Ekisodha 3:6 - Bhibhiliya Nya Guage

⁶ A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Ekisodha 3:6 Iomraidhean Croise

Genesi 12:1

Pfhumu Nungungulu a di embela Abrama, khuye: “Diga litigo lago, la valongo vago ni ndranga ya babe wago, u hongola ga litigo nyi na gu nonedzago.

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 17:3

Abrama a di noga, a tsitsa khovbe vbavbatshi, Nungungulu a mu embela, khuye:

Genesi 24:12

Githumi gi di ganela khu monyoni gwaye, khigyo: “Pfhumu Nungungulu wa Abrahama, mune wangu, Gira khuwe nyi mane muhuno egi nyi gi vbwetago, wonegisa wuwadi wago ga mune wangu Abrahama.”

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 28:17

A di engedza a ganela na tade khu hwanga, khuye: “Wu thiside ngudzu wulanga wowu! Avba Nyumba ya Nungungulu, owu mwanya wa ndzadzini.”

Genesi 31:42

Naripwani Nungungulu wa babe wangu Nungungulu Abrahama ni oyu a rungudzwago khu Isaki, kha nga nyi phasa, khu lisine nu nyi vbanganide nyambana gilo, nyi bwelela liphanga nyambana gilo mandzani. Aholu Nungungulu a wonide gusaniseka gwangu a wona mithumo ya mandza yangu, vbanova ni wutshigu a gu kawuka.”

Genesi 32:9

Khavbo avbo, Jakobe a di ganela, khuye: “Oh, Nungungulu wa babe wangu Abrahama, Nungungulu wa babe wangu Isaki, Uwe Pfhumu Nungungulu u nyi embedego gukhuwe: Bwelela tigoni gwago nya mavelego, eni nyi na gu vhikela;”

1 Dzipfhumu 18:36

Avbo gu nga vbohago gikhati nya guningele miphaselo nya silambo, muprofeti Eliya a di hidzimela vbagiluvelotunu a ganela, khuye: “Uwe Nungungulu wa Abrahama, wa Isaki ni wa Jakobe, dzi wonegise muhuno gukhuwe, uwe khuwe, Nungungulu wa Israyeli, ni gukhuwe eni kheni githumi gyago. Wonegisa gukhuwe eni nyi giride satshavbo sesi khu guruma gwago.

1 Dzipfhumu 19:13

Gikhati Eliya a pwidego gupepa, a di fenengedza khovbe khu libhadzi; khavbo avbo, a di duga a khala vbamwanyatunu nya phago. Gu dita lito li ngata mu wudzisa, khilo: “Eliya, ginani u thumago avba.”

Nehemiya 9:9

U wonide gusaniseka ga vababe vathu tigoni ga Egipito, U pwide huwa yawe vbafuvbi ni yiphwa nya Gufuvile.

Dzindzimo 132:2

kha nga edzi a nga sambanyago khidzo ga Pfhumu Nungungulu ni gitumbiso a giridego ga Nyadzitshivbe wa Jakobe, a ganela, khuye:

Ekisodha 15:2

Pfhumu Nungungulu khuye tshivba ni ndzimo yangu. Khuye muvbanyisi wangu. Khuye Nungungulu wangu, nyi na mu rungudza; Nungungulu wa vababe vangu; khu guralo, nyi na mu khusedza.

Ekisodha 29:45

Nyi na vbanya vbakari nya sanana sa Israyeli, nyi na bani nyiri Nungungulu wawe.

Ekisodha 3:16

Indra u ya tshanganisa madhota ya na Israyeli, u ma embela, khuwe: Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a dzi wonegiside gwangu a nyi embela, khuye: Khu lisine nyi mi endrede, ni gu wona esi mu girwago tigoni ga Egipito.

Ekisodha 33:20

A di engedza gambe, khuye: “Aholu uwe khu dzi kodzi gu wona khovbe yangu, kholu muthu kha dzi kodzi gu nyi wona a wuya a simama guvbanya.”

Ekisodha 4:5

“Gasi va fela gukhodwa gukhavo, Pfhumu Nungungulu a dzi wonegiside gwago, Nungungulu wa vababe vawe, Nungungulu wa Abrahama, Nungungulu wa Isaki ni Nungungulu wa Jakobe.”

Jeremiya 24:7

Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Jeremiya 32:38

Avo va na khala vathu vangu, Eni nyi na bani nyiri Nungungulu wawe.

Ezekiyeli 11:20

Satshavbo soso gasi va kodza gu landrisa silayelo sangu ni gu vegisa milayo yangu, va wuya va yi thuma; avo va na khala vathu vangu, Eni nyi na khala Nungungulu wawe.

Zakariya 8:8

nyi na va resa, va ta khala vbakari ga Jerusalema; va na bani vari vathu vangu, Eni neni nyi na bani nyiri Nungungulu wawe khu lisine ni gululama.”

Matewu 17:6

Na va pwide mahungu yaya, vapizane va di thega vbavbatshi khu khovbe na va tade khu hwanga.

Matewu 22:32

‘Eni kheni Nungungulu wa Abrahama, Nungungulu wa Isaki ni Nungungulu wa Jakobe,’ gani? Uye khandri Nungungulu wa va nya gufa, aholu, khwa va nya guvbanya!”

Marko 12:26

Nari khu mahungu nya guwuge khu gufani kha mwa hevbulani libhukuni la Mosi, avbo Nungungulu a nga ganelago naye umo nya gipopwana, khuye: ‘Eni kheni Nungungulu wa Abrahama, Nungungulu wa Isaki, Nungungulu wa Jakobe’, gani?

Luka 20:37

A gu bani ari khu mahungu nya guwuge nya vafi, ambari Mosi nuye fakazide mahungu yaya vbagipopwanatunu gile nya gu dzure, avbo a nga ranago Pfhumu khuye Nungungulu wa Abrahama, Nungungulu wa Isaki ni Nungungulu wa Jakobe.

Luka 5:8

Na wonide esi, Simoni Pedro a di dzi thesa migondroni ga Jesu, khuye: “Leya uya hwindzo gwangu, Pfhumu, kholu nyi gighohi!”

Mithumo 7:32

‘Eni kheni Nungungulu wa vababe vago, Nungungulu wa Abrahama, Nungungulu wa Isaki, Nungungulu wa Jakobe!’ Mosi a di ndrendremela khu hwanga, a si tiyi ni gu khedza.

Mithumo 7:34

Khu lisine, nyi wonide gusaniseka ga vathu vangu Egipito; nyi pwide huwa yawe; nyi dongide guta va vbanyisa; Khu kharato, delu, nyi guruma Egipito.’

Dhewuteronome 6:3

Yingisa, olu, uwe Israyeli, dzi vegisele gu si landrisa, gasi sigiro sago si gu dugele gwadi, u velegelana ngudzu tigoni gu gogago mahwe ni wulombe, kha nga a gu embedego Pfhumu Nungungulu wa vababe vago.

Vahebheru 11:16

Aholu, avo va di vbweta litigo nya ladi ngudzu, litigo la ndzadzini. Nungungulu kha khali dzitshoni gu ranwa pwani Nungungulu wawe, kholu khuye a va dongisedego lidhoropa.

Vahebheru 12:21

Esi va nga si wonago si di thisa ngudzu, a nga kala Mosi a ganela, khuye: “Nyi ngu ndrendremela khu hwanga.”

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Valamuli 13:22

Aholu Manowa, a di embela mwangadzi waye, khuye: “Khu lisine hi nafa, kholu hi wonide Nungungulu.”