Ekisodha 30:3 - Bhibhiliya Nya Guage

³ U na londra vbatshani nya giluvelo khu ndralama nya guhutwe, kharato gambe ni maphuvbo yatshavbo ni dzikeho dzakone. U gira libhandri nya ndralama li dzuwuluga giluvelo gyatshavbo.

Ekisodha 30:3 Iomraidhean Croise

1 Dzipfhumu 6:20

Wulanga nya Guage wa ndrani wu diri ni magumavili mikono gulapha, guanama magumavili mikono, gukhugega gambe magumavili mikono, a wu londra khu ndralama nya guhutwe, giluvelo nigyo a gi pfhulela khu mapulango nya sedhari.

1 Dzipfhumu 6:22

Khu guralo, nyumbani gwatshavbo gu di londrwa khu ndralama guvbela gwatshavbo; gumogo ni giluvelo gi nga bani gi romo vbafuvbi ni Wulanga nya Guage Ngudzu, gi di londrwa nigyo khu ndralama.

1 Dzipfhumu 7:48

Solomoni a di gira gambe sombo satshavbo sa Nyumbani ga Pfhumu Nungungulu, giluvelo nya ndralama ni meza nya ndralama, avbo gu nga bani gu vegwa avbo sibaba nya ningelo.

Ekisodha 25:11

U na yi londra khu ndralama nya lisima khu ndrani ni vbavbandze, u gira kwenga nya ndralama wu yi dzuwuluga maphuvbo yatshavbo.

Ekisodha 25:24

U na yi londra khu ndralama nya guhutwe u yi girela gambe kwenga khu ndralama wu dzuwuluga meza yatshavbo.

Ekisodha 30:2

Gi na bani giri ni pimo nya kono moyo gulapha, ni kono moyo guanama, maphuvbo ya mana ma na lapha idzosaye; gukhugega gi na pima mikono mivili. Dzikeho dzaye dzi na hungana ni giluvelo dzi gira gilo gimwegyo basi.

Ekisodha 30:4

U na vega masindra mavili nya ndralama khu vbatshani nya libhandri ga maphuvbo ya mavili, ma khedzisana gasi gu bedza khumo misimbo nya mipingo nya gurwale khiyo giluvelo.

Gutuledwa 8:3

Yimbe ngilozi yi dita ema vbafuvbi ni giluvelo, na yi pharide gifugwana nya guwumbwe khu ndralama, na gi tade khu libani. Va yi ningide libani nya lingi gasi gu li vbisa gumogo ni milombelo nya sihathwa satshavbo vbagiluvelotunu nya ndralama gi guromo mbeli nya gikhalo nya wufumu.