Genesi 10:6 - Bhibhiliya Nya Guage

⁶ Sanana sa Kami khesi: Khusi, Mizirayimi, Puti ni Khanani.

Genesi 10:6 Iomraidhean Croise

Genesi 10:5

Khavo va velegidego vathu vatshavbo va vbanyago sidwani. Va khade khu mahundzu gukhedza khu guhambanelana nya vababe vawe nya guphele. Lihundzu ni lihundzu li na ni litigo laye ni lidimi laye.

Genesi 2:13

Lina nya tsongo nya wuvili wa gu ranwa pwani Giyoni wu dzuwulugelago litigo latshavbo la Kusi.

Genesi 5:32

Nari ni tanga nya livbandre mazana (500) myaga, Nowa a di velega Semi, Kami ni Jafeti.

Genesi 9:18

Sanana sa Nowa si dugidego khu litaroni, khu Semi, Kami ni Jafeti. Kami khu babe wa Khanani.

Genesi 9:22

Kami, babe wa Khanani a di wona wumbwiri wa babe waye, a hongola aya embela vandriyaye nya vavili.

1 Dzikoronika 4:40

Va di ya mana wuhaviselo nya wadi nya gunone ni litigo li anamidego nya gurule ni gutenga, va ya khala umo, khu gale gu nga bani gu lumba livelego la Kami.

Dzindzimo 105:23

Khavbo Israyeli, a gu Jakobe, a nga relela tigoni ga Egipito, aya khala muluveli vbakari nya sanana sa Kami.

Dzindzimo 105:27

Va di wonegisa siliwugiso saye vbakari gwawe, va gira sisamadziso tigoni ga Kami.

Dzindzimo 106:22

Giride siliwugiso nya sikhongolo tigoni ga Kami, ni silo nya guthise Yiphwani nya Gufuvile.

Dzindzimo 78:51

Ga ndranga ni ndranga ya tigoni ga Egipito, a di songa gyanana nya matiwula, handro nya guphele nya tshivba yawe mitshatshani ya Kami.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Jeremiya 46:9

Enu dzikavalu, kirigani! Enu dzikareta nya nyimbi thelani mazambo! Thangani mbeli enu dzindrena, enu vama Vaetiyopiya, ni enu va Pute, mu pharidego sitshangu, Validhiya, mu kodzago gu phara wulaho, mu khwandra siholoma.”

Ezekiyeli 27:10

Vaperesi, Validhiya, gumogo ni va na Puti, va di gu thuma kha nga masotshwa nya libutho lago; avo va di gu vbayega sitshangu sawe ni sihugu nya sikete avbo gwago; va gu mburisela khiso.

Ezekiyeli 38:5

Vaperesi ni Vaetiyopi ni Vaputi, vomo gumogo navo, vatshavbo na vari ni sitshangu ni sihugu nya sikete;