Ekisodha 32:4 - Bhibhiliya Nya Guage

⁴ Uye a di dzi hakha khu mandzani gwawe a dzi nyiviligisa umo nya giwumbelo a gira githombe nya mombe nya gikete. Khavbo avbo, avo va di kulungela va ganela, khavo: “Enu sanana sa Israyeli kha mu mu woni oyu nungungulu wanu a mi dusidego tigoni ga Egipito a mi resani avba.”

Ekisodha 32:4 Iomraidhean Croise

1 Dzipfhumu 12:28

Hwane nya gu bani a dzi wudziside, mufumeli a di gira simombyana sivili nya ndralama; a embela vathu, khuye: “Enu mu ngu garala khu gu gwela Jerusalema, kha mu va woni ava vanungungulu vanu, enu va na Israyeli, va nga mi dusani khu tigoni ga Egipito.”

1 Dzipfhumu 12:32

A gira buzo khu litshigu nya likhumi na livbandre khu ngima nya livbandre na wuraru, nya gufanane ni buzo wu nga bani wu girwago tigoni ga Judha, a ningela miphaso vbagiluvelotunu. A di gira isoso tigoni ga Bheteli, avbo a nga phaselago simombyana a nga bani na si giride. A emisa gambe vaphasi nya mhamba umo nya siluvelo saye nya vanungungulu nya malipha.

2 Dzipfhumu 10:20

Jewu a di engedza gambe, khuye: “Rambani tshangano nya khongolo nya guage wa Bhahali.” Avo va di wu ramba.

2 Dzipfhumu 10:29

Ambari khu guralo, Jewu kha nga hambana ni sighoho sa Jerobhowamo, mwamana wa Nebhati, uye a nga ghohisa va na Israyeli, khu gu wumba simombyana nya ndralama, si nga bani siri Bheteli ni Dhani.

2 Dzikoronika 11:15

A dzi emisela abune vaphasi vaye nya mhamba, va malangani nya sigomo, nya gukhozele vanungungulu nya madhimoni, ni simombyana a nga si girago.

2 Dzikoronika 13:8

Olu mu ngu pimisa gukhenu mu na dugelela ga mufumo wa Pfhumu Nungungulu, gani? Hi ngu dziti gukhethu enu mu gidzemo nya gingi, gambe mu na ni vanungungulu nya simombyana nya ndralama, esi Jerobhowamo a mi giredego.

Nehemiya 9:18

Ambari gikhati va nga dzi wumbela gimombyana nya gupfhudwe khu simbi, va ganela, khavo: Khuye oyu Nungungulu wanu a mi dusidego khu tigoni ga Egipito; va gira guvivba gu nyenyezidego ngudzu.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ekisodha 20:4

U nga tshuki u dzi girela githombe nya guvatwe, mwendro gifananiso nya esi si guromo vbatshani, ndzadzini, mwendro nya esi si guromo vbavbatshi, mafuni, mwendro nya esi si guromo guetani nya mati, vbavbatshi nya mafu.

Ekisodha 28:11

U na lova avbo nya siwindri sa sivili malina ya sanana sa Israyeli, khu edzi vameseri va kodzago khidzo gu khandra milowo avbo nya siwindri nya lisima, siwindri sa sivili si na tshanganiswa si hungwa khu sikhweletedzo nya ndralama.

Ekisodha 28:9

U na dzega siwindri sivili nya wumburi nya Onekisi u lova avbo malina ya sanana sa Israyeli.

Ekisodha 32:1

Aholu, avbo vathu va nga wonago gukhavo Mosi a ngu hwela gu tshiga khu mugigomoni, va diya randrela Aroni va mu embela, khavo: “Hi wumbele vanungungulu va na gu hi thangelago mbeli, kholu Mosi a gu uye a hi dusidego tigoni ga Egipito, kha hi dziti gukhethu ginani gi mu manego.”

