Ekisodha 3:11 - Bhibhiliya Nya Guage

¹¹ Khavbo avbo, Mosi a di embela Nungungulu, khuye: “Kheni mani eni, nya gukala nyi ya mahoni ga Faro nyi ya dusa va na Israyeli khu tigoni ga Egipito?”

Ekisodha 3:11 Iomraidhean Croise

2 Samuweli 7:18

Khavbo avbo, mufumeli Dhavhidhe a di bela aya khala Nyumbani ga Pfhumu Nungungulu, khuye: “Na nyiri mani eni Pfhumu Nungungulu, ni nyumba yangu yi ngava ya ginani nya gukala u nyi resa avba?

1 Dzipfhumu 3:7

Gasi olu, uwe Pfhumu Nungungulu wangu, khuwe u giridego githumi gyago gi fuma wulangani ga babe wangu Dhavhidhe; aholu, eni nyi ngari gyanana gidugwana nyambana wugengeli, kha nyi dziti gukheni nyi na bela ni gu duga kharini.

1 Dzipfhumu 3:9

“Khu guralo, ninga githumi gyago, monyo nya gutale khu guti, gasi a kodza gu gimbidzisa vathu vago, a mane wugengeli nya guti guhambanisa wuwadi ni guvivba, kholu, khu mani a na kodzago gulamula vathu vago nya gutale kharati?”

1 Dzikoronika 29:14

Kholu eni, gumogo ni vathu vangu, khethu vamani nya gukala hi dzi kodza gu ningela khu gugola silo nya nga esi? Satshavbo sa guta khiyo gwago, iso hi ningedego hi si manide mandzani gwago.

Ekisodha 6:12

Aholu Mosi a di ganela ga Pfhumu Nungungulu, khuye: “Wona gukhuwe sanana sa Israyeli kha si nyi yingisi. A na nyi yingisa kharini Faro, olu eni nyi si kodzigo gu ganela?”

Jeremiya 1:6

Khavbo avbo, eni nyi di hakha, kheni: “Oh! Pfhumu Nungungulu! Wona nya gukhuwe kha nyi kodzi gu ganela; kholu eni nyi ngari gyanana.”

2 Vakorinto 2:16

Ga vale va mbembago, mahema nya lufu ma vangago gufa, ga vale va vbanyiswago mahema nya womi ma vangago guvbanya. Khu wevbini muthu a yedwago khu thumo wowu?

2 Vakorinto 3:5

Kha hi dzi kodzi gu ganela khethu ha gu gira esi khu mapimo yathu, ahihi; kholu mapimo yathu ma guta khu ga Nungungulu.

Valamuli 6:15

Gidhiyoni a di mu hakha, khuye: “Nyi pwele wuhindzi, mune wangu, nyi na dzi kodza kharini eni gu tshudzisa va na Israyeli? Olu ndranga yangu a gu iyo nya wusiwana ngudzu ga lihundzu gu ilo nya lidugwane ga Manasi, eni kheni nya dugwane wakone wa ndrangani ga babe wangu.”

1 Samuweli 18:18

Dhavhidhe a di phindrula Sawule, khuye: “Kheni mani eni, ambari khu mavbanyelo yangu ni ndranga ya babe wangu omu tigoni ga Israyeli, nyo kala nyi khala mwane wa mufumeli.”