Ekisodha 9:6 - Bhibhiliya Nya Guage

⁶ Khu mindru gakone, Pfhumu Nungungulu a di gira kharato; gu difa mitshambi yatshavbo ya Vagipiti, aholu ga mitshambi ya sanana sa Israyeli, gu mwalo girengo gi ngafago.

Ekisodha 9:6 Iomraidhean Croise

Dzindzimo 78:48

Dzimombe ni dzinvuta dzawe dzi difa nidzo, khu kotani nya ndzadzi nya maralala ni mabara.

Dzindzimo 78:50

Uye gima kha vbungula likhulo laye, gambe kha va diga va vbanya, aholu, a di va songa khu tungu.

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Ekisodha 12:29

Ni vbakari nya wutshigu, Pfhumu Nungungulu a di songa matiwula yatshavbo ya Vagipiti, gukhugela matiwula ya Faro, a nga yela guphara ndronga nya wufumu, kala matiwula ya gibotshwa gi khothedwego pasoni, ni matiwula yatshavbo nya sifuyo.

Ekisodha 8:22

Khu litshigu lolo, nyi na kasa litigo la Goseni, umo va vbanyago vathu vangu; gasi iyo kha gu na manega talo nya mabhawa, u fela gu dziti gukhuwe Eni kheni Pfhumu Nungungulu tigoni momu.

Ekisodha 9:25

Tigoni gwatshavbo ga Egipito ndzadzi nya maralala yi di mbembisa silo satshavbo si nga bani siri vbavbandze, gukhugela vathu kala ni sirengo, maralala ma di songa ni mwasi wa khabini, ma komolela ni misimbo yatshavbo.

Ekisodha 9:26

Vbavbandze basi ga litigo la Goseni, umo si nga bani si gu vbanya umo sanana sa Israyeli, umomo kha ma manega maralala.

Ekisodha 9:4

Pfhumu Nungungulu a na vega vbingano, a hambanisa mitshambi ya Israyeli ni mitshambi ya Egipito. Kha gu nafa gilo ga esi si lumbago sanana sa Israyeli.”

Ekisodha 9:5

Pfhumu Nungungulu a di vega gikhati nya gukari a ganela, khuye: “Mindru, Pfhumu Nungungulu a na gira esi tigoni.”