Ekisodha 9:3 - Bhibhiliya Nya Guage

³ wona gukhuwe gyandza gya Pfhumu Nungungulu gi na bayisa mitshambi yago yi guromo mapanini, gi bayisa dzikavalu, dziburu, dzingameriya, dzimombe ni dzinvuta; wu na bani wuri tungu nya wukhongolo ngudzu.

Ekisodha 9:3 Iomraidhean Croise

Genesi 47:17

Vathu va di resa sifuyo ga Josefa; uye a di va ninga guhodza va resa dzikavalu, sifuyo nya sidugwane ni esi nya sikhongolo ni dziburu, uye a di va vbanyisa khu guhodza ndrani nya mwaga wule watshavbo.

Dzindzimo 39:10

Nyi ndreyisele sitsayiso sago; u nga nyi vbedzi tshivba khu pama nya mandza yago.

Ekisodha 5:3

Avo va di mu embela gambe, khavo: “Nungungulu wa Vahebheru a dzi wonegiside gwathu; hi dzumedzise hi duga hi endra matshigu mararu mugiwulani hi ya girela miphaso nya dzimhamba Pfhumu Nungungulu wathu, gasi a si hi bayisi khu mitungu mwendro khu matshari.”

Ekisodha 7:4

Ambari ulo, Faro kha na nga mi yingisani, eni nyi na lemedzisa mandza yangu tigoni ga Egipito, nyi na dusa mabutho yangu, ni vathu vangu, sanana sa Israyeli tigoni ga Egipito khu sitsayiso nya sikhongolo ngudzu.

Ekisodha 8:19

Khu guralo, dzinyanga dzi di embela Faro, khidzo: “Khu Nungungulu a girago esi.” Aholu monyo wa Faro wu di banga, kha nga idzo a nga ganelago Pfhumu Nungungulu.

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Mithumo 13:11

U ngu wona, Pfhumu a na khusa gyandza gyaye a gu veta. U na khala gikhumu ndrani nya gikhatinyana, nyamba wona safa nya lidambo.” Khu gikhati gyogyo gu di phuma, gu manega gidema mahoni gwaye. A di gimbila khu gu phuphuthela a vbweta muthu nya gu mu phare kunga.

1 Samuweli 6:9

Yi khedzeni; avbo yi belago khu ndzila nya guthonone tigoni ga Bheti-Semesi, hi na dziti nya gukhethu khu Pfhumu Nungungulu wa Israyeli a hi resedego libango leli nya likhongolo; gasi ya gumba hongola iyoyo, hi na dziti nya gukhethu khandri gyandza gyaye gi nga hi saselago, aholu silo si nga dugelelago basi.”