Ekisodha 3:13 - Bhibhiliya Nya Guage

¹³ Mosi a di embela Nungungulu, khuye: “Wona nya gukhuwe nya gu hongola ga sanana sa Israyeli nyi ya si embela, kheni: Nungungulu wa vababe vanu a nyi rumede gwanu; avo va na nyi wudzisa, khavo: Khu mani Lina laye? Nyi na va embela ginani?”

Ekisodha 3:13 Iomraidhean Croise

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Mavingu 30:4

Khu mani a gwedego ndzadzini bwelo khavbo a wuya? Khu mani a kodzago gufumbaredza phuvbo khu mandza yaye? Khu mani a fumbelago mati mwendrani gwaye? Khu mani a emisidego dzikhona nya mahegiso nya litigo? Khuye mani lina laye, ni lina la mwanaye, mwendro sago u ngu liti?

Ekisodha 3:14

Nungungulu a di embela Mosi, khuye: “ENI KHENI WULE A GU ENI.” A engedza a mu embela, khuye: “U na embela sanana sa Israyeli, khuwe: ENI KHENI- a nyi rumede gwanu.”

Genesi 32:29

Jakobe a engedza, khuye: “Nyi ngu gu lomba u nyi embela lina lago.” Uye a di mu hakha, khuye: “Khu ginani u wudzisago lina langu?” Khavbo avbo, a di mu kategisa.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Valamuli 13:17

Khavbo avbo, Manowa a di wudzisa Ngilozi ya Pfhumu Nungungulu, khuye: “Lina lago khuwe mani, gasi hi kodze gu gu bonga ma gu tadzisega magana yago?”

Valamuli 13:6

Khavbo avbo, nyamayi wule a diya embeledzela satshavbo mwama waye, khuye: Dzude muthu wa Nungungulu avbo gwangu, khovbe yaye a di fanana ni ngilozi nya guthavisege ya Nungungulu, kha nya mu wudzisa kheni a gu dugela hayi, ambari uye kha nyi embela lina laye.

Ekisodha 15:3

Pfhumu Nungungulu ndrena nya tshivba, Lina laye khuye Pfhumu Nungungulu.

Mithumo 3:13

Nungungulu wa Abrahama, wa Isaki ni wa Jakobe, Nungungulu wa vababe vathu, rungudzide githumi gyaye Jesu, mu nga Mu ningelani enu, ni gu mu dangani mbeli ga Pilato; narigu uye a di guvbweta gu mi tshula, enu mu bomba.

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Ekisodha 7:16

U na mu embela, khuwe: “Pfhumu Nungungulu wa Vahebheru a nyi rumede gwago, guta gu embela, kheni: Diga vathu vangu va duga gasi va ya nyi thumela giwulani, aholu uwe kala olu khu dzini gu nyi yingisa.”

Isaya 52:6

Khu guralo, vathu vangu va na liti lina langu, khu litshigu lolo, va na dziti nya gukhavo kheni nyi ganelago gukheni: “Nyi womo avba.”