Ekisodha 8:8 - Bhibhiliya Nya Guage

⁸ Faro a di rana Mosi ni Aroni a va embela, khuye: “Lombelelani ga Pfhumu Nungungulu gasi a duse vanyakhele avbo gwangu ni ga vathu vangu, eni nyi na tshula vathu va duga gasi va ya ningela miphaso nya dzimhamba ga Pfhumu Nungungulu.”

Ekisodha 8:8 Iomraidhean Croise

1 Dzipfhumu 13:6

Khavbo avbo, mufumeli a di embela muthu wa Nungungulu, khuye: “Lombelela mbeli ga Pfhumu Nungungulu wago, u lombelela khu eni, gasi libogo langu li tshulega.” Muthu wa Nungungulu a di mu lombelela ga Pfhumu Nungungulu, libogo la mufumeli li di hawuluga li khalega kha nga gale.

Dzindzimo 66:3

Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Ekisodha 10:16

Khavbo avbo, Faro a di vbiredza gu ranisa Mosi ni Aroni, a ta va embela, khuye: “Nyi ghohide ga Pfhumu Nungungulu wanu ni ga enu.”

Ekisodha 10:17

Olu girani wuhindzi mu nyi tsetselela giwono gyangu gikhati gegi basi, ni gu mu lombelela ga Pfhumu Nungungulu wanu, gukhenu a vbindrisele hwindzo gwangu tungu wowu nya guthise.

Ekisodha 10:18

Mosi a di khuga mbeli ga Faro aya lombelela ga Pfhumu Nungungulu.

Ekisodha 14:5

Avbo Faro, mufumeli wa Egipito a embedwego gupwani vathu va thavide, uye gumogo ni vathangeli nya dzinyimbi dzaye va di hambanega mapimo va wugela va na Israyeli, va di khavo: “Ginani hi giridego, hi nga tshulago va na Israyeli va hongola, va diga gu hi thumela?”

Ekisodha 32:11

Aholu, Mosi a di zama gurudzisela monyo wa Pfhumu Nungungulu waye, khuye: “Khu ginani Pfhumu u na khondrisago likhulo lago u wugela vathu vago u va dusidego khu tigoni ga Egipito khu tshivba nya yikhongolo nya libogo lago li palago satshavbo?

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Ekisodha 8:15

Aholu, avbo Faro a nga dzipwago na hefemudzidwe, a di bangisa gambe monyo waye, a bomba gu yingisa kha nga idzo a nga ganelago khidzo Pfhumu Nungungulu.

Ekisodha 8:29

Mosi a di hakha, khuye: “Wona, olu nyi khugago khavba gwago, nya gu ya lombelela ga Pfhumu Nungungulu gasi mindru mabhawa ma mwalalega avbo gwago uwe Faro, ga dzindruna dzago ni ga vathu va tigoni gwago. Egi basi gi vbwetegago khu gu Faro a si engedzi gu hi pemba, a bomba gutshula vathu vava va hongola va ya ningela miphaselo ga Pfhumu Nungungulu.”

Ekisodha 8:32

Aholu Faro a di engedza gambe gu bangisa monyo waye, a bomba gu tshula vathu va hongola.

Ekisodha 8:9

Mosi a di ganela ga Faro, khuye: “Somo mandzani gwago! U na nyi embela gikhati muni nyi yelago gu ya lombelela, nyi lombelela khu uwe, dzindruna dzago ni vathu va tigoni gwago, gasi va ndreyiswe vanyakhele avbo gwago ni dzindrangani gwago, va manege tsongoni basi.”

Ekisodha 9:27

Khavbo avbo, Faro a di ruma gu ya rana Mosi ni Aroni, a ta va embela, khuye: “Olu nyi ghohide; Pfhumu Nungungulu lulamide; aholu eni ni vathu vangu hi sighohi.

Ekisodha 9:28

Lombelelani ga Pfhumu Nungungulu, kholu hi garade, gasi gu si manegi gambe mabara ni maralala nya guthise ngudzu. Eni nyi na mi tshulani mu hongola nyamba himbedzedwa khu gilo.”

Ekisodha 9:33

Khavbo avbo, Mosi a di khuga mahoni ga Faro a duga vbavbandze nya lidhoropa. A di khusedza mandza ga Pfhumu Nungungulu; mabara ma di degula, ni ndzadzi nya maralala yi di khamuga, yi siwi gambe tigoni.

Mitengo 21:7

Khavbo avbo, avo va nga tshalago va di hongola ga Mosi va ya mu embela, khavo: “Hi ghohide khu guyeyisa Pfhumu Nungungulu ni uwe. Hi lombelele ga Pfhumu Nungungulu gasi a ndreyisela hwindzo ni ethu dzinyoga dzedzi.” Mosi a di lombelela khu vathu.

Mithumo 8:24

Simoni a di hakha, khuye: “Nyi lombeleleni enu ga Pfhumu gasi si si nyi dugeleli esi mu ngarigu gu ganela.”

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”