Genesi 12:2 - Bhibhiliya Nya Guage

² Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 12:2 Iomraidhean Croise

Genesi 13:16

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Genesi 15:5

Nungungulu a di ruma Abrama gu duga vbavbandze nya nyumba, a mu embela, khuye: “Khusa maho yago u khedzisa vbatshani damboni, wona mwendro u ngu dzi khodza gu saya tengo nya dzinyeledzi. Khidzo wu na bani wuri idzo sayo nya situgulwana nya livelego lago.”

Genesi 17:20

Nyi pwide gambe nombelo u giridego khu Ismayeli: Nyi na mu kategisa nuye, nyi na mu ninga livelego nya likhongolo ngudzu, a na andra khu tshivba ngudzu. A na velega likhumi na mavili mafumbu. A na khala babe nya litigo nya likhongolo ngudzu.

Genesi 18:18

Olu Abrahama a na khalago nyapandre nya lihundzu nya likhongolo nya tshivba, khavbo gwaye ma na kategiswago mahundzu yatshavbo nya vathu va mafuni, gani?

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

Genesi 19:29

Avbo Nungungulu a nga bani a gu khungumula madhoropa ya panini, a di alakanya Abrahama, a gu vbulugisa Loti gumbemba, madhoropa a nga bani a gu vbanya umo ma khungumudwa.

Genesi 24:1

Abrahama a di gumbide ngudzu, myaga yaye yi diri yingi ngudzu, Pfhumu Nungungulu a di mu kategiside khu satshavbo.

Genesi 24:35

Pfhumu Nungungulu tadzide mune wangu khu wuhigo ni makategwa, a mu dandriside khu tshivba ni dzithomba. A mu ningide dzinvuta, dzimombe, parata ni ndralama, ni sithumi nya vama ni vanyamayi, dzingameriya ni dziburu.

Genesi 25:11

Hwane nya gu bani na fude Abrahama, Nungungulu a di kategisa mwanaye Isaki, a nga bani na gu vbanya vbafuvbi ni nambo wa Lahayi-Royi.

Genesi 26:3

Vbanya umo matshigu nya gukari, Eni nyi womo gwago, nyi na gu kategisa, kholu Eni nyi na ninga uwe ni sanana sago mayigo yaya yatshavbo, nyi na tadzisa gisambanyo nyi giridego ga babe wago Abrahama.

Genesi 26:4

Nyi na andrisa livelego lago kha nga dzinyeledzi dza ndzadzini, nyi na gu ninga mayigo yaya yatshavbo. Khavbo nya melego wago, ma na kategiswa mafumbu yatshavbo nya vathu va tigoni,

Genesi 27:29

Mayigo ma na gu khozele, ma na khidzime mahundzu nya vathu mbeli gwago! Fumela vandriyago, mbelii gwago si na noge sanana sa mayi wago! A na vadwe oyu a na gu valago, a kategiswe oyu a gu kategisago.”

Genesi 28:14

Sanana sago si na tala ngudzu kha nga mafu ya tigoni; u na nava uya Muhwadambo ni Khugadambo, Wuronga ni Marandzi. Mahundzu nya vathu vatshavbo va tigoni, ma na kategiswa khavbo gwago ni ga livelego lago.

Genesi 35:11

A di engedza gambe a mu embela, khuye: Eni kheni Nungungulu nya Tshivba Yatshavbo; uwe u na andra u velegelana, khavbo gwago gu na velegwa dhudhudhu nya mayigo ni vathu nya gutale ngudzu;

Genesi 46:3

Khavbo avbo, Nungungulu a di engedza, khuye: Eni kheni Nungungulu wa babe wago; u nga kanakani gu relela tigoni ga Egipito, kholu nyi na ya gu gira iyo litigo nya likhongolo.

2 Samuweli 7:9

Eni nyi diri nago gwatshavbo umo u gimbidego khumo; nyi mbembiside valala vago mbeli gwago, nyi giride lina lago gukhwatshi lina nya vathu vakhongolo va guromo mafuni.

