Ekisodha 8:16 - Bhibhiliya Nya Guage

¹⁶ Pfhumu Nungungulu a di engedza gambe gu embela Mosi, khuye: “Embela Aroni, khuwe: Khusedza ndronga yago u veta kudzudzwane nya mafu, gu na manega dzindraya tigoni gwatshavbo gwa Egipito”

Ekisodha 8:16 Iomraidhean Croise

Dzindzimo 105:31

Pfhumu Nungungulu a di ganela, gu duga talo nya mabhawa ni dzitshuwane dzi nga tadza litigo lawe latshavbo.

Ekisodha 4:23

Nyi ngu gu embela gukheni diga gyanana gyangu gi duga, gi fela gu ya nyi thumela, aholu uwe u ngu bomba gu gi diga gi duga! Khu guralo, nyi na songa gyanana gyago nya matiwula.”

Ekisodha 5:1

Khu hwane nya esi, Mosi ni Aroni va diya ga Faro, va ya, khavo: “Pfhumu Nungungulu wa Israyeli, a ngu ganela kharati, khuye: Diga vathu vangu va duga, va ya nyi girela buzo giwulani.”

Ekisodha 8:15

Aholu, avbo Faro a nga dzipwago na hefemudzidwe, a di bangisa gambe monyo waye, a bomba gu yingisa kha nga idzo a nga ganelago khidzo Pfhumu Nungungulu.

Ekisodha 8:17

Va di gira kharato; Aroni a di khusedza mandza yaye ni ndronga yaye a veta kudzudzwane nya mafu, gu duga dzindraya dzi pomela vathu ni sirengo. Kudzudzwane watshavbo wu di vbindrugedza wu khala dzindraya tigoni gwatshavbo gwa Egipito.

Ekisodha 8:18

Dzinyanga dzi di pima gu gira idzosaye khu wugengeli wawe nya gusihalege, gasi guvelegisa dzindraya, aholu dzi di tandrega. Dzindraya dzi di pomela vathu ni sirengo.

Ekisodha 8:5

Pfhumu Nungungulu a di engedza gambe a embela Mosi, khuye: “Embela Aroni, khuwe: Thawuludza mandza yago ni ndronga yago vbatshani nya mitsongo, ni omu nya sitsongwana ni matsivani u resa vanyakhele tigoni ga Egipito.”