Ekisodha 24:4 - Bhibhiliya Nya Guage

⁴ Mosi a di lova magana yatshavbo ya Pfhumu Nungungulu. A di wuga ni dzimindru ngudzu, a gira giluvelo vbavbatshi nya gigomo, a di vbaha likhumi na mavili madingo, gukhedza khu likhumi na mavili mahundzu ya Israyeli.

Ekisodha 24:4 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 28:18

Khu mindru gakone, na gu ngari dzimindru ngudzu, Jakobe a di dzega giwindri gile a nga lalago a khighela avbo, a gi emisa kha nga lidingo gasi gi khala gialakanyiso, a guhula mafura vbatshani gakone.

Genesi 28:22

Giwindri gegi nyi gi tsitsidego kha nga lidingo nya gialakanyiso, gi na bani na giri Nyumba ya Nungungulu; ga satshavbo iso a na gu nyi ningago nyi na dusa nyi livba gipandre nya likhumi.

Genesi 31:45

Jakobe a di dzega giwindri a gi emisa kha nga lidingo nya gialakanyiso.

1 Dzipfhumu 11:30

Ayiya a di dzega ngandzu nya yiphya a nga bani ari nayo, a yi pferulela khu likhumi na sivili sipandre.

1 Dzipfhumu 18:31

Khu hwane a di dzega likhumi na sivili siwindri, mayelano ni tengo nya sanana sa Jakobe, a nga embedwago khu Pfhumu Nungungulu, khuye: “U na ranwa pwani khuwe Israyeli.”

Ezira 6:17

Va di gira miningelo nya guagise Nyumba yeyi ya Nungungulu khu lizana dzimombe (100), mazana mavili dzihamba (200), mazana mana dzinvuta (400), ni likhumi na dzimbili dziphongo, gasi gu gira phaselo nya gutsetseledwe gighoho gya vatshavbo va na Israyeli, mayelano khu tengo nya mahundzu ya na Israyeli.

Nehemiya 10:1

Khu satshavbo sesi, hi giride gidzumeledzwano gi tiyidego, khu gu gi lova, gi sayinwa khu manganagana yathu, ni va na Levhi vathu, ni vaphasi vathu nya mhamba.

Ekisodha 17:14

Khavbo avbo, Pfhumu Nungungulu a di embela Mosi, khuye: “Lova silo sesi libhukuni, gu khala gialakanyiso gi sayiswago, u embela gambe Josuwa, khuwe: Eni nyi na gira gu Amaleki a fuva a si alakanwi gambe vbavbatshi nya lidambo.”

Ekisodha 17:15

Mosi a di gira giluvelo a gi rana khu lina nya gupwani: “Pfhumu Nungungulu khuye Ngavbya yangu.”

Ekisodha 21:1

Esi khu sileletelo u na si vegago vbakari gwawe:

Ekisodha 24:7

A di dzega libhuku nya gidzumeledzwano a hevbula na gu pwidwa khu vathu, avo va hakha, khavo: “Satshavbo esi Pfhumu Nungungulu a ganedego, ethu hi na si gira ni gu si yingisa.”

Ekisodha 28:21

gu na bani guri likhumi na sivili siwindri gukhedza khu malina ya sanana sa Israyeli. Avbo nya giwindri ni giwindri gu na lowa lina limwedo nya yale nya likhumi na mavili mahundzu ya na Israyeli. Malina ma na khu gu khandrwa kha nga gifungo.

Ekisodha 34:27

Pfhumu Nungungulu a di embela gambe Mosi, khuye: “Lova magana yaya u ma vegisa, kholu nyi hungide khayo gidzumeledzwano nago gumogo ni sanana sa Israyeli.”

Isaya 19:19

Khu litshigu lolo, gu na manega giluvelo nya gulumbe Pfhumu Nungungulu, tigoni ga Egipito, vbinganoni gwaye, gu na emiswa lidingo la Pfhumu Nungungulu; lidingo leli gasi gu khala gialakanyiso gyaye.

Levhi 24:5

U na dzega gambe wuguvbi nya gudadatwe u phula khuwo likhumi na sivili sibaba, gibaba ni gibaba gi na dzega mipimo mivili nya gipandre nya likhumi nya efa.

Mitengo 17:2

“Ganela ga sanana sa Israyeli, va gu resela dzindronga dzawe, edzi dzi na dugago khu ga vathangeli va dugelago khu ga lihundzu la vababe vawe, va resa gwago, dzi na enedza likhumi na dzimbili dzindronga; u na lova lina la muthu ni muthu avbo nya ndronga yaye.

Luka 22:30

gasi mu hodze ni gu sela vbamezatunu nya buzo wangu. Mu na khalani vbasikhalotunu nya wufumu, mu lamula mahundzu yatshavbo ya Israyeli, nya likhumi na mavili.

Vagalatiya 2:9

Jakobe, Pedro ni Johane va tidwago kha nga vathangeli, na va wonide gukhavo khu lisine, hi ningidwe wuhigo nya thumo wowu; va di hi phara mandza eni ni Bharinabha, va gu yeyedza kharalo wuhengeli. Hi di pwanana gukhethu hi hongola hiya thuma vbakari ga va nya mayigo gasi avo vaya thuma vbakari nya Vajudha.

Dhewuteronome 31:9

Nayo yoyu, Mosi a di wu lova a ningela vaphasi nya mhamba, sanana sa Levhi, va nga bani va gu rwala Ngasa nya Gidzumeledzwano ya Pfhumu Nungungulu gumogo ni madhota yatshavbo ya na Israyeli.

Josuwa 4:20

Josuwa a di ya emisa Giligali, likhumi na sivili siwindri si nga dzegwago tsongoni wa Joridhani,

Josuwa 4:5

“Thangani mbeli nya Ngasa nya Gidzumeledzwano gya Pfhumu Nungungulu wanu, kala vbakari nya tsongo wa Joridhani. Mayelano khu tengo nya mahundzu ya Israyeli, moyo ni moyo nya enu a na rwale giwindri magatani gwaye.

Gutuledwa 21:14

Libhiyo nya lidhoropa li vbahidwe vbatshani nya likhumi na sivili siseketelo si lovidwego likhumi na mavili malina nya vapostoli va Nvutana.