Genesi 11:29 - Bhibhiliya Nya Guage

²⁹ Abrahama ni Nahori va di dzega vanyamayi. Mwangadzi wa Abrahama a di gu ranwa gupwani khu Sarayi; gasi mwangadzi wa Nahori khu Milika, gyanana gya Harani, ndruye wa Yisika.

Genesi 11:29 Iomraidhean Croise

Genesi 17:15

Nungungulu a di embela Abrahama, khuye: “Gukhugela olu khu na rana gambe mwangadzi wago khuwe khu Sarayi, aholu, u na mu rana khu lina nya gupwani Sara.

Genesi 20:12

Gu diga nya isoso, uye i ndriyangu furi khu lisine, gyanana nya guvelegwe khu babe wangu, aholu khandri gyanana gya mayi wangu, nyi di mu dzega gasi gu khala mwangadzi wangu.

Genesi 22:20

Na si giregide satshavbo sesi, va dita tivisa Abrahama, khavo: “Milika nuye velegide livbandre na siraru sanana ni ndriyago Nahori.”

Genesi 22:23

Bhetuweli khuye babe wa Rabheka. Khiso esi sanana nya livbandre na siraru a nga velega Milika ni Nahori, ndruye wa Abrahama.

Genesi 24:10

Githumi gi di dongisela likhumi dzingameriya dza mune waye, gi gu phara ndzila gi hongola, na gi pharisidwe miningelo nya yingi nya lisima khu mune waye. Gi di dzega ndzila nya guhongole Mesopotamiya, gi hongola dhoropani ga Nahori.

Genesi 24:15

Githumi gi si gu vbedzi gu ganela, Rebheka, gyanana gya Bhetuweli, gyanana gya Milika ngadza Nahori, ndruye wa Abrahama, a di vboha na vbagaride khali yaye.

Genesi 24:24

Uye a di hakha, khuye: “Eni nyi nyamahegyane wa Bhetuweli, gyanana gya Milika a nga velega ni Nahori.”