Ekisodha 3:1 - Bhibhiliya Nya Guage

¹ Mosi a di gu havisa dzinvuta dza sade waye Jetro, muphasi nya mhamba wa Medhiyani. Tshigu mwedo a di ghula dzinvuta a guya hwindzo ngudzu, mugiwulani kala a vboha gigomoni ga Horebhi; gigomo gya Nungungulu.

Ekisodha 3:1 Iomraidhean Croise

1 Dzipfhumu 19:19

Khu guralo, Eliya a di duga khu vbale, aya mana Elizewu, mwamana wa Safati, a nga bani a gu lima. A diri ni likhumi na mivili mipatwa nya dzimombe mbeli gwaye. Uye a di gu lima khu patwa nya likhumi na wuvili. Eliya a di vbindra khavbo gwaye, a rinya libhadzi laye vbatshani ga Elizewu.

1 Dzipfhumu 19:8

Eliya a di wuga a hodza ni gu sela. Guhodza gule gu di mu ninga tshivba nya yikhongolo gasi gu gimbila magumana matshigu ni magumana wutshigu, kala guya vboha Horebhi, gigomoni gya Nungungulu.

Dzindzimo 106:19

Gigomoni gya Horebhi, va di wumba gimombyana nya gugirwe khu ndralama, va gu khidzimela gifananiso nya gugirwe khu simbi nya gunyiviligiswe.

Ekisodha 17:6

Eni nyi na gu thangela, nyi ya gu emela vbatshani nya giwindri gya Horebhi. Uwe u na veta giwindri, gu na duga mati va sela vathu.” Mosi a di gira kharato mbeli ga madhota ya na Israyeli.

Ekisodha 18:12

Khavbo avbo, Jetro, sade wa Mosi, a di ningela miphaso nya guvbiswe ni dzimhamba ga Nungungulu. Aroni ni madhota yatshavbo ya Israyeli ya dita hodza gumogo ni sade wa Mosi mbeli ga Nungungulu.

Ekisodha 19:11

Va na khale na va dzi dongisede litshigu nya wuraru, kholu khu litshigu nya wuraru, Pfhumu Nungungulu a na tshiga na gu wonwa khu vathu vatshavbo vbatshani nya gigomo gya Sinayi.

Ekisodha 19:2

Na va khugide khu Refidhimi, va di vboha giwulani gya Sinayi, va gu zumba avbovbo, Israyeli a di zumba mbeli nya gigomo.

Ekisodha 19:3

Mosi a di lita kala vbafuvbi ni Nungungulu. Khu mugigomoni Pfhumu Nungungulu a di mu rana, a mu embela, khuye: “U na ganela esi ga nyumba ya Jakobe, u tivisa esi ga sanana sa Israyeli, khuwe:

Ekisodha 2:16

Muphasi nya mhamba wa Medhiyani a diri ni livbandre na vavili vanyamahegyane, va ngata rega mati va tadza sighowolo gasi gu sedza tshambi wa babe wawe.

Ekisodha 2:18

Gikhati vanyamahegyane va nga bwelelago avbo a nga bani a romo babe wawe Reweli, uye a di va wudzisa, khuye: “Mu di dzi kodza kharini muhuno mu vbiredzelago gu wuya?”

Ekisodha 2:21

Mosi a di dzumela gu khala ni mwama wule; uye a di ninga Mosi nyamahegyane waye nya gupwani khu Zipora, gu khala mwangadzi waye.

Ekisodha 24:13

Mosi a di khuga ni githumi gyaye Josuwa va gwela gigomo gya Nungungulu.

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Ekisodha 3:5

Nungungulu a di engedza, khuye: “U nga hidzimeli avba. Tshula silato migondroni gwago, kholu wulanga u gandrago litigo li agidego.”

Ekisodha 33:6

Khavbo avbo, sanana sa Israyeli, gukhugela guduga gwawe khu gigomoni ga Horebhi, va di tshula iso nya gu dzi mburisele khiso.

