Filemoni 1:19 - Bhibhiliya Nya Guage

¹⁹ Eni Pawulo, khu gyandza gyangu nyi ngu lova gukheni nyi na livba satshavbo. Kha nyi ganeli gukheni u na ni nandru gwangu, nandru wakone khuwe wurumba wago.

Filemoni 1:19 Iomraidhean Croise

Genesi 43:9

Eni kheni nyi na khalago mukhedziseli waye. U na mu hengula avbo gwangu; nya gumba wuya naye nyi ta gu bikela nyi na dzipwa na nyi gu ghohede kala gupindruga.

Varoma 16:22

Eni Terisiyo nyi lovago lidangalila leli, nyi ngu mi losedzela neni, khu ga Kristo.

1 Vakorinto 4:15

Kholu ambari mu mana mazana ni mazana nya vahevbudzi nya wukhodwa, gima kha mu na mana vababe nya vangi. Kholu eni kheni nyi mi velegidego gukhodwani ga Kristo khu gu mi tivisa Mahungu nya Yadi.

2 Vakorinto 10:1

Eni, Pawulo, nya gu bani nyiri vbakari gwanu, nya gu dzi vbevbugisa, nya gu bani nyiri hwindzo, nya gu dzi lemedza. Nyi ngu mi lomba khu Kristo, oyu a nga dzi vega vbavbatshi ni gu dzi sodzisa.

2 Vakorinto 3:2

Enu khenu lidangalila lathu li lovidwego myonyoni gwathu, li tidwago ni gu hevbudwa khu vathu vatshavbo.

2 Vakorinto 9:4

Gasi nya gutshuka nyita ni vambyana vakone va Makedhoniya, nyi siti khala dzitshoni, khu guta mi mana mwasa donga gu va phasa. Kha nyi ganeli khu dzitshoni mu nga vbweta gu dzipwa nari pwani si giregide.

Vagalatiya 5:2

Wonani, eni Pawulo nyi ngu mi embelani, gukheni: Mwa gu hana wugwera, Kristo mwalo giphaso gwanu.

Vagalatiya 6:11

Wonani gugula nya dziletira nyi mi lovelago khu gyandza gyangu.

1 Thimoti 1:2

nyi ngu gu lovela eli lidangalila, uwe Thimoti, gyanana gyangu nya lisine gukhodwani. Wuhigo ni lihaladzo ni gurula gutago khu ga Nungungulu Babe wathu ni ga Jesu Kristo, Pfhumu yathu, gu na khale ni uwe.

Tito 1:4

Nyi ngu lovela uwe Tito, gyanana gyangu nya lisine gukhodwani, gukhodwa ogu a gu gwago ni gwangu. Wuhigo ni gurula gwa Nungungulu Babe wathu ni ga Kristo Jesu, Muvbanyisi wathu gu na khale ni uwe.

Filemoni 1:18

A gu bani na gu ghohede mwendro mangava, si vege tengoni gwangu.