Ekisodha 24:2 - Bhibhiliya Nya Guage

² Mosi a na hidzimela ekha ga Pfhumu Nungungulu. Aholu avo kha va na nga hidzimela ambari vathu va nga liti naye gigomoni.”

Ekisodha 24:2 Iomraidhean Croise

Ekisodha 19:12

Gambe u na vegela vbingano vathu, wu dzundrulugelago gigomo, u va embela, khuwe: Dzi woneleni, mu nga gweli gigomoni, mwendro gu kuha basi dzibambe gakone. Kholu muthu watshavbo a na kuhago gigomo a na songwa.

Ekisodha 20:21

Vathu va di ema hwindzo, aholu Mosi a di hidzimela vbafuvbi ni lipfhi nya gusivbale, avbo a nga bani ari avbo Nungungulu.

Ekisodha 24:1

Nungungulu a di embela Mosi, khuye: “Lita ga Pfhumu Nungungulu wago, uwe, Aroni, Nadhabhi, Abhiyu gumogo ni vale nya livbandre na mavili magumi madhota ya Israyeli; mu ta khidzima khu hwindzo.

Ekisodha 24:13

Mosi a di khuga ni githumi gyaye Josuwa va gwela gigomo gya Nungungulu.

Ekisodha 24:15

Mosi na litide gigomoni, lipfhi li di fenengedza gigomo.

Ekisodha 24:18

Mosi a di bela vbakari nya lipfhi a gu lita vbatshani nya gigomo. Mosi a di ya khala gigomoni gipimo nya magumana matshigu, wutshigu ni mihani.

Ekisodha 24:3

Mosi a di wuya a ta embeledzela vathu magana yatshavbo a nga ganelago Pfhumu Nungungulu, ni sileletelo satshavbo; vathu va di hakha khu lito limwedo, khavo: “Ethu hi na landrisa magana yatshavbo aya a ganedego Pfhumu Nungungulu.”

Jeremiya 30:21

Moyo wawe a na khala muthangeli, vbakari gwawe a na duga mufumeli, nyi na mu ranisa, uye a na hidzimela vbafuvbi gwangu; kholu khu mani a na tiyelago gu vboha vbafuvbi gwangu? A ngu ganela Pfhumu Nungungulu

Jeremiya 49:19

Wonani nya gukhenu nyi nata kha nga nghala, yi dugago khu sipoponi sa Joridhani yi relela panini nya mahawo nya gunyuge; kholu, khu githugedza nyi na mu phalalegisa tigoni gwaye; khu wevbini uye nyi mu hathidego, nyi mu emisidego ga isoso? Khu mani a fananago ni Eni? Khu mani a na gu nyi wudzisago? Khu mani muhavisi a na tiyelago gu dwana ni Eni?

Mitengo 16:5

A di ganela ga Kore gumogo ni tsawa waye, khuye: “Mindru, gu ngari dzimindru, Pfhumu Nungungulu a na va yeyedza avo va gu vaye, ni gu khu mani a agidego a na gu mu hidzimisa avbo gwaye; khu guralo, wule a na gu mu hathago a na mu vbohisa avbo gwaye.

Vahebheru 9:24

Kholu Kristo kha bela Makhuvini nya Wulanga nya Guage Ngudzu nya gugirwe khu mandza nya vathu a gu giyeyedzo nya Wulanga nya Guage nya lisine. Uye bede ndzadzini gwabune, umo a guromo olu a lombelela khu ethu mbeli ga Nungungulu.