Genesi 11:3 - Bhibhiliya Nya Guage

³ Va di embedzelana khu gyawe, khavo: “Hongoleni hi gire sitini, hi si vbisa niloni.” Sitini va di si thumisa kha nga siwindri, aholu va di londra khu nyedzi.

Genesi 11:3 Iomraidhean Croise

Genesi 11:4

Khu hwane nya ugo va di khavo: “Olu hongoleni hi vbahe lidhoropa ni langwe nya yikhongolo nya gulaphe ngudzu yi manela ndzadzini, kholu gu vbwetega hi pwala ndruma, gasi hi si phalalegiswi ni litigo latshavbo.”

Genesi 11:7

Hongoleni hi relela vbavbatshi yeyi, hi ya hambanisa malimi gasi vathu va si mani gupwanana khu gyawe.”

Genesi 14:10

Kova watshavbo wa Sidimi wu di tade khu milambo nya maraga, vafumeli va Sodhoma ni Ghomora na va gu thava, va di ya thegela milamboni momo, vambe va di thavela sigomoni.

2 Samuweli 12:31

A di dzega vathu va nga bani vari umomo, a va vega thumoni nya gusahe mapulango, ni mithumo ya mapiki, ni sibhewula, ni umo nya gugire sitini; a di gira kharato ga yatshavbo madhoropa ya na Amoni. Khu hwane, Dhavhidhe a di wuya Jerusalema gumogo ni vathu vaye vatshavbo.

Dzindzimo 64:5

Va dzi yisa makungoni nya guvivbe; va gira khu mugusihalani gikungo nya gudembe milaphwi; khavo: “Khu mani a na si wonago?”

Ekisodha 1:14

Va di va tshanisa khu mithumo nya gulemele ngudzu nya gubagelele libumba ni gu gira sitini, ni mithumo yatshavbo nya wulimi ni wugumbi watshavbo va nga va rwegago khu tshivba.

Ekisodha 2:3

Kha nga a nga bani a si kodzi gu simama gu gi siha matshigu nya gulaphe, a di luga gitataro nya dzimbosi a gi londra khu nyedzi a vega umo gyanana aya gi vega dzitshavani bambe nya tsongo.

Mavingu 1:11

Va gu gu embela, khavo: “Hongole. Hi ya sihalela vathu va gumwalo nandru gasi hi vbaladza novba wawe,

Muhevbudzi 2:1

Nyi di ganela khu monyoni gwangu, kheni: “Delu! Nya gu vbweta gu gu pwisa gutsaka; dzi buze khu gunengela.” Aholu nyi di si wona gambe nari gu dzi pfhadza.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Isaya 65:3

Vathu vava va nyi vbisisago monyo gikhati gyatshavbo, khu gu gira miphaselo marembweni ni gu vbisa libani vbatshani nya giluvelo nya sitini;

Isaya 9:10

“Si thegide sitini, aholu hi na vbahedza khu siwindri nya guvatwe; yi piledwe mivbesu, aholu hi na yi tshikedza khu madingo nya misena.”

Nahume 3:14

Dzi regele mati u dzi dongisela, kholu li ngu vboha litshigu nya gudhumedwe! Tiyisa makhokhola yago! Bela bumbani, u vhuva libumba, u lulamisa lidhingiso u vbisa sitini.

Vahebheru 10:24

Hongoleni hi tiyiselane khu gyathu, hi phasana gu gira mithumo nya wuhindzi ni mithumo yatshavbo nya yadi.

Vahebheru 3:13

Aholu, tiyiselanani khu gyanu, gikhati gyatshavbo, na mu nga gu vbanya ga litshigu li ranwago pwani “Muhuno” li thudwago khu Milowo nya Guage. Girani esi, gasi ni moyo wanu a si sengwi khu gighoho a banga hungo.

Jakobe 4:13

Olu, upwani, enu mu ganelago, khenu: “Muhuno, mwendro mindru hi na hongola dhoropani nya gukari hi ya khala mwaga, hi gira wugwewo wathu, hi mana nya singi.”

Jakobe 5:1

Olu, enu sitetema, upwani! Lilani, mu wombe dzihuwa khu kotani nya sisaniso mu na si wonago.