Ekisodha 5:4 - Bhibhiliya Nya Guage

⁴ Aholu mufumeli wa Egipito a di va embela, khuye: “Uwe Mosi ni uwe Aroni, khu ginani mu hungatelago vathu, mu va kutsedzela gu diga mithumo yawe? Bwelelani mu ya mithumoni gwanu.”

Ekisodha 5:4 Iomraidhean Croise

Ekisodha 1:11

Va di rumela dzighadhi gasi gu khevisela sanana sa Israyeli va si lemedza khu mithumo nya gulemele. Khu guralo, va na Israyeli va di vbahela Faro, madhoropa ya Pitomi ni Ramisesi, umo mufumeli wa Egipito a nga bani na gu vegedzela umo dzithomba nya dzimbewu dza mahangeni.

Ekisodha 2:11

Ga matshigu yale, Mosi nari khongolo, a di hongola ga vandriyaye, aya wona khu maho yaye gulemela nya mithumo yawe. A di wona moyo nya Mugipiti na gu bayisa moyo nya Muhebheru, a gu ndriyaye.

Ekisodha 6:5

Gambe nyi pwide gulila ga sanana sa Israyeli, esi Vagipiti va nga si khozisago va si gira dzikhumbi. Nyi alakanyide gidzumeledzwano gyangu.

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Luka 23:2

Va di phela gu mu ketsari, khavo: “Hi mane oyu mwama na gu kutsedzela vathu gu wugela mufumo, khuye: Mu nga livbini khupho ga Sezari, ni gukhuye uye kamwe khuye mufumeli Kristo.”

Mithumo 24:5

Hi wonide gukhethu oyu mwama vivbide. Khuye a wusago pfilupfilu ga Vajudha va mayigo yatshavbo. Khuye khongolo nya tsawa nya Vanazarenu.