Ekisodha 5:3 - Bhibhiliya Nya Guage

³ Avo va di mu embela gambe, khavo: “Nungungulu wa Vahebheru a dzi wonegiside gwathu; hi dzumedzise hi duga hi endra matshigu mararu mugiwulani hi ya girela miphaso nya dzimhamba Pfhumu Nungungulu wathu, gasi a si hi bayisi khu mitungu mwendro khu matshari.”

Ekisodha 5:3 Iomraidhean Croise

2 Dzipfhumu 17:25

Avbo va phedego gu khala mule, kha va nga ninga githawo Pfhumu Nungungulu; Pfhumu Nungungulu a di rumela dzinghala dzi ta songa vambe vathu vawe.

2 Dzikoronika 30:8

Mu nga bangisini myonyo yanu, kha nga idzo va giridego vababe vanu; pharani mandza ya Pfhumu Nungungulu, mu belani Nyumbani gwaye nya Guage, a yi agisedego kala gupindruga, mu thumela Pfhumu Nungungulu wanu, gasi a ndreyise vbakari gwanu guvila nya likhulo laye.

Ezira 7:23

Satshavbo esi si leletedwago khu Nungungulu wa ndzadzini, si na giredwe nyumba yaye khu gukhathala, gasi Nungungulu wa ndzadzini a si gorogeli mufumo wa mufumeli gumogo ni sanana saye.

Ekisodha 3:18

Avo va napwa lito lago. U na ya dzega madhota ya na Israyeli u hongola navo ga Faro, mufumeli wa Egipito, u ya mu embela, khuwe: Pfhumu Nungungulu wa Vahebheru, dzude gwathu, olu hi tshule hi dzega pfhuka nya matshigu mararu hi hongola giwulani, gasi hi ya phasela Pfhumu Nungungulu wathu.

Ekisodha 7:16

U na mu embela, khuwe: “Pfhumu Nungungulu wa Vahebheru a nyi rumede gwago, guta gu embela, kheni: Diga vathu vangu va duga gasi va ya nyi thumela giwulani, aholu uwe kala olu khu dzini gu nyi yingisa.”

Ekisodha 8:1

Khu hwane, Pfhumu Nungungulu a di embela Mosi, khuye: “Pfhumu Nungungulu a ngu ganela kharati, khuye: “Diga vathu vangu, va hongola va ya nyi thumela.

Ekisodha 8:20

Pfhumu Nungungulu a di engedza gu embela Mosi, khuye: “Wuga vbadzimindrutunu ngudzu, u ya ema mbeli ga Faro gikhati a dugago a hongola matini, u mu embela, khuwe: Pfhumu Nungungulu a ngu ganela kharati, khuye: Tshula vathu vangu va duga va fela gu ya nyi khozela.

Ekisodha 8:27

Hi dige hi gira liendro nya matshigu mararu, hi hongola giwulani hi ya phasela Pfhumu Nungungulu wathu dzimhamba gukhedza khu edzi, Uye a na gu hi lombago khidzo.”

Ezekiyeli 6:11

Mune, Pfhumu Nungungulu a ngu ganela kharati, khuye: “Khwakhwata mandza, u kinga vbavbatshi khu migondro, u huwata, khuwe: Libango! Khu kotani nya manyala ni guvivba gwatshavbo va na Israyeli va giridego! Kholu va na songetedwa khu matshari, khu ndzala ni mitungu.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Dhewuteronome 28:21

Pfhumu Nungungulu a na gu rumela tungu wu gu namarela, kala wu gu fuvisa ga litigo u yelago guya li dzega u li fumela.