Ekisodha 32:5 - Bhibhiliya Nya Guage

⁵ Na wone esi, Aroni a di gira giluvelo mbeli nya githombe, a gu khusedza lito a ganela khu tshivba, khuye: “Mindru hi na gira buzo nya gurungudze Pfhumu Nungungulu.”

Ekisodha 32:5 Iomraidhean Croise

1 Dzipfhumu 21:9

Umo nya lidangalila a di lova, khuye: “Huwelelani litshigu nya guhale, mu vegani Nabhoti mbeli nya tshangano nya vathu.

2 Dzipfhumu 10:20

Jewu a di engedza gambe, khuye: “Rambani tshangano nya khongolo nya guage wa Bhahali.” Avo va di wu ramba.

2 Dzipfhumu 16:11

Muphasi nya mhamba Uriya, a di vbaha giluvelo a gira satshavbo kha nga idzo a nga leletedwago khidzo khu mufumeli Akazi nari Dhamasiko; muphasi nya mhamba Uriya, a di gira kharalo, mufumeli Akazi na si gu wuyi khu Dhamasiko.

2 Dzikoronika 30:5

Va di leletisa gukhavo gu tiviswe tigoni gwatshavbo gwa Israyeli, gukhugela Bherisebha, kala tigoni ga Dhani, gasi vate Jerusalema vata gira buzo nya Phasika ya Pfhumu Nungungulu wa Israyeli, kholu kha nga idzo gu lovidwego khidzo, nya vangi va di bani na va si gu wu giri kha nga idzo gu nga bani gu lovidwe khidzo.

Ekisodha 10:9

Mosi a di khuye: “Ethu hi na hongola gumogo ni madzaha yathu, sikhosane sathu, sanana sathu nya sikhwathana ni esi nya sagadzyana; hi na dzega dzinvuta ni dzimombe dzathu, kholu ha gu ya phasela Pfhumu Nungungulu.”

Ekisodha 12:14

Litshigu lolo li na khala gidundrugiso gwanu; mu na li alakanya khu gu girani buzo nya gurungudze Pfhumu Nungungulu; mu na li vegisa ga mimelana ni mimelana nya situgulwana sanu. Kha nga nayo wu tiyisidwego kala gupindruga.

Ekisodha 17:15

Mosi a di gira giluvelo a gi rana khu lina nya gupwani: “Pfhumu Nungungulu khuye Ngavbya yangu.”

Ekisodha 32:4

Uye a di dzi hakha khu mandzani gwawe a dzi nyiviligisa umo nya giwumbelo a gira githombe nya mombe nya gikete. Khavbo avbo, avo va di kulungela va ganela, khavo: “Enu sanana sa Israyeli kha mu mu woni oyu nungungulu wanu a mi dusidego tigoni ga Egipito a mi resani avba.”

Ekisodha 32:6

Khu mindru gakone, ni dzimindru, va di ningela dzimhamba nya miphaso nya guvbiswe ni dzimhamba nya gubonge. Vathu va di khala vbavbatshi va hodza, va sela, va khuga va hana, va gu ghiya.

Hoseya 8:11

Ambari Efrayimi a nga emisago siluvelo nya singi nya miphaso nya gudivaledwe sighoho, iso si khade siluvelo nya gu mu kutsedzele gu ghoha.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Levhi 23:2

“Ganela ga sanana sa Israyeli u si embela, khuwe: Mibuzo ya Pfhumu Nungungulu eyi mu yelago gu ramba tshangano nya guage, kheyi:

Levhi 23:21

Litshigu lolo furi, mu na ramba tshangano nya guage, kha mu na thuma thumo nya gulemele, oyu khu nayo wu vegedwago situgulwana sanu satshavbo ni evbini mu na gu bani mu vbanya umo.

Levhi 23:37

Eyi khiyo mibuzo nya gurungudze Pfhumu Nungungulu, mu na rambago mitshangano nya guage, mu gira ningelo nya guvbiswe ga Pfhumu Nungungulu; phaso nya guvbiswe, ni ningelo nya guhodze, miphaso ni miningelo nya mawadwa, gukhedza khu milayo nya litshigu ni litshigu;

Levhi 23:4

Eyi khu mibuzo ya Pfhumu Nungungulu, mitshangano nya guage mu na gu yi rambago khu gikhati gyakone.

1 Vakorinto 5:8

Khavbo avbo, hongoleni hi gire buzo yoyu, nasiri khu mela wa gale, nasiri khu mela nya livengo ni guvivba, aholu khu mela nya ndruda ni lisine.

1 Samuweli 14:35

Sawule a di vbahela Pfhumu Nungungulu giluvelo wulanga wule. Egi khu giluvelo nya guhegule a vbahedego Pfhumu Nungungulu.