Ekisodha 4:13 - Bhibhiliya Nya Guage

¹³ Aholu Mosi a di hakha, khuye: “Nyi divalele, Pfhumu yangu, rumela mumbe u na mu manago guvbindra eni.”

Ekisodha 4:13 Iomraidhean Croise

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 41:35

Dzi na wungeledzedwe dzimbewu dzatshavbo dzi tshalago ndrani nya myaga yatshavbo yeyi nya gufume yitago. Gu na wungeledzedwe dzimbewu mu si sangalani nya mufumo wa Faro, madhoropani kha nga dzimbuva nya guhodze.

Genesi 48:16

ngilozi yi nyi vbulugisidego guvivbani gwatshavbo, a na kategise sanana sesi. Si na gire lina langu li simama kala gupindruga, ni malina ya vababe vangu Abrahama ni Isaki va na velegelane va tala tigoni momu.

1 Dzipfhumu 19:4

A di gimbila gipimo nya litshigu rumba giwulani, aya khala mutsani nya simbo a lomba gufa. Khavbo avbo, a di lomba kharati, khuye: “Olu basi, Pfhumu Nungungulu! Dusa womi wangu, kholu kha nyi sizi gilo guvbindra vavelegi vangu.”

Ekisodha 23:20

Wona, nyi na rumela Ngilozi yangu yi gu thangela mbeli gasi yi gu sayisa ndzilani ni gu gu bedza wulangani nyi gu dongisedego.

Ekisodha 4:1

Aholu Mosi a di phindrula, khuye: “Ahati avo va gumba khodwa gwangu, va si yingisi lito langu va ganela, khavo: Pfhumu Nungungulu gima kha dzi wonegisa gwago!”

Ekisodha 4:12

Khu guralo, indra olu, Eni nyi na bani nyiri kanani gwago, nyi na gu hevbudza iso u yelago gu ganela.”

Ekisodha 4:14

Khavbo avbo, Pfhumu Nungungulu, a di goroga khu Mosi, a mu embela, khuye: “Ina mwalo Aroni mulevhi a gu ndriyago, gani? Eni nyi ngu dziti nya gukheni a ngu ganela gwadi. Wona gukhuwe a na duga a gu khinga, avbo a na gu wonago a na nengela monyoni gwaye.

Jeremiya 1:6

Khavbo avbo, eni nyi di hakha, kheni: “Oh! Pfhumu Nungungulu! Wona nya gukhuwe kha nyi kodzi gu ganela; kholu eni nyi ngari gyanana.”

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jona 1:3

Aholu Jona a di khuga mahoni ga Pfhumu Nungungulu a thava, a hongola Tarisisi; a di relela dhoropani ga Jope, avbo a ngaya mana litaro li nga bani li gu hongola Tarisisi; khu guralo, a di renga lithigiti, a gu bela litaroni gasi gu hongola navo Tarisisi, hwindzo ni khovbe ya Pfhumu Nungungulu.

Jona 1:6

Mugimbidzisi nya litaro a di hidzimela gwaye aya, khuye: “Khu ginani u khalago umomo nu lade? Wuga u lomba ga Nungungulu wago! A gudzina saye Nungungulu yoyo a na hi alakanya gasi hi si mbembi.”

Matewu 13:41

Mwamana wa Muthu a na rumela dzingilozi dzaye dzi dusela Mufumoni gwaye satshavbo sikhunguvanyiso ni ava va girago guvivba,

Johane 6:29

Jesu a di va hakha, khuye: “Guhaladza ga Nungungulu khogu: Khodwani ga wule a nga mu rumelago.”

Valamuli 2:1

Ngilozi ya Pfhumu Nungungulu yi di gwela khu Ghiligali kala Bhokimi yi ya ganela, khiyo: “Nyi mi duside khu tigoni ga Egipito, nyi mi yisani ga litigo nyi mi tumbisidego khu gu sambanyela vababe vanu. Nyi di mi embede, kheni: Gima kha nyi na pfhungumula gidzumeledzwano nyi hungidego nanu kala gupindruga.