Ekisodha 32:24

Eni nyi di va embela, kheni: “Muthu ni muthu a gu na ni ndralama a na yi duse. Avo va di tshulela ndralama yawe va nyi ninga. Eni nyi di yi rinya niloni, khavbo avbo, gu di duga gimombyana gegi.”

Ekisodha 32:3

Khu guralo, vathu vatshavbo va di tshula dziphera nya ndralama va nga bani va ambade dzindzeveni, va gu dzi yisa ga Aroni.

Ekisodha 32:35

Pfhumu Nungungulu a di tsayisa vathu kholu va nga gurumedza Aroni gu va girela gimombyana.

Ekisodha 32:5

Na wone esi, Aroni a di gira giluvelo mbeli nya githombe, a gu khusedza lito a ganela khu tshivba, khuye: “Mindru hi na gira buzo nya gurungudze Pfhumu Nungungulu.”

Ekisodha 32:7

Khavbo avbo, Pfhumu Nungungulu a di embela Mosi, khuye: “Vbiredza, u relela! Kholu vathu vago, avo u nga va dusago tigoni ga Egipito va ghohide.”

Ekisodha 32:8

Kha va hwela gu penga va diga ndzila nya milayo nyi va ningidego. Va dzi wumbede githombe nya mombe nya gikete, va gi khozela, va gi ninga miphaso nya dzimhamba, va ganela, khavo: “Uwe Israyeli, oyu khu nungungulu wago a gu dusidego tigoni ga Egipito.”

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 46:6

Vathu va gu dusa ndralama borisani ni gu pima ndrengo nya parata musikaloni; va gu thola mupfhuli nya ndralama gukhavo a va girele nungungulu gasi va mu khidzimela va kuha mafu khu khovbe, va mu khozela.

Ezekiyeli 23:8

“Uye kha nga diga wuphuphulu a wu phedego tigoni ga Egipito, gikhati nya wumbiri waye, vama va di lala naye, va ghohetela wunyamayi nya wukendzi waye, ni gu dzi tsakisa khuye.”

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Hoseya 13:2

Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Mithumo 17:29

Ha gu bani hiri melego wa Nungungulu hi nga hingigedzi nya gukhethu Nungungulu a ngu fanana ni ndralama, ni silivha, ni giwindri gi vatwago ni gupfhudwa khu dzikhenge ni gu kodza nya muthu.

Mithumo 7:41

Khu matshigu yoyo va di wumba githombe nya mombe va gu phasela dzimhamba gifananiso, va nengela khu mithumo ya mandza yawe.

1 Vakorinto 10:7

Mu nga khozelini sithombe nya vanungungulu nya malipha kha nga vambe vababe va nga si khozelago, kha nga gu lovidwego omu nya Milowo nya Guage, gupwani: “Vathu va di khala vbavbatshi va hodza ni gu sela, va khuga va hana.”

Dhewuteronome 9:16

Nyi di khedza, nyi wona gukheni mu ghohede Pfhumu Nungungulu wanu; khu gu dzi girelani gimombyana nya dzisimbi nya gunyiviligiswe; mu di vbiredzani gu diga ndzila eyi Pfhumu Nungungulu a mi rumidego.

Valamuli 8:24

Gidhiyoni a di engedza gambe, khuye: “Gimwegyo basi nyi mu lombago; moyo ni moyo nya enu a na nyi ninge phera mweyo ya ndzeveni eyi a yi phangidego.” (Kholu va na Ismayeli va diri valongo va Vamedhiyani, va di gu olovela gu ambala dziphera nya ndralama.)

Valamuli 8:27

Gidhiyoni a di thumisa ndralama gasi gu gira keka nya wuphasi nya mhamba, a nga wu vega dhoropani gwaye, tigoni ga Ofira; va na Israyeli vatshavbo va di gira vbale wuphuphulu hwane gwaye, khu gu khozela keka nya ndralama; iso si nga girago naphwi ga Gidhiyoni ni ndranga yaye.