Ekisodha 4:11 - Bhibhiliya Nya Guage

¹¹ Pfhumu Nungungulu a di mu hakha, khuye: “Gasi khu mani a nga ningago muthu likana. Mwendro khu mani a nga gira gidudu mwendro givbwiri oyu nya guwone mwendro oyu nya gikhumu? Ina khandri Eni Pfhumu Nungungulu, gani?

Ekisodha 4:11 Iomraidhean Croise

Genesi 11:7

Hongoleni hi relela vbavbatshi yeyi, hi ya hambanisa malimi gasi vathu va si mani gupwanana khu gyawe.”

Genesi 18:14

Ina gyomo gilo a gi tandregago Pfhumu Nungungulu, gani? Khu matshigu nya nga aya, mwaga wutago, nyi na wuya gambe khavba, Sara a na bani nari ni gyanana nya gikhwathana.

Dzindzimo 146:8

Pfhumu Nungungulu a ngu tula maho sikhumu, a gu wusa avo va vbelago tshivba; Uye a ngu gola vale va lulamidego.

Dzindzimo 51:15

Pfhumu, tula likana langu, likana langu li na tivisa wudhumo wago.

Dzindzimo 94:9

Ina oyu a nga gira dzindzeve, a na sindrwa gupwa, gani? Oyu a nga girago maho, a na padwa gu wona, gani?

Mavingu 20:12

Ndzeve khiyo yipwago, liso li wona, satshavbo si di girwa khu Pfhumu Nungungulu.

Isaya 42:7

gasi u tula maho sikhumu, ni gu tshula sibotshwa pasoni, ni gu dusa avo va vbanyago mugidemani.

Isaya 6:7

Yi di nyi pfodza likana khu ligala, yi nyi embela, khiyo: “Wona nya gukhuwe nyi khuhide sihofu sago; sighoho sago si handzidwe, sihoso sago si ditshedzidwe.”

Jeremiya 1:6

Khavbo avbo, eni nyi di hakha, kheni: “Oh! Pfhumu Nungungulu! Wona nya gukhuwe kha nyi kodzi gu ganela; kholu eni nyi ngari gyanana.”

Jeremiya 1:9

Khu gulandrela, Pfhumu Nungungulu a di thawuludza gyandza gyaye, a kuha likana langu a ganela, khuye: “Wona, nyi ngu vega magana yangu kanani gwago.

Ezekiyeli 33:22

Gasi khu silambo si vbindridego, Pfhumu Nungungulu a di nyi handzega mandza, na si gu vbohi mwama a nga vbulugago; a di nyi tula likana langu, na li tulegide gima kha nya nga degula gambe.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Luka 1:20

U na khala gidudu; nyamba ganela, kala si gu girega satshavbo sesi, kholu khwa khodwa khu magana yangu, ayo ma na giregago khu gikhati gyakone.”

Luka 1:64

Khavbo avbo, likana laye li di tulega, ni lidimi laye, li nga bani li tsharamede, li di tshulega nilo, a gu phela gu ganela a rungudza Nungungulu.

Johane 10:21

Vambe va di khavo: “Magana yaya khandri ya muthu nya guhandruge. Ina muthu nya liphuvbo nya guvivbe a ngu dzi kodza gutula maho gikhumu, gani?”