Ekisodha 5:16 - Bhibhiliya Nya Guage

¹⁶ Olu kha hi ngo ningwa gambe mwasi ethu sithumi sago; aholu va gu hi embela, khavo: “Girani tengo wamowo nya sitini! Sithumi sago si ngu kwamudwa. Aholu nandru khwa vathu vago.”

Ekisodha 5:16 Iomraidhean Croise

Genesi 11:3

Va di embedzelana khu gyawe, khavo: “Hongoleni hi gire sitini, hi si vbisa niloni.” Sitini va di si thumisa kha nga siwindri, aholu va di londra khu nyedzi.

1 Dzipfhumu 12:14

A di va hakha kha nga idzo a nga embedwago khidzo khu madzaha, khuye: “Babe wangu lemedzide rwalo wanu, aholu eni nyi nga na gu wu engedzela gambe gulemela; babe wangu, a mi tsayiside khu mapitso, aholu eni nyi na mi tsayisa khu dzihume.”

Ekisodha 5:15

Vathangeli nya sanana sa Israyeli va diya lila ga Faro, khavo: “Khu ginani u tshanisago kharati sithumi sago?

Ekisodha 5:17

Aholu uye a di va embela, khuye: “Enu kamwe mu migara ngudzu! Khigyo gi mi girago mu ganela, khenu: Hi dige hi ya phasela Pfhumu Nungungulu.

Muhevbudzi 4:1

Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Ezekiyeli 16:4

Guvelegwa gwago gu giregide, kharati: Ga litshigu u velegidwego, lirugu lago kha la pidwa, uwe khwa handzwa khu mati gasi gu agiswa, khwa gwiringedwa munyu mwendro gufumbedwa khu myendra.