Ekisodha 26:1 - Bhibhiliya Nya Guage

¹ “U na emisa Tshatsha nya guage, khu likhumi malawu nya gulugwe khu wuluva nya wumburi ni mwendra nya livala la damboni, nya guthedwe nyiwa nya guhambanelane, nya guvbyuge, nya giwunguwungu. U ma mburisela khu gu lugela sifananiso nya dzikerubhimi.”

Ekisodha 26:1 Iomraidhean Croise

2 Samuweli 7:2

mufumeli a di ganela ni muprofeti Natani, khuye: “Nga wona, eni nya gu khala nyumbani nya gwadi nya sedhari, aholu Ngasa ya Pfhumu Nungungulu yi khala Tshatshani.”

1 Dzipfhumu 6:29

Bambe gwatshavbo nya ndzari nya nyumba, umo nya mapulango, gu di tshavedwa sifananiso nya dzikerubhimi, migindru ni senge si rumbugago.

1 Dzikoronika 17:1

Avbo Dhavhidhe a nga khadzisega gwadi nyumbani gwaye, a di embela Natani, khuye: “Nga wona, eni nya gu lala nyumbani nya guvbahwe gwadi khu mapulango nya sedhari, aholu Ngasa nya Gidzumeledzwano ya Pfhumu Nungungulu yi ngari tshatshani.”

1 Dzikoronika 21:29

Kholu, tshatsha wa Pfhumu Nungungulu, owu Mosi a nga wu vbahago giwulani, ni giluvelo nya dzimhamba nya guvbiswe, khu gikhati gyogyo si di bani si ngari gigomoni gya Gibheyoni.

Ekisodha 25:18

Khavbo avbo, u na gira dzikerubhimi dzimbili khu ndralama nya gupfhudwe nyamba yingwa, dzi wonega mahegiso nya gikhalo nya ditshedzo khu maphuvbo ya mavili.

Ekisodha 25:4

myendra nya livala nya nga la damboni, nya giwunguwungu, ni gufuvila, nya seda ni mawoya nya phongo,

Ekisodha 25:8

Mu na nyi vbahela nyumba nya miphaso nyifela gu khala khumo vbakari gwawe;

Ekisodha 26:2

Lidawu ni lidawu, gu vbwetega pimo nya gulaphe gwaye, magumavili na livbandre na miraru mikono; ni mikono mina guanama, malawu yatshavbo ma dingana khu mipimo yoyo.

Ekisodha 26:31

“Khu gulandrela, u na gira mwendra nya livala nya nga la damboni, nya giwunguwungu, nya guvbyuge, ni linyu nya wuzundzo nya gulugwe khu wumeseri, yi vegedzedwa sifananiso nya dzikerubhimi.”

Ekisodha 26:36

Vbamwanyatunu nya Wulanga nya Guage u na vega mwendra nya makhuvi nya livala nga la damboni ni giwunguwungu, wu lugidwego gwadi wu mburisedwa khu wumeseri.

Ekisodha 31:7

Tshatsha nya Tshangano, Ngasa nya Gidzumeledzwano ni gikhalo nya ditshedzo gi fenengedzago ngasa, ni sombo satshavbo nya Tshatshani:

Ekisodha 35:11

Wulanga nya Guage ni Tshatsha waye, ni sipfhulelo sakone, masindra, sivbaregedzo, ni mapulango nya mitalatsi, madingo ni dzitshina;

Ekisodha 35:35

A va tadzide khu guti ni gugengela nya gukodze mithumo yatshavbo nya wumeseri, nya guvate ni gu luga myendra nya wuzundzo nya livala nya nga la damboni, ni giwunguwungu, ni guvbyuga ni linyu nya wumburi, gasi va kodza gu gira gwadi mithumo yatshavbo, ni mano nya gu tugule yimbe mithumo.

Ekisodha 35:6

myendra nya wuzundzo nya livala nya nga la damboni, ni giwunguwungu ni guvbyuga ni seda ni mawoya nya phongo;

Ekisodha 36:35

Va di gira mwendra nya livala nya nga la damboni, ni giwunguwungu, ni guvbyuga ni linyu nya wumburi, wumburisedwa gwadi khu dzikerubhimi nya gulugedwe gwadi khu wumeseri.

Ekisodha 39:3

Va di pfhula ndralama va yi ladza va yi kwaya yi khala dzingodzi va dzi lugela ni mwendra nya livala nya nga la damboni, ni giwunguwungu, ni guvbyuga ni linyu nya wuzundzo va lugela khu wumeseri ni wugengeli.

Ekisodha 40:2

“Khu litshigu nya guphele nya ngima nya guhegule, u na tsitsa wulanga nya guage nya Tshatsha nya Tshangano.”

Mitengo 3:25

Va na Gerisoni va di rwegidwe thumo nya gusayise Tshatsha nya Tshangano, ni gu pfhulela Tshatsha ni gu ghwimba makhuvi vbanyangwatunu nya Tshatsha nya Tshangano,

Mitengo 4:25

Va na rwala myendra ya Wulanga nya Guage ni ya Tshatshani nya Tshangano, ni gifenengedzo gyakone, ni gifenengelo nya malowo nya guvbevbuge, esi si handzegwago khu vbatshani, ni mwendra wa vbamwanyatunu nya Tshatsha nya Tshangano;

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 2:21

Aholu uye a di gu thula nyumba nya givili gyaye.

Vahebheru 8:2

Uye a gu gimbidzisa thumo waye nya wuphasi nya mhamba Nyumbani nya Guage Ngudzu yi giridwego khu Nungungulu nasiri khu mandza nya vathu.

Vahebheru 9:2

Va di vbahide nyumba nya miphaso yi nga kabaniswa khu sipandre sivili. Makhuvini nya guhegule gu di ranwa gupwani “Wulanga nya Guage.” Gu di vegwa umo kandriya nya ndralama ni meza nya sibaba nya guphasedwe Nungungulu.

Vahebheru 9:9

Egi giyeyedzo ga gikhati gegi, gu yeyedza gupwani miphaso ni dzimhamba nya sirengo hi ningelago ga Nungungulu kha si vbelelisi guaga myonyo ya vale va khozelago.

Gutuledwa 19:8

ambagisedwe dzingandzu nya gumbure dzi handzidwego dzi agiswa gwadi.” Dzingandzu nya wumburi khu mithumo ya ndruda ya va nya gukatega.

Gutuledwa 21:3

Khavbo avbo, nyi di pwa lito nya tshivba na li guta khu gikhalotunu nya wufumu, khilo: “Wonani Nyumba ya Nungungulu vbakari nya vathu. Nungungulu a na vbanya vbakari nya vathu, avo va na khala vathu vaye, uye vbakari gwawe, a na bani ari Nungungulu wawe.