Ekisodha 3:12 - Bhibhiliya Nya Guage

¹² Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Ekisodha 3:12 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Genesi 15:8

Abrama a di wudzisa, khuye: “Pfhumu Nungungulu nyi na dziti kharini gukheni litigo leli li na khala thomba yangu khu lisine?”

Genesi 26:3

Vbanya umo matshigu nya gukari, Eni nyi womo gwago, nyi na gu kategisa, kholu Eni nyi na ninga uwe ni sanana sago mayigo yaya yatshavbo, nyi na tadzisa gisambanyo nyi giridego ga babe wago Abrahama.

Genesi 31:3

Pfhumu Nungungulu a di embela Jakobe, khuye: “Bwelela tigoni ga vavelegi vago ni valongo vago; Eni nyi na bani nyiri nago.”

2 Dzipfhumu 19:29

Gikombiso gyago, gi na bani giri egi: Mwaga yoyu mu na hodza mipfhundre, khu mwaga wutago mu na hodza iso nya gu dzi bugele sabune, khu mwaga nya wuraru, mu na yala mu vbwera, mu na lima marembwe nya dziuvha mu hodza mihandro yaye.

1 Dzikoronika 9:20

Fineya, mwamana wa Eliyazari, khu gale a diri muthangeli wawe, kholu Pfhumu Nungungulu a diri ni uye.

Dzindzimo 86:17

Nyi ninge giyeyedzo nya wuwadi wago, gasi va gi wone avo va nyi vengago va khale dzitshoni, kholu uwe Pfhumu Nungungulu u ngu nyi phasa ni gu nyi tangadzisa.

Ekisodha 18:5

Jetro, sade wa Mosi, ni mwangadzi wa Mosi ni sanana saye, va di endrela Mosi mugiwulani a nga bani a ghovide umo, gigomoni ga Nungungulu.

Ekisodha 3:1

Mosi a di gu havisa dzinvuta dza sade waye Jetro, muphasi nya mhamba wa Medhiyani. Tshigu mwedo a di ghula dzinvuta a guya hwindzo ngudzu, mugiwulani kala a vboha gigomoni ga Horebhi; gigomo gya Nungungulu.

Ekisodha 3:13

Mosi a di embela Nungungulu, khuye: “Wona nya gukhuwe nya gu hongola ga sanana sa Israyeli nyi ya si embela, kheni: Nungungulu wa vababe vanu a nyi rumede gwanu; avo va na nyi wudzisa, khavo: Khu mani Lina laye? Nyi na va embela ginani?”

Ekisodha 33:14

Nungungulu a di hakha, khuye: “Eni mune furi nyi na thanga mbeli gwago, nyi na gu hefemudza.”

Ekisodha 4:12

Khu guralo, indra olu, Eni nyi na bani nyiri kanani gwago, nyi na gu hevbudza iso u yelago gu ganela.”

Ekisodha 4:15

Uwe u na ganela, u vega magana kanani gwaye. Eni nyi na bani nyiri kanani gwago ni gwaye, nyi na mi hevbudza iso mu fanelago gu gira.

Ekisodha 8:27

Hi dige hi gira liendro nya matshigu mararu, hi hongola giwulani hi ya phasela Pfhumu Nungungulu wathu dzimhamba gukhedza khu edzi, Uye a na gu hi lombago khidzo.”

Isaya 37:30

Giyeyedzo gyago gi na bani giri egi: Mwagani momu u na hodza mipfhundre, khu mwaga nya wuvili, mu na hodza iso si na bugago sabune, aholu khu mwaga nya wuraru, mu na yala mu vbwera ni gulima marembwe mu hodza mihandro yakone.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Jeremiya 1:8

U nga va thavi, kholu eni nyi nago gasi gu gu vbulugisa, a ngu ganela Pfhumu Nungungulu.

Mitengo 16:28

Khavbo avbo, Mosi a di ganela, khuye: “Olu khavbo mu na dzitigo gukhenu Pfhumu Nungungulu khuye a nyi rumidego guta gira satshavbo silo sesi. Kha si dugeli monyoni gwangu.

Mitengo 23:21

Kha gu wonegi libango ga Jakobe, gu mwalo guvivba ga vathu va Israyeli. Pfhumu Nungungulu wawe a na ni avo, a ngu kulungedwa vbakari gwawe kha nga Mufumeli wawe.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Marko 16:20

Vapizane va di khuga khu vbale va gimbila va tivisa Ivhangeli malangani yatshavbo. Pfhumu a di thumisana navo, a tiyisa magana yawe khu siliwugiso va nga bani va gu gira. Amen.

Mithumo 11:21

Tshivba ya Pfhumu yi diri navo. Vathu nya vangi va di khodwa, va gu vbindrugedza mavbanyelo, va wuya ga Pfhumu.

Mithumo 7:7

Aholu, litigo li na gu va sanisago nyi na li lamula.’ Nungungulu a di engedza gambe gu ganela, khuye: ‘Hwane nya isoso va na duga khu tigoni mule va ta nyi khozela wulangani wowu!’

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Dhewuteronome 31:23

Khavbo avbo, Pfhumu Nungungulu a di leletela Josuwa, mwamana wa Nuni, a mu embela, khuye: Tiya longo u si vbeli tshivba; kholu khuwe u na vbohisago sanana sa Israyeli ga litigo nyi sambanyidego gu va ninga; gasi eni nyi na bani nyiri nago.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Valamuli 6:12

Khavbo avbo, Ngilozi ya Pfhumu Nungungulu yi di mu tumbulugela yi ta mu embela, khiyo: “Gidhiyoni, Pfhumu Nungungulu a na ni uwe mudwani nya tshivba nya nyimbi.”

Valamuli 6:16

Pfhumu Nungungulu a di mu hakha, khuye: “Eni nyi na bani nyiri nago, u na pala va na Medhiyani vatshavbo nga khwatshi wa gu pala muthu moyo basi.”

Valamuli 6:17

Gidhiyoni a di engedza gambe a ganela, khuye: “Nya gu bani nyi manide makategwa mahoni gwago, nyi ninge giyeyedzo nya gu khigyo, khuwe kamwe u ganelago ni eni.

Valamuli 6:21

Ngilozi ya Pfhumu Nungungulu yi di kuha nyama ni sibaba nyambana mela khu tshoka nya ndronga yi nga bani yi pharide mandzani. Nilo wu di gwela khu vbagiwindritunu wu dagaredzisa nyama ni sibaba nyambana mela. Ngilozi ya Pfhumu Nungungulu yi di mwalalega mahoni gwaye.

Valamuli 7:11

u naya vapwa iso va si ganelago. Khu hwane nya ugo, uwe u na tiya hwambo nya gu va dhumele.” Khavbo avbo, uye a di relela gumogo ni githumi gyaye Pura kala aya vboha vbafuvbi ga vakheviseli nya lizumbo.

1 Samuweli 14:10

Aholu va gukhavo: Deluni eno gwathu; avbovbo hi na hongola, kholu gu yeyedza gupwani Pfhumu Nungungulu a va ningede mandzani gwathu. Egi gi na bani nari giyeyedzo gwathu.”