Ekisodha 5:1 - Bhibhiliya Nya Guage

¹ Khu hwane nya esi, Mosi ni Aroni va diya ga Faro, va ya, khavo: “Pfhumu Nungungulu wa Israyeli, a ngu ganela kharati, khuye: Diga vathu vangu va duga, va ya nyi girela buzo giwulani.”

Ekisodha 5:1 Iomraidhean Croise

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

Dzindzimo 119:46

Nyi na huwelela gambe sileletelo sago mbeli ga vafumeli, gima kha nyi na khala dzitshoni.

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Ekisodha 10:4

Kholu wa gu simama gu bomba gu tshula vathu vangu va hongola, mindru nyi na guhula mbasa tigoni gwago gwatshavbo.

Ekisodha 10:9

Mosi a di khuye: “Ethu hi na hongola gumogo ni madzaha yathu, sikhosane sathu, sanana sathu nya sikhwathana ni esi nya sagadzyana; hi na dzega dzinvuta ni dzimombe dzathu, kholu ha gu ya phasela Pfhumu Nungungulu.”

Ekisodha 3:18

Avo va napwa lito lago. U na ya dzega madhota ya na Israyeli u hongola navo ga Faro, mufumeli wa Egipito, u ya mu embela, khuwe: Pfhumu Nungungulu wa Vahebheru, dzude gwathu, olu hi tshule hi dzega pfhuka nya matshigu mararu hi hongola giwulani, gasi hi ya phasela Pfhumu Nungungulu wathu.

Ekisodha 33:13

Khu guralo, olu, a gu bani ari lisine gukhuwe nyi mane wuhigo mahoni gwago, nyi ngu lomba u nyi embela gikhungo gyago, nyifela gu guti gasi nyi kodza gu gu nengedzisa. Pima gukhuwe vathu vava litigo lago.”

Ekisodha 4:23

Nyi ngu gu embela gukheni diga gyanana gyangu gi duga, gi fela gu ya nyi thumela, aholu uwe u ngu bomba gu gi diga gi duga! Khu guralo, nyi na songa gyanana gyago nya matiwula.”

Ekisodha 6:11

“Indra u ya embela Faro, mufumeli wa Egipito, a dige sanana sa Israyeli si duge tigoni gwaye.”

Ekisodha 6:27

Khavo ava Mosi ni Aroni, va nga ya ganela ni Faro, mufumeli wa Egipito, gasi a duse khu tigoni ga Egipito, sanana sa Israyeli.

Ekisodha 7:16

U na mu embela, khuwe: “Pfhumu Nungungulu wa Vahebheru a nyi rumede gwago, guta gu embela, kheni: Diga vathu vangu va duga gasi va ya nyi thumela giwulani, aholu uwe kala olu khu dzini gu nyi yingisa.”

Ekisodha 7:2

Uwe u na ganela satshavbo esi nyi na gu rumago, ndriyago Aroni a na si tivisa ga Faro gasi uye a dige sanana sa Israyeli si duga tigoni gwaye.

Ekisodha 8:1

Khu hwane, Pfhumu Nungungulu a di embela Mosi, khuye: “Pfhumu Nungungulu a ngu ganela kharati, khuye: “Diga vathu vangu, va hongola va ya nyi thumela.

Ekisodha 8:16

Pfhumu Nungungulu a di engedza gambe gu embela Mosi, khuye: “Embela Aroni, khuwe: Khusedza ndronga yago u veta kudzudzwane nya mafu, gu na manega dzindraya tigoni gwatshavbo gwa Egipito”

Ekisodha 8:17

Va di gira kharato; Aroni a di khusedza mandza yaye ni ndronga yaye a veta kudzudzwane nya mafu, gu duga dzindraya dzi pomela vathu ni sirengo. Kudzudzwane watshavbo wu di vbindrugedza wu khala dzindraya tigoni gwatshavbo gwa Egipito.

Ekisodha 8:20

Pfhumu Nungungulu a di engedza gu embela Mosi, khuye: “Wuga vbadzimindrutunu ngudzu, u ya ema mbeli ga Faro gikhati a dugago a hongola matini, u mu embela, khuwe: Pfhumu Nungungulu a ngu ganela kharati, khuye: Tshula vathu vangu va duga va fela gu ya nyi khozela.

Ekisodha 8:27

Hi dige hi gira liendro nya matshigu mararu, hi hongola giwulani hi ya phasela Pfhumu Nungungulu wathu dzimhamba gukhedza khu edzi, Uye a na gu hi lombago khidzo.”

Ekisodha 9:1

Khu hwane, Pfhumu Nungungulu a di embela Mosi, khuye: Indra u ya ganela ni Faro, u mu embela, khuwe: “Pfhumu Nungungulu wa Vahebheru a ngu ganela kharati, khuye: Tshula vathu vangu va hongola va ya nyi thumela.

Ekisodha 9:2

Kholu, wa gu bomba gu va tshula va hongola, u simama gu va moledzela khu tshivba,

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Ezekiyeli 2:6

Uwe, mwamana wa muthu, u nga thavi, ambari gu khala hwanga khu magana yawe. Ambari va gu khala nga likhabi ni miba avbo gwago, uwe vbanya vbakari nya dzihume. U nga tedwi khu hwanga khiso va na ganelago, ambari gu thuruga khu gu va wona, kholu avo vathu nya guyeyise.

Matewu 10:18

mu na yiswa mbeli ga vafumeli ni dzipfhumwana khu kotani yangu, mufela guya fakaza mahoni gwawe ni mahoni nya mahedheni.

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Mithumo 4:29

Gasi olu, Pfhumu, wona, va ngu hi thela hwanga; ninga tshivba sithumi sago si huwelela mahungu yago khu gu tiya gwatshavbo;

1 Vakorinto 5:8

Khavbo avbo, hongoleni hi gire buzo yoyu, nasiri khu mela wa gale, nasiri khu mela nya livengo ni guvivba, aholu khu mela nya ndruda ni lisine.