Ekisodha 3:4 - Bhibhiliya Nya Guage

⁴ Avbo Pfhumu Nungungulu a nga wona gukhuye Mosi a ngu hidzimela gasi guta wona gwadi, a di mu rana khu vbakari nya gipopo, khuye: “Mosi! Mosi!” Uye a di hakha, khuye: “Nyi womo avba.”

Ekisodha 3:4 Iomraidhean Croise

Genesi 22:1

Hwane nya gugirege satshavbo sesi, Nungungulu a di linga Abrahama. A di mu rana, khuye: “Abrahama!” Abrahama a di hakha, khuye: “Nyi womo avba.”

Genesi 22:11

Aholu, ngilozi ya Nungungulu yi di mu rana khu vbatshani Ndzadzini, khiyo: “Abrahama! Abrahama!” Uye a di hakha, khuye: “Nyi womo avba.”

Genesi 28:16

Na khendzugide, Jakobe a di ganela, khuye: “Khu lisine Pfhumu Nungungulu womo wulanga wowu, aholu eni nyi di si dziti.”

Genesi 46:2

Nungungulu a di ganela ga Jakobe khu ndroroni ni vbakari nya wutshigu, khuye: “Jakobe! Jakobe!” Uye a di hakha, khuye: “Nyi womo avba.”

Dzindzimo 62:11

Nungungulu a di ganela gumogo basi, eni nyi mupwa guvili, khuye: “Tshivba ya gu lumba uye,”

Ekisodha 19:3

Mosi a di lita kala vbafuvbi ni Nungungulu. Khu mugigomoni Pfhumu Nungungulu a di mu rana, a mu embela, khuye: “U na ganela esi ga nyumba ya Jakobe, u tivisa esi ga sanana sa Israyeli, khuwe:

Ekisodha 3:2

Avbovbo, Ngilozi ya Pfhumu Nungungulu yi di dzi wonegisa gwaye vbakari nya malavbelavbe nya nilo mugipopwanani. Mosi a di ema a khedzisela gipopo gi nga bani gi khondra, aholu gi di si tsagami.

Ekisodha 33:12

Mosi a di ganela ga Pfhumu Nungungulu, khuye: “Uwe wa gu nyi embela, khuwe: Dusa vathu vava; aholu khu nyi tivisi oyu u mu rumidego gasi gu nyi bangaladza. Ambari ulo u ganede khuwe eni nyi ngu guti khu lina, gambe u mane wuhigo mahoni gwangu.

Ekisodha 4:5

“Gasi va fela gukhodwa gukhavo, Pfhumu Nungungulu a dzi wonegiside gwago, Nungungulu wa vababe vawe, Nungungulu wa Abrahama, Nungungulu wa Isaki ni Nungungulu wa Jakobe.”

Levhi 1:1

Pfhumu Nungungulu khu Tshatshani nya Tshangano, a di rana Mosi a gu ganela naye, khuye:

Mithumo 10:13

A di pwa lito na li gukhilo; “Khuga u eme, Pedro, songa u hodze”

Mithumo 10:3

Tshigu mwedo, ni silambo, umo nya ora nya wuraru, a di woniswa giwoniso nya gukari. Ngilozi ya Nungungulu yi di hidzimela avbo a nga bani a romo, yi mu rana, khiyo: “Korineliyo.”

Mithumo 9:4

A di thega vbavbatshi a pwa lito na li gukhilo “Sawule, Sawule, khu ginani u nyi sanisago?”

Dhewuteronome 33:16

a na va ninge mafu nya gunone ni sivangwa saye satshavbo ni sikategiso sa uye a nga dzi wonegisa mugipoponi. Makategwa yaya ma na khale hungoni ga Josefe, ni hungoni gwa wule a nga pambudwago ga vandriyaye.

1 Samuweli 3:10

Khavbo avbo, Pfhumu Nungungulu a dita vbafuvbi gwaye, a mu rana kha nga idzo a nga mu ranago khidzo ga dzimbe dzinyondro, khuye: “Samuweli! Samuweli!” Samuweli a di hakha, khuye: “Ganela, Pfhumu Nungungulu; githumi gyago gi ngupwa!”

1 Samuweli 3:4

Pfhumu Nungungulu a di rana lidzaha, khuye: “Samuweli, Samuweli!” Uye a di hakha, khuye: “Nyi womo avba!”

1 Samuweli 3:6

Pfhumu Nungungulu a di rana nyaluphye Samuweli. Lidzaha li di wuga li hongola avbo a nga bani a romo Eli, li ya, khilo: “Nyi womo avba, kholu u nga nyi ranago:” Eli a di li hakha, khuye: “Kha nya gu rana mwanangu; bwelela u ya lala.”

1 Samuweli 3:8

Pfhumu Nungungulu a di engedza gu rana Samuweli nya wuraru, uye a di wuga a hongola ga Eli, aya mu embela, khuye: “Nyi womo avba, kholu u nga nyi ranago.” Khavbo avbo, Eli a di tugula gukhuye khu Pfhumu Nungungulu a ranago lidzaha.