Genesi 11:7 - Bhibhiliya Nya Guage

⁷ Hongoleni hi relela vbavbatshi yeyi, hi ya hambanisa malimi gasi vathu va si mani gupwanana khu gyawe.”

Genesi 11:7 Iomraidhean Croise

Genesi 1:26

Nungungulu a di khuye: “Hongoleni hi gire muthu khu mufananiso wathu, a godzana ni Ethu, gasi a fumele dzindzandzi dza phwani, ni sinyoni si vbuvbago ndrengelengeni, ni sirengo satshavbo si vbanyago mafuni.”

Genesi 10:20

Khiso esi situgulwana nya livelego la Kami khu dzinyumba, ni malimi ni mahundzu ni mafumbu yawe.

Genesi 10:32

Khuwo owu sasamedzo nya dzinyumba nya situgulwana sa Nowa, gukhedza khu linyangwa nya lihundzu ni lihundzu, mahundzu yatshavbo nya vathu va mafuni, hwane nya talo nya ndrambi, ma velegidwe ga dzinyumba dzedzi.

Genesi 10:5

Khavo va velegidego vathu vatshavbo va vbanyago sidwani. Va khade khu mahundzu gukhedza khu guhambanelana nya vababe vawe nya guphele. Lihundzu ni lihundzu li na ni litigo laye ni lidimi laye.

Genesi 11:5

Pfhumu Nungungulu a di tshiga gasi guta wona lidhoropa ni langwe va nga bani va guvbaha vathu.

Genesi 3:22

Khavbo avbo, Pfhumu Nungungulu a di ganela, khuye: “Muthu khu guti iso nya sadi niso nyamba sadi, khade idzosaye ni moyo nya Ethu. Olu kha gu vbwetegi gu mu dzumedzisa guya hava handro nya simbo nya womi a wu hodza, a mana guvbanya nya gupindruge!”

Genesi 42:23

Va di si dziti nya gukhavo Josefa a ngu si mana esi va ganelago, kholu a di romo muturokeli vbakari gwawe a nga bani na gutshamusela iso va nga bani va gu ganela.

Joba 12:20

Vatshumayeli kha va ngu gu mana magana nya guganele, a ngu vbungula mapimo ga sikhosane.

Dzindzimo 2:4

Wule a vbanyago ndzadzini a ngu va hega; Pfhumu Nungungulu a ngu va tsorodzela.

Dzindzimo 33:10

Pfhumu Nungungulu a ngu pfhungumula gikungo gya va nya mayigo ni gu thesa vbavbatshi mipimiso nya mayigo.

Dzindzimo 55:9

Pfhumu, pfhungumula ni gu fuvisa milayo yawe, kholu nya gu wona wughevenga ni siregera dhoropani.

Ekisodha 4:11

Pfhumu Nungungulu a di mu hakha, khuye: “Gasi khu mani a nga ningago muthu likana. Mwendro khu mani a nga gira gidudu mwendro givbwiri oyu nya guwone mwendro oyu nya gikhumu? Ina khandri Eni Pfhumu Nungungulu, gani?

Isaya 33:19

Gima khu na wona gambe vathu vale nya dzihanyi, va ganelago lidimi hi si li pimigo, vathu nya gu khukhumele gu ganela, nyamba si pima iso va ganelago.

Isaya 6:8

Khu hwane nya ugo, nyi dipwa lito la Pfhumu, li nga nyi embela, khilo: “Nyi na ruma mani, khu mani a na hongolago khu lina lathu?” Eni nyi di hakha, kheni: “Nyi womo avba. Nyi rume.”

Jeremiya 5:15

Pfhumu Nungungulu a ngu ganela, khuye: Wonani nya gukhenu nyi na mi resela litigo la hwindzo, ga linyumba la na Israyeli li ta mi sasela; vathu vakone va na ni tshivba nari gale na varomo na va gu ganela lidimi u si litigo ambari gu li ganela.

1 Vakorinto 14:23

La gu tshangana Libandla, vathu vatshavbo va phela gu lombelela khu malimi nyamba tidwa, va gu vboha vathu nya sipumbu mwendro nyamba khodwa, kha va na ganela khavo, mwatshavbo mu siphuguphugu, gani?

Dhewuteronome 28:49

Pfhumu Nungungulu a na guresela khu hwindzo, khu mahegiso nya litigo, mufumo wu vbuvbago gu fanana ni lighama; vathu vaye u si litigo ni lidimi va ganelago,