Ekisodha 5:2 - Bhibhiliya Nya Guage

² Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Ekisodha 5:2 Iomraidhean Croise

2 Dzipfhumu 18:35

Khu vamani avo vbakari ga vanungungulu vatshavbo va mafuni, va tshudzisidego litigo lawe mandzani gwangu, gasi Pfhumu Nungungulu a tshudzisa Jerusalema mandzani gwangu, na?

2 Dzikoronika 32:14

Khu wevbini nungungulu vbakari nya vanungungulu nya mayigo yaya ma khozisidwego khu vababe vangu, a dzi kodzidego guvbulugisa vathu vaye mandzani gwangu? Gasi enu mwa gu tumba gukhenu Nungungulu wanu a na mi vbulugisa mandzani gwangu?

2 Dzikoronika 32:15

Khu guralo, mu nga kanganyiswi khu Ezekhiya, ambari gu mi kutsedzelani, ni gu mu khodwa gwaye; kholu mwalo nungungulu wa limbe litigo, ambari ni wevbini mufumo a kodzago gu vbulugisa vathu vaye mandzani gwangu, ambari ni mandzani ga vababe vangu; ina Nungungulu wanu, khuye a na dzi kodzago gu mi vbulugisa, gani?

2 Dzikoronika 32:19

Va di ganela khu Nungungulu wa Jerusalema, va mu fananisa ni vanungungulu va vathu va mafuni, nya gugirwe khu mandza nya vathu.

Nehemiya 9:10

U giride siwonegiso ni sisamadziso ga Faro, ni ga sithumi saye satshavbo ni ga vathu va tigoni gwaye gwatshavbo, kholu U di gu dziti gukhuwe va di tshanisa khu dzihanyi vababe vathu, U dandrisa lina lago hi li wonago kala na muhuno.

Joba 15:25

kholu thawuludzide mandza a wugela Nungungulu a dzi khusedza mbeli ga Pfhumu nya Tshivba Yatshavbo.

Joba 15:26

A vbiredzela gu mu yela na tiyide, na gu tumba gu thangisa gitshangu gyaye nya gikhongolo.

Joba 21:15

Khu mani Pfhumu nya Tshivba Yatshavbo nya gukala hi mu khozela? Giphaso muni hi na gi manago ha gu lombelela ga Nungungulu?

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 12:4

avo va gukhavo: “Lidimi khilo tshivba yathu, magana yathu ma ngu hi vhikela, khu mani a hi fumago?”

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 14:1

Muthu nya giphuguphugu a gu ganela monyoni gwaye, khuye: “Nungungulu mwalo!” Mithumo yaye yi nyenyezide, mwalo na moyo a girago nya sadi.

Ekisodha 3:19

Khu guralo, eni nyi ngu dziti gwadi gukheni mufumeli wa Egipito, kha na nga mi diga mu duga, vbavbandze nya guye khu gu gurumedzwa khu gyandza nya tshivba.

Ekisodha 7:17

Pfhumu Nungungulu a di ganela kharati, khuye: “Olu u na dziti gukhuwe kheni Pfhumu Nungungulu, nyi na veta mati nya tsongo, khu ndronga nyi gu nayo mandzani, ayo ma na vbindrugedza ma gu khala novba.

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Jeremiya 42:13

Aholu, mwa gu ganelani, khenu: Kha hi dzini gu khala tigoni momu, mu si yingisi Pfhumu Nungungulu wanu,

Jeremiya 48:26

Mu leviseni, kholu a dzi khusedzide mbeli ga Pfhumu Nungungulu, Mowabhi, a na puluwundre magoseni gwaye, uye a na khala gilo nya gihegiso.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Johane 16:3

Va na gira kharato kholu kha va muti, Babe wangu ni eni.

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

Valamuli 2:10

Ni melana watshavbo wowu nuwo, wu diya dzi pata gumogo ni vababe vawe; aholu khu hwane gwawe wu di tumbuluga wumbe melana wu nga bani wu si muti Pfhumu Nungungulu, ambari ni thumo nya wadi a wu giredego va na Israyeli.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;

1 Samuweli 25:10

Nabhali a di hakha sithumi sa Dhavhidhe, khuye: “Gasi khuye mani Dhavhidhe? Khuye mani mwamana wa Jese? Matshigwana yaya si tade sithumi si tutumago vamune vawe.