1 Dzipfhumu 1:47

Ambari ni dzindruna dza mufumeli, dzi dzude dzi ta losa mune wathu, mufumeli Dhavhidhe, dzi mu embela, khidzo: “Nungungulu wago a na gire lina la Solomoni li pwala ndruma guvbindra lina lago, ni mufumo waye wu na andre guvbindra uwo wago. Khavbo avbo, mufumeli a di noga vbadawutunu gwaye.

Joba 35:8

Wuvivbi wago wu ngu dzi kodza gu ghoha mumbe muthu nya nga uwe, ni wuwadi wago, wu ngu ninga giphaso ga vambe vathu.

Dzindzimo 107:38

Nungungulu a di kategisa vathu vaye, avo va di velega sanana nya singi, wu di si vbungugi tengo nya sifuyo sawe.

Ekisodha 1:7

aholu sanana sa Israyeli si diya na si gu engedzela gu velegelana khu tshivba. Si di pandregelana si andra kala va tadza litigo latshavbo la Egipito.

Ekisodha 32:10

Nyi dige nyi va nonedza guvbisa nya likhulo langu, nyi va mbembisa. Aholu Eni nyi na wusa lihundzu nya likhongolo khavbo gwago.”

Isaya 51:2

wonani babe wanu Abrahama ni Sara, a gu uye a mi velegidego; kholu khuye basi nyi mu ranidego bwelo khavbo nyi mu kategisa ni gu andrisa livelego laye.

Ezekiyeli 34:26

Eni nyi na dzi kategisa nyi kategisa gambe malanga ma randredego gigomwana gyangu; nyi na wisa ndzadzi khu gikhati gyakone, a na bani nari ndzadzi nya makategwa.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Zakariya 8:13

Kha nga mu nga bani muri givalo vbakari nya mayigo, enu linyumba la Judha ni Israyeli, kharato gambe olu nyi na mi vbanyisa gasi mu khale gikategiso; mu nga thavi, tiyani longo.”

Mitengo 14:12

Nyi na va vbedza khu tungu nyi va mbembisa, aholu uwe nyi na gu gira lihundzu nya likhongolo eli li gu na ni tshivba nya guvbindre avo.”

Mitengo 22:12

Aholu Nungungulu a di embela Bhalahama, khuye: “U nga hongoli navo; gambe u nga yuyuteli vathu vovo, kholu va kategide.”

Mitengo 23:20

Khu lisine, nyi rumidwe gu kategisa. Nungungulu kategiside, eni kha nyi dzi kodzi gu vbindrugedza gikategiso.

Varoma 4:11

Khu hwane, khavbo a hanidego gwadi wugwera kha nga giyeyedzo nya gupwani Nungungulu a mu wone kha nga muthu nya gululame, a mu hakha a khala pari yaye khu kotani nya gukhodwe a nga bani ari nago, na si gu hani wugwera. Khu kharato, uye khade babe wa vatshavbo vale va khodwago ambari na va sa hana wugwera, gasi a avo navo va wonwa na va lulamide.

Vagalatiya 3:14

Esi si giregide gasi gikategiso, gi tumbisidwego Abrahama, gi vbohe, khu Kristo, ga vale va si gu Vajudha ni gu ethu hatshavbo, khu gukhodwa, hi hakhe Liphuvbo nya gitumbiso.

Vagalatiya 3:7

Khavbo avbo, dzitini gukhenu, vale va vbanyago khu gukhodwa, khavo va gu sanana sa Abrahama.

Dhewuteronome 26:5

Khavbo avbo, u na huwata mbeli ga Pfhumu Nungungulu wago, u ganela, khuwe: Babe wangu a diri Muarami, nya mulegalegi, na gumbide, a di hongola tigoni ga Egipito, nari ni vathu nya vadugwana aya vbanya iyoyo kha nga muluveli; aholu, khiyoyo a di ya vbindrugedza a gu khala litigo nya likhongolo nya tshivba, nya vathu nya vangi.