Ekisodha 26:6 - Bhibhiliya Nya Guage

⁶ U na gira gambe livbandre magumi sikhweletedzo nya ndralama, u tshanganisa malawu yatshavbo khu sikhweletedzo sesi gasi Tshatsha nya guage wu manega wuri moyo basi.

Ekisodha 26:6 Iomraidhean Croise

Ekisodha 26:11

U na gira livbandre magumi sikhweletedzo nya sugu, u si hungelela khu dzingodzi, u tshanganisa kharati Tshatsha, gasi wu khala moyo basi.

Ekisodha 26:33

U na vbayega mwendra nya makhuvi khu vbavbatshi nya sikhweletedzo, wulangani wowu wu bhiyidwego khu mwendra nya makhuvi, khavbo u na vegago Ngasa nya Gidzumeledzwano. Mwendra nya makhuvi wu na hambanisa Wulanga nya Guage ni Wulanga nya Guage Ngudzu.

Ekisodha 26:5

U na vbora livbandre magumi dzingodzi gasi gu hungelela ndzari nya guhegule, ni dzimbe livbandre magumi dzingodzi gasi gu hungelela eyi nya wuvili, dzingodzi gu vbwetega dzi khedzisana.

Ekisodha 26:7

U na gira malawu nya mawoya nya dziphongo, gasi gu pfhulela khayo wulanga nya guage. U na gira likhumi na limwedo malawu.

Ekisodha 35:11

Wulanga nya Guage ni Tshatsha waye, ni sipfhulelo sakone, masindra, sivbaregedzo, ni mapulango nya mitalatsi, madingo ni dzitshina;

Ekisodha 36:13

Va di gira livbandre magumi sikhweletedzo nya ndralama, gasi gutshanganisa khiso myendra nya makhuvi, khu guralo Tshatsha nya Guage wu di manega wuri moyo.

Ekisodha 36:18

Va di gira gambe livbandre magumi sikhweletedzo nya sugu gasi gu tshanganisa Tshatsha wu khale wuri moyo basi.

Ekisodha 39:33

Khavbo avbo, va di bikela Wulanga nya Guage ga Mosi, tshatsha ni sombo satshavbo si lumbago umo a gu esi: Sipharo, mapulango, mitalatsi, madingo ni dzitshina;

Vaefeso 4:16

Sivbango satshavbo nya guhambanelane sa gu mana gu yingana khu tshivba yaye. Givbango ni givbango gya gu thuma thumo gi fanedego, guphasega givili gyatshavbo, gi dandra khu maningano lihaladzoni.