Genesi 10:32 - Bhibhiliya Nya Guage

³² Khuwo owu sasamedzo nya dzinyumba nya situgulwana sa Nowa, gukhedza khu linyangwa nya lihundzu ni lihundzu, mahundzu yatshavbo nya vathu va mafuni, hwane nya talo nya ndrambi, ma velegidwe ga dzinyumba dzedzi.

Genesi 10:32 Iomraidhean Croise

Genesi 10:1

Esi khu situgulwana sa sanana sa Nowa: Semi, Kami ni Jafeti ni sanana va velegidego hwane nya ndrambi.

Genesi 10:20

Khiso esi situgulwana nya livelego la Kami khu dzinyumba, ni malimi ni mahundzu ni mafumbu yawe.

Genesi 10:25

Hebheri a di velega sanana sivili: Gimwegyo gi di ranwa pwani Pelegi, kholu matshiguni gwaye vathu va di swayega tigoni gwatshavbo. Gimbe gi ranwa pwani Jokitani.

Genesi 10:31

Esi khiso situgulwana sa Semi khu dzinyumba, ni mahundzu ni mayigo yawe.

Genesi 10:5

Khavo va velegidego vathu vatshavbo va vbanyago sidwani. Va khade khu mahundzu gukhedza khu guhambanelana nya vababe vawe nya guphele. Lihundzu ni lihundzu li na ni litigo laye ni lidimi laye.

Genesi 11:1

Matshiguni yale, vathu vatshavbo va di gu ganela lidimi limwedo basi, vatshavbo va di thumisa malito ya mamowo.

Genesi 9:1

Nungungulu a di kategisa Nowa ni sanana saye, a mu embela, khuye: Velegelanani, mu andra, mu tadza mafu.

Genesi 9:19

Sanana sa Nowa, khiso basi esi nya siraru. Vathu vatshavbo va tadego tigoni, va gu duga khavbo gwawe.

Genesi 9:7

“Gasi enu, velegelanani, mu andra, mu enedza litigo mu li fuma.”

Joba 15:19

Avo va ningidwego litigo, li lumbago avo basi, li gu mwalo limbe lifumbu li vbindridego khavbo gwawe.

Mithumo 17:26

Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.