Ekisodha 32:1 - Bhibhiliya Nya Guage

¹ Aholu, avbo vathu va nga wonago gukhavo Mosi a ngu hwela gu tshiga khu mugigomoni, va diya randrela Aroni va mu embela, khavo: “Hi wumbele vanungungulu va na gu hi thangelago mbeli, kholu Mosi a gu uye a hi dusidego tigoni ga Egipito, kha hi dziti gukhethu ginani gi mu manego.”

Ekisodha 32:1 Iomraidhean Croise

Genesi 19:14

Loti a di ya ganela ni vamwane vaye va nga bani va vbweta gu dzega sanana saye, khuye: “Khugani mu duga ga wulanga wowu, kholu Pfhumu Nungungulu a ngu vbweta gu mbembisa lidhoropa.” Aholu, avo va di mu wona kha nga muthu nya sithenga mbeli gwawe.

Genesi 21:26

Khavbo avbo, Abhimeleki a di hakha, khuye: “Eni kha nyi muti khu mani a giridego isoso. Uwe gima khwa nga nyi tivisa mahungu yoyo; nya gu phela muhuno olu gu gupwa nu gu ganela isoso.”

Genesi 39:8

Josefa a di bomba, a mu embela, khuye: “Uwe u ngu dziti gukhuwe, mune wangu kha nyi henguli gilo ndrangani gwaye, ni gukhuwe vegide mandzani gwangu sigiro saye satshavbo.”

Genesi 44:15

Josefa a di va wudzisa, khuye: “Gasi ginani igyo mu giridego? Kha mu dzitini gukhenu muthu nya nga eni a ngu kodza gudhumba, gani?”

Genesi 44:4

Na va nga gu duga khu dhoropani, na va si gu vbohi hwindzo, Josefa a di embela muthangeli nya ndranga yaye, khuye: “Indra, landra vama vovo khu gututuma, avbo u na va manago, va embele, khuwe: Khu ginani mu nga bweledzela wuwadi khu guvivba?

Dzindzimo 106:19

Gigomoni gya Horebhi, va di wumba gimombyana nya gugirwe khu ndralama, va gu khidzimela gifananiso nya gugirwe khu simbi nya gunyiviligiswe.

Ekisodha 13:21

Pfhumu Nungungulu a di va thangela a gimbila mbeli gwawe; mihaniyile a di khusa lipfhi gasi gu va nonedza ndzila, vbawutshigutunu a di khondrisa nilo gasi gu va wenengedza ndzila, va kodza gu gimbila wutshigu ni mihani.

Ekisodha 14:11

Va di embela Mosi, khavo: “Ina gu diri mwalo marowo tigoni ga Egipito gu kala u hi dusa gasi hi ta fela giwulani momu, gani? Khu ginani u hi giredego esi nya gu hi duse tigoni ga Egipito?

Ekisodha 16:3

Sanana sa Israyeli si di ganela, khiso: “Adiri tshukwana nari pwani hi di fede mandzani ga Pfhumu Nungungulu tigoni ga Egipito, iyo hi nga bani hi tshelega mabhota nya nyama, hi khala hi hodza wusa hi khura. Aholu enu mu hi dusideni mu hi resa giwulani momu, mu di fela gu ta songa khu ndzala rengo watshavbo wowu nya vathu!”

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ekisodha 24:12

Pfhumu Nungungulu a di embela Mosi, khuye: “Lita u ta eno gwangu tshokatunu nya gigomo; u na khala iyo gasi nyi gu ninga sivatu nya siwindri nyi lovidego avbo milayo ni sirumo u fanedego gu va hevbudza.”

Ekisodha 24:18

Mosi a di bela vbakari nya lipfhi a gu lita vbatshani nya gigomo. Mosi a di ya khala gigomoni gipimo nya magumana matshigu, wutshigu ni mihani.

Ekisodha 32:11

Aholu, Mosi a di zama gurudzisela monyo wa Pfhumu Nungungulu waye, khuye: “Khu ginani Pfhumu u na khondrisago likhulo lago u wugela vathu vago u va dusidego khu tigoni ga Egipito khu tshivba nya yikhongolo nya libogo lago li palago satshavbo?

Ekisodha 32:22

Aroni a di hakha, khuye: “Pfhumu yangu, u nga gorogi ngudzu guvbindrisa. Uwe u ngu dziti gwadi gukhuwe vathu vava va wegelede guvivbani.

