Genesi 1:28 - Bhibhiliya Nya Guage

²⁸ Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela. Fumelani dzindzandzi dza matini, sinyoni ni sirengo satshavbo si vbanyago mafuni.”

Genesi 1:28 Iomraidhean Croise

Genesi 1:22

Nungungulu a di si kategisa, khuye: “Velegelani mu andra mu gu tadza mati ya linene; sinyoni niso si na velegelane tigoni.”

Genesi 17:16

Kholu nyi na gu kategisa khavbo gwaye; nyi na gu ninga gyanana nya gikhwathana; nyi na mu kategisa, a na khala mayi nya mayigo, khu ndrani gwaye gu na velegwa dzipfhumu nya mayigo.”

Genesi 17:20

Nyi pwide gambe nombelo u giridego khu Ismayeli: Nyi na mu kategisa nuye, nyi na mu ninga livelego nya likhongolo ngudzu, a na andra khu tshivba ngudzu. A na velega likhumi na mavili mafumbu. A na khala babe nya litigo nya likhongolo ngudzu.

Genesi 24:60

Va di kategisa Rebheka, khavo: “Uwe ndriyathu! U na khale melegi wa mazana ni mazana! Sanana sago si na dzege madhoropa ya valala vawe!”

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 33:5

Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?” Jakobe a di phindrula, khuye: “Sanana esi Nungungulu a nyi ningidego eni githumi gyago.”

Genesi 49:25

Khu Tshivba ya Nungungulu wa babe wago, a na khalago muemeli wago; ni Nungungulu nya Tshivba Yatshavbo a na bani ari gikategiso gyago, khu sikategiso sa vbatshani ndzadzini; ni sikategiso sa guetani vbavbatshi nya mafu, khu sikategiso sa maveleni ni mahembeni!

Genesi 5:2

A di va gira mwama ni nyamayi, a va giride a va kategisa, litshigu a va giridego a di va riya lina nya gukhuye “Muthu.”

Genesi 6:1

Avbo vathu va nga phelago gu velegelana va tala, tigoni gu di velegwa ngudzu vanyamahegyane.

Genesi 8:17

Dusa niso sirengo satshavbo u gu naso litaroni, mafumbu yatshavbo nya sinyoni, sirengo nya sikhongolo ni esi nya sidugwana ni iso nya gukhwirire khu lididi mafuni, gasi si velegelana, si andra si tadza mafu.”

Genesi 9:1

Nungungulu a di kategisa Nowa ni sanana saye, a mu embela, khuye: Velegelanani, mu andra, mu tadza mafu.

Genesi 9:7

“Gasi enu, velegelanani, mu andra, mu enedza litigo mu li fuma.”

1 Dzikoronika 26:5

nya livbandre na moyo, Amiyeli, nya livbandre na wuvili, Isakari, nya livbandre na wuraru, Pewuletayi; kholu Nungungulu a di mu kategiside.

1 Dzikoronika 4:10

Jabhesi a di lombelela ga Nungungulu wa na Israyeli, khuye: “Oh! Naripwani U ngu nyi kategisa U engedzela mivbingano nya litigo langu, gyandza gyago na giri gumogo ni eni, U nyi vhikela ga silo nya guvivbe, gasi nyi si mani sigaradzo!” Nungungulu a di mu ninga iso a nga si lomba.

Joba 39:11

U na yi tumba khu kotani nya tshivba yaye nya yikhongolo, gasi yi gu limela mahange u ma vbwetago, gani?

Joba 42:12

Khu guralo, Pfhumu Nungungulu, a di kategisa Joba a mu ninga thomba guvbindra iyo a nga bani nari nayo guhegulani; kholu a di manega nari ni likhumi na mana magumi mazana (14.000) dzinvuta, livbandre na limwedo magumi mazana (6.000) dzingameriya, likhumi mazana (1.000) mipatwa nya dzimombe ni likhumi mazana (1.000) dziburu.

Dzindzimo 107:38

Nungungulu a di kategisa vathu vaye, avo va di velega sanana nya singi, wu di si vbungugi tengo nya sifuyo sawe.

Dzindzimo 115:16

Ndzadzi ya gu lumba Pfhumu Nungungulu; aholu litigo a li ningede ga vathu.

Dzindzimo 69:34

Enu ndzadzini ni mafuni, dhumisani Nungungulu, yiphwa ni satshavbo si vbanyago umo.

Dzindzimo 8:6

U mu ningide gu fumela mithumo ya mandza yago, U vegide silo satshavbo vbavbatshi nya migondro yaye:

Dzindzimo 8:7

Dzinvuta ni dzimombe, mitshambi yatshavbo, ni sirengo nya likhabi gambe,

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Levhi 26:9

Gasi enu vambe nyi na mi khathalelani, nyi mi andrisa mu tala, nyi na tiyisa gidzumeledzwano gyangu nanu.

1 Thimoti 4:3

Va embela vathu gukhavo mu nga dzegani, mu nga hodzi egi ni gile; va diga gu hodza esi Nungungulu a si vangedego ava va khodwago ni vale va tigo lisine, gasi va si hakha va bonga Nungungulu.