndriyaye Jakobe.

Levhi 22:11

Aholu uye a rengidwego khu dzitsapawu khu muphasi nya mhamba, a ngu dzumedziswa gu hodza, ni vale va velegedwego ndrangani ga muphasi nya mhamba va ngu yela hodza guhodza gwaye.

Mithumo 7:4

Khavbo avbo, a di rura tigoni nya Vakalidhiya aya vbaha Arani. Hwane nya gu na fedwe khu babe waye, Nungungulu a di mu resa tigoni momu mu vbanyelago umo enu muhuno.