Ekisodha 32:23

Va di nyi embela, khavo: Hi wumbele nungungulu a na gu hi thangelago mbeli, kholu Mosi a gu uye a nga hi gira hi duga tigoni ga Egipito kha hi dziti gukhethu ginani gi mu manego.”

Ekisodha 32:7

Khavbo avbo, Pfhumu Nungungulu a di embela Mosi, khuye: “Vbiredza, u relela! Kholu vathu vago, avo u nga va dusago tigoni ga Egipito va ghohide.”

Ekisodha 33:3

Indra ga litigo lolo li gogago mahwe ni wulombe. Aholu, eni kha nyi na hongola nanu kholu mu vathu nya gubange mihungo, nyi nga beledwa khu monyo nya gu mi mbembise ndzilani.”

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Hoseya 12:13

Aholu Pfhumu Nungungulu a di rumela muprofeti, guya dusa Israyeli khu tigoni ga Egipito. Vathu va di gimbidziswa khu muprofeti.

Mikeya 6:4

Nyi gu duside khu tigoni ga Egipito, nyi gu tshudzisa nyumbani nya wugumbi; nyi mi rumede Mosi, Aroni ni Miriyamu.

Mitengo 14:22

mwalo ni moyo ga vathu vatshavbo va wonidego wudhumo wangu, ni sisamadziso nyi giridego tigoni ga Egipito ni giwulani, aholu va nyi lingidego likhumi dzinyondro, va si yingisi lito langu;

Matewu 24:43

Khalani na mu dziti nya gukhenu: Nari pwani mune ndranga a ngu giti gikhati yi na gu tago khigyo mbafa vbakari nya wutshigu a na gu ghadha, gasi a si phangedwi nyumba yaye.

Matewu 24:48

Aholu, githumi gile gya gu bani giri ni monyo nya guvivbe, gi pimisa monyoni gwaye, kharati: ‘Pfhumu yangu yi ngu hwela,’

Mithumo 17:29

Ha gu bani hiri melego wa Nungungulu hi nga hingigedzi nya gukhethu Nungungulu a ngu fanana ni ndralama, ni silivha, ni giwindri gi vatwago ni gupfhudwa khu dzikhenge ni gu kodza nya muthu.

Mithumo 19:26

Aholu mu ngu si wona ni gu sipwa khu dzindzeve dzanu esi mwama yoyu nya gupwani khu Pawulo a gimbilago a gira. A gu hevbudza khuye vanungungulu nya guvatwe khu mandza nya vathu khandri vanungungulu nya lisine. Khu kharato a dzi kodzide gu ndreyisa vathu nya vangi, nasiri basi tigoni momu ga Efeso, aholu ni Aziya gwatshavbo.

Mithumo 7:40

Va di embela Aroni, khavo: ‘Hi girele vanungungulu va na gu thangago mbeli gwathu; kholu kha hi siti esi si dugeledego Mosi, a nga hi dusa tigoni ga Egipito.’

Dhewuteronome 31:8

Pfhumu Nungungulu khuye a na thangago mbeli gwago; Uye a na bani nari nago, kha na hambana nago ambari gu gu diga; u nga vbeli tshivba ambari gu khala hwanga.

Dhewuteronome 9:1

Upwa uwe Israyeli, muhuno u na tshatuga tsongo wa Joridhani gasi guya khozisa mifumo nya yikhongolo yi gu ni tshivba gu gu vbindra; madhoropa nya makhongolo ni mabhiyo nya gulaphe kala damboni;

Dhewuteronome 9:9

Na nyi gu lita gigomoni gasi guya hakha sileti nya giwindri, sileti nya gidzumeledzwano Pfhumu Nungungulu a giridego nanu, nyi khade gigomoni magumana matshigu, wutshigu ni mihani; nyamba hodza gilo, ni gumba sela mati.

Josuwa 7:13

Indra u ya agisa vathu! U va embela, khuwe: Dzi agiseni litshigu la mindru kholu, Pfhumu Nungungulu wa Israyeli, a ngu ganela, khuye: Kha mu na dzi kodza gu tiya gu ema mbeli ga valala vanu na mu si gu dusi guvivba gu guromo vbakari gwanu.

2 Pedro 3:4

khavo: “Uye tumbiside gukhuye a na wuya, khandridzo, womo hayi olu? Vababe vathu va fude, satshavbo si ngari idzosaye gukhugela guvangwa nya mafu.”