Ekisodha 3:9 - Bhibhiliya Nya Guage

⁹ Kholu dzihuwa dza sanana sa Israyeli dzi vbohide kala eno Gwangu, gambe nyi wonide tshanisa nya yikhongolo va giredwago khu Vagipiti.

Ekisodha 3:9 Iomraidhean Croise

Genesi 16:11

Ngilozi ya Pfhumu Nungungulu yi di mu embela gambe, khiyo: “U na ni mimba u na velega gyanana nya gikhwathana u na gi riyago lina nya gupwani Ismayeli, kholu Pfhumu Nungungulu pwide lito nya gutshaniseke gwago.

Genesi 31:12

Iyo yi di engedza yi nyi embela, khiyo: “Khusa maho u wone; vamatune vatshavbo va velegisago tshambi, khava nya mikwenga ni mavalavala, kholu Eni nyi si wone esi a gu giridego Laboni.

2 Dzipfhumu 13:4

Aholu Jeyowakazi a di lombelela mbeli ga Pfhumu Nungungulu; ni Pfhumu a di mu yingisa; kholu a di wona idzo va nga bani va tshaniswa khidzo va na Israyeli khu mufumeli wa Siriya.

2 Dzipfhumu 20:5

“Bwelela u ya embela Ezekhiya, muthangeli nya vathu vangu, khuwe: Pfhumu Nungungulu wa babe wago Dhavhidhe, a ngu ganela kharati, khuye: Nyi pwide nombelo wago, nyi wona ni marongo yago; nyi na gu vbanyisa; khu litshigu nya wuraru, u na gwela Nyumbani ga Pfhumu Nungungulu.

Nehemiya 9:9

U wonide gusaniseka ga vababe vathu tigoni ga Egipito, U pwide huwa yawe vbafuvbi ni yiphwa nya Gufuvile.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 9:14

Nyi fela gu embelela wuzundzo dzinyangwani ga gyagadzyana gya Siyoni, nyi nengela kholu u nga nyi vbanyisa.

Ekisodha 1:11

Va di rumela dzighadhi gasi gu khevisela sanana sa Israyeli va si lemedza khu mithumo nya gulemele. Khu guralo, va na Israyeli va di vbahela Faro, madhoropa ya Pitomi ni Ramisesi, umo mufumeli wa Egipito a nga bani na gu vegedzela umo dzithomba nya dzimbewu dza mahangeni.

Ekisodha 1:22

Khavbo avbo, Faro a di vega nayo yoyu ga vathu vaye vatshavbo, khuye: “Dzamisani tsongoni wa Nilo sanana satshavbo nya sikhwathana si velegwago khu Vahebheru. Aholu esi nya sagadzyana si digeni satshavbo si vbanya.”

Ekisodha 1:8

Khu hwane, litigo la Egipito li di fumedwa khu mufumeli nya muphya, a ngamba ti gilo khu mahungu ya Josefa.

Ekisodha 2:23

Hwane nya myaga nya gutale, a difa mufumeli wa Egipito, vathu va na Israyeli, va di tshaniseka wugumbini. Va di lila, dzihuwa nya gutshaniseke gwawe, dzi di gwela kala ga Nungungulu.

Ekisodha 2:25

Nungungulu a di khedza sanana sa Israyeli, a wona gutshaniseka gwawe.

Ekisodha 3:7

Pfhumu Nungungulu a di engedza, khuye: “Khu lisine nyi wonide gutshaniseka ga vathu vangu va tshaniswago tigoni ga Egipito, gambe dzihuwa dzawe dzi vbohide dzindzeveni gwangu khu kotani nya vatshanisi vawe. Nyi ngu wuti wuvi wawe.

Muhevbudzi 4:1

Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Muhevbudzi 5:8

Wa gu tshuka u wona tigoni na gu tshaniswa sisiwana ni gu hambaniswa nayo, u nga samali kholu uye a gu khongolo a na ni mumbe vbatshani gwaye a mu kalavelago a gu khongolo guvbindra uye, vbatshani ga avo va vavili, womo gambe uye a khusegidego ngudzu gu va vbindra a va kalavelago nuyeavo.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Dhewuteronome 26:7

Khu guralo, hi di lila ga Pfhumu Nungungulu wa vababe vathu; Pfhumu Nungungulu a dipwa lito nya gulile gwathu; a wona gutshaniseka, mithumo gumogo ni wuvi wathu;

1 Samuweli 9:16

“Mindru, khu gikhati nya nga egi, nyi na gu rumela mwama moyo wa tigoni ga Bhejami, u na mu todza khu mafura gasi a khala muthangeli wa vathu vangu va Israyeli; uye a na tshudzisa vathu vangu mandzani ga Vafilisitiya; kholu nyi wuyiside maho yangu nyi khedza vathu vangu, huwa yawe yi vbohide kala eno gwangu.”