Ekisodha 4:21 - Bhibhiliya Nya Guage

²¹ Pfhumu Nungungulu a di ganela ga Mosi, khuye: “Ndzilani gwago nya gubwelele tigoni ga Egipito, wona siliwugiso nyi vegidego mandzani gwago; u na si gira satshavbo mbeli ga Faro, Eni nyi na bangisa monyo waye.” “Uye kha na diga vathu va duga.”

Ekisodha 4:21 Iomraidhean Croise

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

1 Dzipfhumu 22:22

Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

Dzindzimo 105:25

A di vbindrugedza myonyo nya Vagipiti, va vengela vathu vaye, gasi va fume vathu vaye khu dzihanyi nya dzikhongolo.

Dzindzimo 78:43

va divaledwa khu sigiro a giridego tigoni ga Egipito ni siliwugiso, a giridego panini ga Zowa;

Ekisodha 10:1

Pfhumu Nungungulu a di embela Mosi, khuye: “Indra u ya ganela ni Faro, kholu nyi bangiside monyo waye ni myonyo ya dzindruna dzaye, nyifela gu wonegisa siliwugiso sangu vbakari gwawe,

Ekisodha 10:20

Aholu Pfhumu Nungungulu a di gira Faro a banga hungo ni monyo, a bomba gu tshula va na Israyeli va hongola.

Ekisodha 10:27

Aholu Pfhumu Nungungulu a di bangisa monyo wa Faro, a bomba gu va tshula va hongola.

Ekisodha 11:10

Mosi ni Aroni va giride siliwugiso satshavbo sesi mahoni ga Faro, aholu Pfhumu Nungungulu a di bangisa monyo wa Faro, uye a di bomba gu tshula sanana sa Israyeli si duga tigoni gwaye.

Ekisodha 11:9

Pfhumu Nungungulu a di embela Mosi, khuye: “Faro kha na mi yingisa, gasi siliwugiso sangu si fela gu engedzelana tigoni momu ga Egipito.”

Ekisodha 14:17

Eni nyi na bangisa myonyo ya Vagipiti, va fela gubela va va landra, nyi na pwala gidhumo khu kotani nya esi nyi na girago ga Faro ni ga mabutho yaye yatshavbo nya nyimbi, ni dzikareta ni vakhileli nya dzikavalu.

Ekisodha 14:4

Khavbo avbo, Eni nyi na bangisa monyo wa Faro ni mabutho yaye yatshavbo nya nyimbi, khavbo va na dzitigo Vagipiti gukhavo Eni kheni Pfhumu Nungungulu. Avo va di gira kharato.

Ekisodha 14:8

Kholu Pfhumu Nungungulu a di bangisa monyo wa Faro, mufumeli wa Egipito, afela gu landra sanana sa Israyeli si nga bani si gimbila khu gutshudwa khu gyandza nya tshivba.

Ekisodha 3:19

Khu guralo, eni nyi ngu dziti gwadi gukheni mufumeli wa Egipito, kha na nga mi diga mu duga, vbavbandze nya guye khu gu gurumedzwa khu gyandza nya tshivba.

Ekisodha 3:20

Khu guralo, nyi na thawuludza gyandza gyangu nyi bayisa vathu va Egipito khu sisamadziso satshavbo nyi na si girago vbakari gwawe. Hwane nya ugo a na mi digani mu duga.

Ekisodha 7:13

Ambari ulo, monyo wa Faro wu di banga, a bomba gu yingisa Mosi ni Aroni kha nga idzo a nga ganelago Pfhumu Nungungulu.

Ekisodha 7:3

Aholu, eni nyi na bangisa monyo wa Faro; nyi fela gu engedzela siwoniso ni siliwugiso sangu tigoni ga Egipito.

Ekisodha 8:11

Vanyakhele va na mwalalega avbo gwago, ni dzindrangani gwago, ga dzindruna dzago ni ga vathu vago; va na khala basi tsongoni.”

Ekisodha 8:15

Aholu, avbo Faro a nga dzipwago na hefemudzidwe, a di bangisa gambe monyo waye, a bomba gu yingisa kha nga idzo a nga ganelago khidzo Pfhumu Nungungulu.

Ekisodha 8:32

Aholu Faro a di engedza gambe gu bangisa monyo waye, a bomba gu tshula vathu va hongola.

Ekisodha 9:12

Aholu Pfhumu Nungungulu a di bangisa monyo wa Faro, a si yingisi Mosi ni Aroni, kha nga idzo Pfhumu Nungungulu a nga embelago khidzo Mosi.

Ekisodha 9:35

Kharati, monyo wa Faro wu di banga; gima kha nga dzumela gutshula sanana sa Israyeli a si diga si hongola, kha nga idzo Pfhumu Nungungulu a nga ganelago khu likana la Mosi.

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Isaya 63:17

Khu ginani uwe Pfhumu Nungungulu, u hi digago hi ndreya ndzilani gwago? Khu ginani u hi digago hi bangisa myonyo yathu hi si gu ningi githawo? Wuya, khu kotani nya lihaladzo nya sithumi sago, ni ga mahundzu a gu thomba yago.

Johane 12:40

“A di va sega maho, a gu bangisa myonyo yawe, gasi va si woni khu maho, ni gumba pima khu myonyo yawe, gufela gu va si vbindrugedzi mavbanyelo, nyi va vbanyisa.”

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

Varoma 9:18

Khu kharato, Nungungulu a gu girela wuhindzi oyu a dzinago gu mu girela, a gu vivbisa monyo wa oyu a dzinago gu mu vivbisela.

2 Vakorinto 2:16

Ga vale va mbembago, mahema nya lufu ma vangago gufa, ga vale va vbanyiswago mahema nya womi ma vangago guvbanya. Khu wevbini muthu a yedwago khu thumo wowu?

Dhewuteronome 2:36

Gukhugela Aroweri, li guromo bambe nya kova wa Arinoni, gumogo ni lidhoropa li guromo umo, kala Gileyadhi, li diri mwalo ni limwedo lidhoropa li nga vbulugago mandzani gwathu; satshavbo sesi khu Pfhumu Nungungulu wathu, a hi ningidego.

Josuwa 11:20

Kholu Pfhumu Nungungulu a di bangisa myonyo yawe a va gira va dwanisa Israyeli, gasi va kodze gu mbembisedwa muphelo nyamba pwedwa gisiro; gasi va fuviswa, kha nga idzo Pfhumu Nungungulu a nga leletisa khidzo Mosi.

1 Pedro 2:8

Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.