Ekisodha 7:16 - Bhibhiliya Nya Guage

¹⁶ U na mu embela, khuwe: “Pfhumu Nungungulu wa Vahebheru a nyi rumede gwago, guta gu embela, kheni: Diga vathu vangu va duga gasi va ya nyi thumela giwulani, aholu uwe kala olu khu dzini gu nyi yingisa.”

Ekisodha 7:16 Iomraidhean Croise

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Ekisodha 13:15

Kholu gikhati Faro a nga bangisa monyo waye a bomba gu hi tshula hi duga, Pfhumu Nungungulu a di songa sanana satshavbo nya matiwula sa tigoni ga Egipito. Gukhugela matiwula nya vathu kala matiwula nya sirengo. Khigyo givangelo gi nyi girago nyi paya sifuyo satshavbo nya vamatune si phelago khiso gu duga ndrani ga vamayi vawe nyi phasela Pfhumu Nungungulu, nyi dzegisa matiwula yatshavbo nya sanana sangu.

Ekisodha 14:5

Avbo Faro, mufumeli wa Egipito a embedwego gupwani vathu va thavide, uye gumogo ni vathangeli nya dzinyimbi dzaye va di hambanega mapimo va wugela va na Israyeli, va di khavo: “Ginani hi giridego, hi nga tshulago va na Israyeli va hongola, va diga gu hi thumela?”

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Ekisodha 3:13

Mosi a di embela Nungungulu, khuye: “Wona nya gukhuwe nya gu hongola ga sanana sa Israyeli nyi ya si embela, kheni: Nungungulu wa vababe vanu a nyi rumede gwanu; avo va na nyi wudzisa, khavo: Khu mani Lina laye? Nyi na va embela ginani?”

Ekisodha 3:18

Avo va napwa lito lago. U na ya dzega madhota ya na Israyeli u hongola navo ga Faro, mufumeli wa Egipito, u ya mu embela, khuwe: Pfhumu Nungungulu wa Vahebheru, dzude gwathu, olu hi tshule hi dzega pfhuka nya matshigu mararu hi hongola giwulani, gasi hi ya phasela Pfhumu Nungungulu wathu.

Ekisodha 4:22

Uwe u na embela Faro, khuwe: “Pfhumu Nungungulu wari, khuye: Gyanana gyangu nya matiwula khu Israyeli.

Ekisodha 4:23

Nyi ngu gu embela gukheni diga gyanana gyangu gi duga, gi fela gu ya nyi thumela, aholu uwe u ngu bomba gu gi diga gi duga! Khu guralo, nyi na songa gyanana gyago nya matiwula.”

Ekisodha 7:4

Ambari ulo, Faro kha na nga mi yingisani, eni nyi na lemedzisa mandza yangu tigoni ga Egipito, nyi na dusa mabutho yangu, ni vathu vangu, sanana sa Israyeli tigoni ga Egipito khu sitsayiso nya sikhongolo ngudzu.

Ekisodha 8:1

Khu hwane, Pfhumu Nungungulu a di embela Mosi, khuye: “Pfhumu Nungungulu a ngu ganela kharati, khuye: “Diga vathu vangu, va hongola va ya nyi thumela.

Ekisodha 8:20

Pfhumu Nungungulu a di engedza gu embela Mosi, khuye: “Wuga vbadzimindrutunu ngudzu, u ya ema mbeli ga Faro gikhati a dugago a hongola matini, u mu embela, khuwe: Pfhumu Nungungulu a ngu ganela kharati, khuye: Tshula vathu vangu va duga va fela gu ya nyi khozela.

Ekisodha 9:1

Khu hwane, Pfhumu Nungungulu a di embela Mosi, khuye: Indra u ya ganela ni Faro, u mu embela, khuwe: “Pfhumu Nungungulu wa Vahebheru a ngu ganela kharati, khuye: Tshula vathu vangu va hongola va ya nyi thumela.

Ekisodha 9:13

Pfhumu Nungungulu a di embela Mosi, khuye: Wuga dzimindrudzile ngudzu, u ya dzi wonegisa mbeli ga Faro, u mu embela, khuwe: “Pfhumu Nungungulu wa Vahebheru a ngu ganela kharati, khuye: Tshula vathu vangu va hongola va ya nyi thumela.

Isaya 45:13

Kheni nyi khendzugisidego Kiro khu gululama gwangu, nyi lulamedza dzindzila dzaye dzatshavbo; uye a na vbaha lidhoropa langu ni gu tshudzisa vathu vangu va guromo wugumbini, nyamba livbwa dzitsapawu mwendro gu bongwa, a ngu ganela Pfhumu Nungungulu nya Tshivba Yatshavbo.

Jeremiya 50:33

A ngu ganela kharati Pfhumu Nungungulu nya Tshivba Yatshavbo, khuye: “Va na Israyeli gumogo ni va na Judha vomo gutshanisekani; vatshavbo avo va nga va vbagelago va va yisa wugumbini, kha va dzumeli gu va tshula.