Ekisodha 7:3 - Bhibhiliya Nya Guage

³ Aholu, eni nyi na bangisa monyo wa Faro; nyi fela gu engedzela siwoniso ni siliwugiso sangu tigoni ga Egipito.

Ekisodha 7:3 Iomraidhean Croise

Nehemiya 9:10

U giride siwonegiso ni sisamadziso ga Faro, ni ga sithumi saye satshavbo ni ga vathu va tigoni gwaye gwatshavbo, kholu U di gu dziti gukhuwe va di tshanisa khu dzihanyi vababe vathu, U dandrisa lina lago hi li wonago kala na muhuno.

Dzindzimo 135:9

giride sisamadziso ni siliwugiso vbakari gwago uwe Egipito, gasi gu tsayisa Faro gumogo ni vathu vaye vatshavbo;

Dzindzimo 78:12

Giride siliwugiso na gu wonwa khu vababe vawe, panini ga Zowani, tigoni ga Egipito.

Ekisodha 11:10

Mosi ni Aroni va giride siliwugiso satshavbo sesi mahoni ga Faro, aholu Pfhumu Nungungulu a di bangisa monyo wa Faro, uye a di bomba gu tshula sanana sa Israyeli si duga tigoni gwaye.

Ekisodha 11:9

Pfhumu Nungungulu a di embela Mosi, khuye: “Faro kha na mi yingisa, gasi siliwugiso sangu si fela gu engedzelana tigoni momu ga Egipito.”

Ekisodha 14:4

Khavbo avbo, Eni nyi na bangisa monyo wa Faro ni mabutho yaye yatshavbo nya nyimbi, khavbo va na dzitigo Vagipiti gukhavo Eni kheni Pfhumu Nungungulu. Avo va di gira kharato.

Ekisodha 3:20

Khu guralo, nyi na thawuludza gyandza gyangu nyi bayisa vathu va Egipito khu sisamadziso satshavbo nyi na si girago vbakari gwawe. Hwane nya ugo a na mi digani mu duga.

Ekisodha 4:21

Pfhumu Nungungulu a di ganela ga Mosi, khuye: “Ndzilani gwago nya gubwelele tigoni ga Egipito, wona siliwugiso nyi vegidego mandzani gwago; u na si gira satshavbo mbeli ga Faro, Eni nyi na bangisa monyo waye.” “Uye kha na diga vathu va duga.”

Ekisodha 4:29

Mosi ni Aroni va di hongola va ya tombanisa madhota yatshavbo nya sanana sa na Israyeli.

Ekisodha 4:7

Pfhumu Nungungulu a di ganela, khuye: “Vega gambe mandza vbakhanatunu.” Uye gikhati a nga vegago gambe mandza vbakhanatunu, avbo a nga ma dusago a di ma wona gambe idzosaye ni tshonge nya givili gyaye gyatshavbo.

Ekisodha 7:13

Ambari ulo, monyo wa Faro wu di banga, a bomba gu yingisa Mosi ni Aroni kha nga idzo a nga ganelago Pfhumu Nungungulu.

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Mikeya 7:15

Eni nyi na mi yeyedza sisamadziso, kha nga matshiguni u dugidego khayo khu tigoni ga Egipito.

Johane 4:48

Jesu a di mu embela, khuye: “Mwamba wonani siyeyedzo ni siliwugiso kha mu khodwi!”

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Mithumo 7:36

Khuye Mosi a nga va tshula a gu gira siliwugiso ni siwoniso tigoni ga Egipito ni linene nya gufuvile, ni giwulani, gipimo nya magumana myaga.

Varoma 15:19

khu siliwugiso ni sisamadziso, ni tshivba nya Liphuvbo nya Guage. Khidzo kharati nyi tago na nyi gu tivisa Mahungu nya Yadi ya Kristo, gukhugela Jerusalema, ni malangani yatshavbo kala gipandre gya Iliriya.

Varoma 9:18

Khu kharato, Nungungulu a gu girela wuhindzi oyu a dzinago gu mu girela, a gu vivbisa monyo wa oyu a dzinago gu mu vivbisela.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Dhewuteronome 7:19

Siwonegiso nya sikhongolo u si wonidego khu maho yago, ni siyeyedzo, siliwugiso, mandza nya tshivba ni libogo li khusedzidwego, esi Pfhumu Nungungulu wago, a gu dusidego khiso. A na gira kharato Pfhumu Nungungulu wago, ga vathu vatshavbo, avo u va thavago.