Ekisodha 4:18

Mosi a di duga a bwelela ga Jetro, babe wa mwangadzi waye, aya mu embela, khuye: “Nyi dige nyi hongola, nyi bwelela ga vandriyangu va guromo tigoni ga Egipito, gasi gu ya wona mwendro va nga gu vbanya.” Jetro a di hakha, khuye: “Indra gwadi khu gurula.”

Ekisodha 4:27

Khavbo avbo, Pfhumu Nungungulu a di embela gambe Aroni, khuye: “Indra u khinga Mosi giwulani.” Uye a di duga aya mu mana gigomoni gya Nungungulu, a mu bhejari.

Amosi 1:1

Magana ya Amosi, a nga bani nari moyo nya vahavisi va Tekowa, a ma wonidego khu giwoniso mayelano khu Israyeli, matshiguni ya Uziya, mufumeli wa Judha, ni matshiguni ya Jerobhowamo, mwamana wa Jowasi, mufumeli wa Israyeli, myaga mivili gu si gu manegi girevareva.

Mitengo 10:29

Khavbo avbo, Mosi a di embela Obhabhi, mwamana wa Reweli, nya Mumedhiyani, sade wa Mosi, khuye: “Olu ethu hi ngu hongola ga wulanga, Pfhumu Nungungulu a ganedego, khuye: Nyi na mi ningani; hongole hatshavbo hi na ya gu phara gwadi; kholu Pfhumu Nungungulu tumbiside silo nya sadi ga va na Israyeli.”

Mitengo 10:33

Khu guralo, va di khuga khu gigomoni gya Pfhumu Nungungulu, va dzega pfhuka nya matshigu mararu; Ngasa nya Gidzumeledzwano gya Pfhumu Nungungulu, yi di thanga mbeli gwawe, pfhuka nya matshigu mararu gasi gu vbweta wulanga nya guhefemule avbo.

Luka 2:8

Vbafuvbyana vbale va diromo vahavisi va nga bani va gulala panini va ghadha sifuyo sawe, wutshigu watshavbo.

Mithumo 7:30

“Na gu vbindride magumana myaga, Mosi a di gu manega giwulani gya Sinayi, a di tumbulugedwa khu ngilozi ya Nungungulu, yi nga wonega vbamalavbelavbetunu nya nilo na wu gu dzura vbagipopwanatunu.

Dhewuteronome 1:2

Pfhuka nya gudingane liendro nya likhumi na limwedo matshigu gukhugela Horebhi, khu ndzila nya gigomo gya Seyiri kala Kadhesi-Bharineya.

Dhewuteronome 1:6

Pfhumu Nungungulu wathu a hi embede na hiri gigomoni ga Horebhi, khuye: “Mu khade gikhati nya gingi mugigomoni momu.”

Dhewuteronome 4:10

U nga divaledwi khu litshigu u nga bani uri mbeli ga Pfhumu Nungungulu wago, gigomoni ga Horebhi, gikhati Pfhumu Nungungulu a nyi embedego, khuye: Tombanisa vathu vatshavbo, gasi va tapwa magana yangu, gasi va hevbule gu nyi ninga githawo matshigu yatshavbo va na vbanyago mafuni, ni gu ma hevbudza ga sanana sawe.

Valamuli 4:11

Hebheri, nya Mukini, a nga bani a dzi pambude ni va na gyawe gumogo ni va na Hobhabhi, sade wa Mosi, a di tsitside tshatsha waye vbafuvbi ni ngure wa Zahananimi, vbafuvbi ni Kedhesi.

1 Samuweli 16:11

Samuweli a di wudzisa Jese, khuye: “Khiso esi satshavbo sanana sago, gani?” Uye a di phindrula, khuye: “Gi nga tshade gimwegyo nya nandra gi havisago dzinvuta.” Samuweli a di embela Jese, khuye: “Rumela gu, vaya mu rana, kholu kha hi na khala vbamezatunu hi hodza uye na si gu vbohi.”