Ekisodha 8:10 - Bhibhiliya Nya Guage

¹⁰ Uye a di hakha, khuye: “Mindru.” Mosi a di khuye: “Gu na girege kha nga idzo u ganedego khidzo, gasi u khale nu gu dziti gukhuwe mwalo a fananago ni Pfhumu Nungungulu wathu.

Ekisodha 8:10 Iomraidhean Croise

2 Samuweli 7:22

Khu guralo, u khongolo ngudzu uwe Pfhumu Nungungulu. Mwalo a fananago ni Uwe, gambe mwalo Nungungulu a vbindrago Uwe, kha nga hi sipwidego khu dzindzeve dzathu.

1 Dzikoronika 17:20

Pfhumu Nungungulu, mwalo a fananago ni Uwe, gambe mwalo mumbe nungungulu vbavbandze ga Uwe, kha nga hi sipwidego khu dzindzeve dzathu.

Dzindzimo 83:18

Va na dziti gukhavo khuwe basi u gu Pfhumu Nungungulu, khuwe basi u Khusegidego ngudzu vbatshani nya litigo latshavbo!

Dzindzimo 86:8

Vbakari nya vanungungulu vatshavbo mwalo a fananago ni uwe, Pfhumu; mwalo a kodzago gu gira mithumo uwe u yi girago.

Dzindzimo 9:16

Pfhumu Nungungulu a dzi yeyedzide, khu gulamula gwaye nya gululame; oyu nya guvivbe monyo, a di konwa khu malipha yaye.

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Ekisodha 8:9

Mosi a di ganela ga Faro, khuye: “Somo mandzani gwago! U na nyi embela gikhati muni nyi yelago gu ya lombelela, nyi lombelela khu uwe, dzindruna dzago ni vathu va tigoni gwago, gasi va ndreyiswe vanyakhele avbo gwago ni dzindrangani gwago, va manege tsongoni basi.”

Ekisodha 9:14

Kholu gikhati gegi nyi na rumela mitungu yangu yatshavbo gwago ni ga sithumi sago ni ga vathu va tigoni gwago gasi u dziti gukhuwe mwalo mumbe nya gufanane ni eni mafuni gwatshavbo.

Ekisodha 9:29

Mosi a di mu embela, khuye: “Avbo nyi na dugago khu dhoropani nyi na ya khusedza mandza nyi lomba ga Pfhumu Nungungulu; mabara ma na degula ni ndzadzi nya maralala yi na khamuga, ufela gu dziti gukhuwe litigo la gu lumba Pfhumu Nungungulu.

Mavingu 27:1

U nga dzi zundzi khu litshigu la mindru, kholu litshigu la muhuno khu siti iso si na gu dugelela.

Isaya 40:18

Nungungulu nyi na mu fananisa ni mani, gyomo igyo mu no gi fananisago naye, gani?

Isaya 40:25

“Nyi na dzi fananisa ni mani gasi nyi godzana naye?” A ngu wudzisa uye a Agidego.

Isaya 46:9

Alakanyani silo si vbindridego gukhugela gale ngudzu! Wonani nya gukhenu Eni kheni Nungungulu, mwalo mumbe Nungungulu a fananago ni eni;

Dhewuteronome 3:24

Ama Pfhumu Nungungulu! U phede gu yeyedza ga githumi gyago wugulu wago ni libogo lago nya tshivba; khu mani mumbe nungungulu, ndzadzini mwendro mafuni a dzi kodzago gu gira mithumo yago, ni tshivba nya nga u giridego?

Dhewuteronome 32:31

Kholu muvhikeli wawe, kha fanani ni Muvhikeli wathu, ni valala vathu, dzifakazi nya isoso.

Dhewuteronome 33:26

Mwalo mumbe nya gu fanane ni Nungungulu wa Jesurumi, uye atago a ta mu phasa, a tsemakanyago ndrengelenge nya mapfhi!

Dhewuteronome 4:35

Uwe u yeyedzidwe gasi u dziti nya gukhuwe Pfhumu, khuye Nungungulu; ni gukhuwe mwalo mumbe vbavbandze Gwaye.

Dhewuteronome 4:39

Khu guralo, muhuno, u na dziti ni gupimisa monyoni gwago gukhuwe Pfhumu khuye basi Nungungulu a guromo ndzadzini ni mafuni; mwalo mumbe.

Jakobe 4:14

Enu kha mu dziti gukhenu mu na wuga kharini mindru! Kholu womi wu khade kha nga hunguva yi dugago khu guvbiredza, yi vbindra nyamba hwela.