Filemoni 1:6 - Bhibhiliya Nya Guage

⁶ Nyi ngu lomba gukheni gukhodwa u hengelago gumogo ni ethu, gu na ninge mihandro, kala uti silo satshavbo nya sadi esi Kristo a girago guvbanyani gwathu.

Filemoni 1:6 Iomraidhean Croise

Matewu 25:16

Wule a nga tshiyedzwago livbandre dzitaleta a di dzi bhindzulisa dzi velega dzimbe livbandre.

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

1 Vakorinto 14:25

Makungo a gu nawo monyoni gwaye ma na wonegiswa, a na khidzima a tsitsa khovbe vbavbatshi, a khozela Nungungulu na gu ganela khu likana, khuye: Khu lisine, Nungungulu womo vbakari gwanu.

1 Vakorinto 16:9

kholu nya gu wona na yi vbohide nango nya guthume thumo nya khongolo wu ningago mihandro nya yadi, ambari nyi manago valala nya vangi.

Vafilipi 4:8

Khu guhegisa, vandruye, nyari kheni thelani kota khu esi nya lisine, nya gululame, nya guyele, nya guagiswe, nya gugolege, esi nya wuzundzo, nya ndruda, si yelago gu dhumiswa.

Vakolosi 1:9

Khu Kharato, gukhugela litshigu hi pwidego mahungu yaya nya gutsakise, kha hi garali khu gu lombelela khu enu. Ha gu lomba gukhethu Nungungulu a mi tadzisele khu gu mi tulela guti guhaladza gwaye, a mi ninga gugengela ni gupima khu Liphuvbo Laye.

Vakolosi 3:10

mu ambade muthu muphya oyu a vbahwago nyaluphye khu guti gasi a fanana ni muwumbi waye.

Tito 3:14

Vandriyathu gu vbwetega va hevbula gu gira esi nya sadi ni gu phasa ava va hamugago, gasi guvbanya gwawe gu ninga giphaso.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

Jakobe 2:14

Vandriyangu, gu ngu phasa ginani muthu a gukhuye a na ni gukhodwa na si yeyedzi khu mithumo? Ina gukhodwa gogo gu ngu dzi kodza gu mu vbanyisa, gani?

Jakobe 2:17

Khu guralo, gukhodwa gwamba wonegiswa khu mithumo, gukhodwa gogo gu fude.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 3:1

Enu nenu vanyamayi mu guromo wugadzi, yingelani vama vanu, gasi va gu bani varomo vambe va si khodwigo, va ndrindrwe vata khodwa, nasiri khu magana, aholu khu mavbanyelo ya vagadzi vawe.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

2 Pedro 1:8

Khayo ayo mavbanyelo gu vbwetegago muri nawo. Mwa gu bani muri naso satshavbo sesi, mu na khala vathu nya gukhutale, mu na ninga mihandro nya yingi nya yadi khu kotani nya guti Pfhumu yathu Jesu Kristo.