Ekisodha 5:6 - Bhibhiliya Nya Guage

⁶ Khu litshigu lolo kamwe, Faro a di laya dzindruna ni vathangeli nya litigo, khuye:

Ekisodha 5:6 Iomraidhean Croise

2 Dzikoronika 26:11

Uziya a diri gambe ni vama nya masotshwa nya nyimbi, ma nga bani ma gu duga khu sikwata guya nyimbitunu mayelano khidzo ma nga bani ma lovedwe khidzo khu mulovi Jeyeli, ni muthangeli Mahaseya, na ma gu thangedwa khu Hananiya, moyo nya linganagana la mufumeli.

Ekisodha 1:11

Va di rumela dzighadhi gasi gu khevisela sanana sa Israyeli va si lemedza khu mithumo nya gulemele. Khu guralo, va na Israyeli va di vbahela Faro, madhoropa ya Pitomi ni Ramisesi, umo mufumeli wa Egipito a nga bani na gu vegedzela umo dzithomba nya dzimbewu dza mahangeni.

Ekisodha 3:7

Pfhumu Nungungulu a di engedza, khuye: “Khu lisine nyi wonide gutshaniseka ga vathu vangu va tshaniswago tigoni ga Egipito, gambe dzihuwa dzawe dzi vbohide dzindzeveni gwangu khu kotani nya vatshanisi vawe. Nyi ngu wuti wuvi wawe.

Ekisodha 5:10

Khavbo avbo, dzindruna ni vathangeli nya litigo va di duga va ya ganela ga vathu, khavo: “Faro a ngu ganela kharati, khuye: Gukhugela muhuno kha mu na ningwani gambe mwasi.

Ekisodha 5:19

Vathangeli nya sanana sa Israyeli va di dzipwa na vari gutshanisekani nya gukhongolo, khu gu embedwa gupwani: “Kha mu na vbunguledwa gilo avbo nya tengo nya sitini mu fanedego gu gira khu litshigu ni litshigu.”

Ekisodha 5:7

“Gukhugela olu guya mbeli, mu nga ningini gambe vathu mwasi nya guwumbe khuwo sitini, kha nga idzo mu nga bani mu olovedza gu gira khu gale kala olu. Va digeni va hongola va ya dzi vbwetela vabune mwasi.

Mavingu 12:10

Muthu nya gululame a ngu sayisa gwadi sifuyo saye, aholu makungo ya muthu nya guvivbedwe khu monyo, khya tshanisa.

Mitengo 11:16

Pfhumu Nungungulu a di embela Mosi, khuye: “Nyi hathele livbandre na mavili magumi vama, avo u vatigo vari madhota vbakari ga va na Israyeli, va kodzago gulamula mahungu, u va resa vbafuvbi ni Tshatsha nya Tshangano, u ya ema gumogo navo.

Dhewuteronome 1:15

Khu guralo, nyi hathide vathangeli nya mahundzu yanu, vama nya guti ni mapimo, nyi va gira vathangeli vbakari gwanu, vathangeli nya likhumi mazana, vathangeli nya lizana, vathangeli nya livbandre magumi, vathangeli nya likhumi ni manganagana, gukhedza khu mahundzu yanu.

Dhewuteronome 16:18

U na vega valamuli ni dzindruna ga madhoropa yago yatshavbo aya Pfhumu Nungungulu wago, a na gu ningago vbakari nya mahundzu yago, gasi va lamule vathu khu gululama.

Josuwa 24:1

Josuwa a di tombanisa mahundzu yatshavbo ya na Israyeli tigoni ga Sikemi, a ranisa gambe madhota yawe, vathangeli, valamuli gumogo ni dzindruna; vatshavbo va di ya dzi bikela mbeli ga Nungungulu.

Josuwa 24:4

Isaki nyi di mu ninga Jakobe ni Esawu, Esawu nyi mu ninga gigomo gya Seyiri gi khala gyaye; aholu Jakobe ni sanana saye va di relela va hongola Egipito.

Josuwa 8:33

Israyeli watshavbo, madhota yaye, vathangeli vaye gumogo ni valamuli vaye va di khala na va emide va randrela Ngasa, mbeli ga vaphasi nya mhamba va na Levhi va nga bani va rwade Ngasa nya Gidzumeledzwano gya Pfhumu Nungungulu. Vbale va diromo valuveli gumogo ni sivelegwa sa Israyeli; gipandre nya avo va di emide khu mbeli nya gigomo gya Garizimi, gimbe gipandre gi ema khu mbeli nya gigomo gya Ebhali; kha nga idzo va nga leletedwago khidzo khu gale khu Mosi, githumi gya Nungungulu, gukhuye gu kategiswe vathu va na Israyeli.